«قازاقتىڭ ساسقانى – ۇيعىردان قاشقانى»
الماتى وبلىسى، ۇيعىر اۋدانىنىڭ جۇزدەگەن تۇرعىندارىنىڭ اتىنان وبلىس اكىمى اڭسار تۇرسىنحانۇلىنىڭ جانە اۋدان اكىمى كۋيۋمچان اۆانۇلىنىڭ اتىنا جازىلعان حات كەزدەيسوق قولىمىزعا ءتۇستى.
قازاقستان - بولىنبەيتىن، بولشەكتەنبەيتىن، ءبىرتۇتاس مەملەكەت ەكەنىن انىق. بۇل تۋرالى اتا زاڭدا دا تايعا تاڭبا باسقانداي جازىلعان. الايدا، تەرىس پيعىلدى، ازاماتتاردىڭ تەڭدىگى مەن ەل مەن جەردىڭ تۇتاستىعىنا قىڭىر كەلەتىن ارەكەتتەردىڭ دە بار ەكەنىنە تومەندەگى حاتتان قانىق بولاسىز.
«اباي-اقپارات»
قۇرمەتتى اڭسار تۇرسىنحانۇلى!
«سۇيەر ۇلىڭ بولسا، سەن سۇي،
سۇيىنەرگە جارار ول» - دەپ، ۇلى اباي ايتپاقشى، ەل تاۋەلسىزدىگىنىڭ 20 جىلدىعى مەرەيتويى قارساڭىندا وبلىسىمىزدى باسقارۋعا باسقان قادامىڭىزعا نۇر جاۋسىن! قازاق ەلىنىڭ ابىرويىن اسقاقتاتۋ جولىندا ايانبايتىنىڭىزعا بەك سەنىمدىمىز.
ايتسە دە، «اۋرۋدى جاسىرعانىمەن، ءولىم اشكەرلەيدى» - دەمەكشى، اۋدانىمىزدا كوپتەن بەرى قوردالانىپ قالعان مىنا ماسەلەلەردى سىزگە جەتكىزبەۋگە بولمادى.
قازاقتار عانا مەكەندەگەن سۇمبە، شوشاناي ەلدى مەكەندەرىنە باراتىن اۆتوجولعا 2008 جىلدان بەرى ەشبىر جوندەۋ جۇرگىزىلمەي، ال نەگىزىنەن ۇيعىر دياسپوراسى تۇراتىن اقسۋ، اۆات، تيىرمەن باعىتىنداعى اۆتوجولدىڭ جىل قۇرعاتپاي جوندەلۋى اتامەكەنىندە وتىرعان قازاقتاردىڭ نامىسىنا تيمەي مە؟
الماتى وبلىسى، ۇيعىر اۋدانىنىڭ جۇزدەگەن تۇرعىندارىنىڭ اتىنان وبلىس اكىمى اڭسار تۇرسىنحانۇلىنىڭ جانە اۋدان اكىمى كۋيۋمچان اۆانۇلىنىڭ اتىنا جازىلعان حات كەزدەيسوق قولىمىزعا ءتۇستى.
قازاقستان - بولىنبەيتىن، بولشەكتەنبەيتىن، ءبىرتۇتاس مەملەكەت ەكەنىن انىق. بۇل تۋرالى اتا زاڭدا دا تايعا تاڭبا باسقانداي جازىلعان. الايدا، تەرىس پيعىلدى، ازاماتتاردىڭ تەڭدىگى مەن ەل مەن جەردىڭ تۇتاستىعىنا قىڭىر كەلەتىن ارەكەتتەردىڭ دە بار ەكەنىنە تومەندەگى حاتتان قانىق بولاسىز.
«اباي-اقپارات»
قۇرمەتتى اڭسار تۇرسىنحانۇلى!
«سۇيەر ۇلىڭ بولسا، سەن سۇي،
سۇيىنەرگە جارار ول» - دەپ، ۇلى اباي ايتپاقشى، ەل تاۋەلسىزدىگىنىڭ 20 جىلدىعى مەرەيتويى قارساڭىندا وبلىسىمىزدى باسقارۋعا باسقان قادامىڭىزعا نۇر جاۋسىن! قازاق ەلىنىڭ ابىرويىن اسقاقتاتۋ جولىندا ايانبايتىنىڭىزعا بەك سەنىمدىمىز.
ايتسە دە، «اۋرۋدى جاسىرعانىمەن، ءولىم اشكەرلەيدى» - دەمەكشى، اۋدانىمىزدا كوپتەن بەرى قوردالانىپ قالعان مىنا ماسەلەلەردى سىزگە جەتكىزبەۋگە بولمادى.
قازاقتار عانا مەكەندەگەن سۇمبە، شوشاناي ەلدى مەكەندەرىنە باراتىن اۆتوجولعا 2008 جىلدان بەرى ەشبىر جوندەۋ جۇرگىزىلمەي، ال نەگىزىنەن ۇيعىر دياسپوراسى تۇراتىن اقسۋ، اۆات، تيىرمەن باعىتىنداعى اۆتوجولدىڭ جىل قۇرعاتپاي جوندەلۋى اتامەكەنىندە وتىرعان قازاقتاردىڭ نامىسىنا تيمەي مە؟
شونجىداعى تيپتىك ۇلگىدە سالىنعان جاڭا مەكتەپتەر عيماراتىندا ۇنەمى ورىس، ۇيعىر تىلىندە وقيتىن مەكتەپتەرگە بەرىلگەن. ال، قازاق تىلىندە وقيتىندارعا ارنالىپ سالىنا باستاعان مەكتەپ ورتا جولدان توقتايتىنىنا تاڭ قالاسىڭ. سوڭعى جىلدارى اۋدان ورتالىعى شونجى اۋىلىنا اسا ءزارۋ ەمەس باعدارشامدارعا تابىلاتىن قارجى، بىتۋگە 20-30 پايىز جۇمىسى عانا قالعان قازاق مەكتەبىنىڭ قۇرىلىسىن اياقتاۋعا كەلگەندە سۋ اياعى قۇردىمعا كەتەتىنىن كورىپ، ەرىكسىز جاعاڭدى ۇستايسىڭ. سيىمدىلىعى 180 ورىندىق
وقۋشىسى - 460 شونجى №4 ورتا مەكتەبى وقۋشىلاردى وقىتاتىن بولمەگە ءزارۋ بولسا، 916 ورىندىق ۇيعىر ورتا مەكتەبىندە 400 عانا بالا وقيدى جانە №4 مەكتەپتىڭ جانىندا ورنالاسقان №5 تاعى ءبىر ۇيعىر تىلىندەگى مەكتەپ بار. وقۋشى سانى 266 ،ۇيعىر تىلىندە وقيتىن بالالاردى №3 مەكتەپ عيماراتىنا قابىلداپ، №5 مەكتەپتى قاسىنداعى №4 مەكتەپكە بەرۋ ءۇشىن قانشالىقتى اقىل كەرەك ەكەندىگىن بىلمەيسىڭ.
ەجەلگى ءۇيسىن تايپاسىنىڭ البان رۋىنىڭ ءبىر تارماعى جارتى اتا قونىسى، ايتەي بابامىزدىڭ ۇڭگىرىن «نازگۋم» اتاندىرعانى بىلاي تۇرىپ، ونى ۇيعىر حالقىنىڭ تاريحي ۇڭگىرى دەپ اتاپ، ەسكەرتكىش كەشەن سالعالى جاتقان اعايىنداردىڭ ويلارىندا نە بار؟
بىلتىر بىرنەشە كۇن بويى شوشاناي اۋىلىنىڭ ۇيلەرىنە قوڭىراۋ شالىپ، قوقان-لوقى جاساپ، بالاعاتتاعانداردىڭ ءىسىن جاۋىپ تاستاعان قۇقىق قورعاۋ ورگاندارى مەن اكىمدىك قىزمەتكەرلەرىنىڭ ارەكەتىنە نە دەيمىز؟ ولار اۋرۋدى جاسىرعانمەن ءولىم اشكەرلەيتىنىن بىلمەي مە؟ الدە ولارعا كەرەگى ۇلتارالىق ارازدىق پا؟
«حالقى تاتۋ-ءتاتتى ەلدىڭ بولاشاعى جارقىن» - دەمەكشى، ەلباسى ەڭبەگىنىڭ ارقاسىندا، ىنتىماعى جاراسقان 130 ۇلتتى ايرانداي ۇيىتىپ وتىرعان ەلمىز. بۇل داۋسىز - اقيقات. دەگەنىمەن، بۇقار جىراۋدىڭ ابىلاي حانعا «ۋا، مەن قاۋىپ ەتكەننەن ايتامىن» - دەگەنىندەي، سوڭعى جىلدارى كوڭىلىمىزگە قاياۋ ءتۇسىرىپ، «ايرانداي ۇيىعان ەلىمىزدى، ىركىتتەي ىرىتۋگە» قۇشتار ارەكەتتەردى سىزگە جەتكىزبەۋ اقساقالدىعىمىزعا ءمىن ەدى.
وسىدان بىرنەشە جىل بۇرىن اۋدانىمىزداعى تاريحي اتاۋى «بايان قازاق»، بۇگىندە اۆات اتالاتىن اۋىلداعى ي.يسكاندەروۆ اتىنداعى ورتا مەكتەپتىڭ ۇيعىر سىنىپتارىنداعى فاكۋلتاتيۆتىك ساباقتاردا ۇيعىر تاريحى وقىتىلىپ، جەتىسۋ جەرى ۇيعىرستاننىڭ جەرى رەتىندە تانىستىرىلىپ، «شىعىس تۇركىستان» دەگەن مەملەكەتتىڭ تۋى، ەلتاڭباسى دارىپتەلەتىنى «قازاقستان» تەلەارناسىنان كورسەتىلگەنى بارىمىزگە بەلگىلى.
2010 جىلى ءساۋىر ايىنىڭ سوڭىندا تاسقاراسۋ اۋىلىندا ۇيعىر وتباسىنىڭ ۇيلەنۋ تويىنىڭ جاستار شەرۋىنە اۆتوكولىكتە «شىعىس تۇركىستان» مەملەكەتىنىڭ تۋى كوتەرىلگەنى قازاق جاستارىنىڭ نامىسىن قوزدىرىپ، رەسپۋبليكا كولەمىندە شۋ بولعانى ەل ەسىندە. سونىڭ سالدارىنان ساۋىعۋ ماقساتىندا اۋىلداردا وتكىزىلگەن جاستار فەستيۆالدەرىنىڭ بىرىندە، اتاپ ايتقاندا: اقتام اۋىلىنداگى ءىس-شارادا «ۇيعىر قيزليري» ءانىنىڭ ماتىنىندە قىتاي ەلى مەملەكەتتىك قاۋىپسىزدىككە نۇقسان كەلتىرۋشى رەتىندە ەلدەن الاستاعان رابيا قادىردى «ازاتليعيمنيڭ بالگۋسي» دەپ ماقتانىش تۇتۋىن قالاي تۇسىنەمىز؟ ءاننىڭ ءسوزىن جازۋشىنىڭ، ونى ايتقىزۋشىلاردىڭ ماقساتتارى نە؟
كۇنى كەشە عانا كىشى ديحان اۋىلىنداگى م.تايپوۆ اتىنداعى ورتا مەكتەپتە ۇيعىر سىنىبى وقۋشىلارىنىڭ «ۇيعىرستان» - دەپ جازىلعان تۋ اياسىندا سۋرەتكە ءتۇسىپ ماقتانعانىن، قازاق بالالارىنا «بۇل ۇيعىر مەكتەبى، سەندەر ءوز مەكتەپتەرىڭە بارىپ وقىڭدار، ۇيعىرستان قۇرعاندا كورەسىڭدەر ءالى» - دەپ ءدوڭايبات كورسەتىپ،
التىن كۇن اسپانى،
قازاقتىڭ ساسقانى،
ۇيعىردان قورقام دەپ،
توڭقالاڭ اسقانى - دەپ، مەملەكەتتىك ءانۇراندى مازاققا اينالدىرۋىنا ىقپال جاساعاندار كىمدەر؟
ۇلتارالىق ماسەلەنى وڭتايلى شەشۋ ءۇشىن كىشى ديحان اۋىلىنا 2-رەت كەلگەن اكىمدىك، قۇقىق قورعاۋ، ءبىلىم ءبولىمى قىزمەتكەرلەرىنىڭ وتكىزگەن جيىنىنان نەگە ءتيىستى قورىتىندى شىقپايدى؟
ۇيعىر جاستارىنىڭ اۆتوكولىكتەرىندە، ۇيالى تەلەفوندارىندا سوڭعى كەزدە جاۋىننان كەيىنگى ساڭىراۋقۇلاقتاي قاپتاپ كەتكەن شىعىس تۇركىستاننىڭ تۋى، ەلتاڭباسى، ءانۇرانى، ۇيعىرلار جاسىرىن كورەتىن رابيام قادىردىڭ بەينەتاسپاسى، كىتابى، كەيبىر مەكتەپتەردە ءانۇراندى «مەنىڭ ۇيعىرستانىم» دەپ ايتقىزۋشىلار نەنى كوزدەيدى؟
مەكەمەلەرىنە رابيا قادىردىڭ سۋرەتى بار كۇنتىزبەلەر ىلگەن كاسىپكەرلەردىڭ نيەتتەرى قالاي؟
اۋدانداعى ادام اتى بەرىلگەن 9 مەكتەپتىڭ 8-ىنە ۇيعىر ازاماتتارىنىڭ اتتارى بەرىلگەن. وسى ماسەلەنى كۇن تارتىبىنەن الىپ تاستاۋ ءۇشىن قالعان مەكتەپتەرگە قازاقتاردىڭ اتىن بەرۋگە ىقپال جاساۋدان اۋدان اكىمدىگىنىڭ بوي تارتۋىنىڭ ءمانى نەدە؟
ۇيعىر ازاماتتارى بار اۋىلداردا كوشەلەردىڭ كوپشىلىگى سولاردىڭ اتىمەن اتالۋى قالاي؟
الەمگە ايگىلى عالىم، ساياحاتشى ءوزى وقىعان كادەت كورپۋسىنىڭ قابىرعاسىنا «ۆىدايۋشيسيا پروسۆەتيتەل، كازاحسكي ۋچەننىي چوكان چينگيسوۆيچ ۆاليحانوۆ 1835-1895 گوداح ۋچيلسيا ۆ ومسكوم كادەتسكوم كورپۋسە ۆ 1847-1853 گوداح» - دەپ، ەسكەرتكىش تاقتا قويىلعان شوقاننىڭ شونجىداعى كوشەسىن كورىڭىزشى؟
ال شىعىستىڭ قوس شىنارىنىڭ ءبىرى، سوۆەت وداعىنىڭ باتىرى مانشۇك اتىنداعى كوشەدەن اۆتوماشينا جۇرمەك تۇرماق، ات سۇرىنەدى.
«ۇيعىر ورمان شارۋاشىلىعى»، «ۇيعىر سۋ قۇبىرى» - دەپ اتالاتىن مەكەمەلەر ۇيعىرلارعا عانا ءتان بە؟
شونجى اۋىلىنىڭ ورتالىق كوشەلەرىندەگى تۇندە جاناتىن «گۇلدەر» نەنىڭ نىشانى؟
اۋداندىق پوشتا، بانك، قازىناشىلىق، ورمان شارۋاشىلىعى، سۋ قۇبىرى، قارجى، ەلەكتر تورابى، ەكونوميكا، ەڭبەكپەن قامتۋ سياقتى مەكەمەلەردىڭ باسشىلارى تەك ۇيعىر ۇلتىنىڭ وكىلدەرىنەن تاعايىندالۋىنىڭ نە سىرى بار؟
ونەرىمىزدى وركەندەتىپ حالىقتى رۋحاني جاعىنان سۋسىنداتىپ جۇرگەن ۇيعىر ءانسامبىلى «ارزۋ» - 21 شتاتپەن ىستەگەنىنە 50 جىلدان اسسا، «وپتيميزاتسيا» كەزىندە وتاعا ءتۇسىپ جابىلىپ قالعان «جازەركە» ءانسابىلىنىڭ 2011-جىلدان باستاپ 6-عانا شتاتپەن «تايدىڭ جەمىن جەپ، ناردىڭ جۇگىن ارقالاپ» جۇرگەنى قالاي؟
ءتىپتى جولعا، سۋعا، مەكتەپ، بالاباقشا تاعى باسقا نىساندار سالۋعا بولىنەتىن قارجى-قاراجاتتىڭ قازاقتارى باسىم اۋىلدارعا كەنجەلەپ، سۇيىلىپ كەلەتىنى نەلىكتەن ەكەنىنە تۇسىنبەيسىڭ.
قۇرمەتتى اڭسار تۇرسىنحانۇلى!
«جەتكەن قىز - توركىنىن تانىمايدى» - دەگەندەي، وسى ماسەلەنىڭ بارلىعى اۋدان كولەمىندە بىرنەشە رەت كوتەرىلگەنىمەن، ءتيىستى ناتيجە شىقپادى. سوندىقتان، ءسىزدىڭ قۇزىرىڭىزعا جەتكىزۋدى ءجون كوردىك.
«قارنىمنىڭ اشقانىنا ەمەس،
قادىرىمنىڭ قاشقانىنا جىلايمىن» - دەمەكشى، ۇيعىر حالقىنىڭ ءوسىپ- ونۋىنە، سالت-ءداستۇرىنىڭ وركەندەۋىنە، ۇرپاعىنىڭ ۇلت تىلىندە وقۋىنا، مادەنيەتىنىڭ مارتەبەلەنۋىنە جاعداي جاساپ وتىرعان قازاقستانعا قاراپايىم ۇيعىر حالقىنىڭ نيەتى اق، كوڭىلى پاك ەكەنىنە كامىل سەنىمدىمىز. ايتسە دە، جوعارىداعىداي ارەكەتتەرگە بارىپ، «قارىنداعى مايدى شىرىتۋگە» - قۇمار ەكسترەميستىك پيعىلداعىلاردىڭ وتىنا ماي قۇيۋعا سەبەپ بولىپ وتىرعان بىزدىڭشە اۋداننىڭ اتىنىڭ «ۇيعىر» اتالۋى. «تىڭدار قۇلاق بولسا، ايتىلعان ءسوز جەتكىلىكتى بولدى» - دەمەكشى، اۋداننىڭ، جەردىڭ تاريحي اتىمەن اتالۋى كوپتەگەن پروبلەمانىڭ وڭ شەشىلۋىنە مايەك بولارى ءسوزسىز.
ەل ەركىندىگىنىڭ 20 جىلدىق مەرەيتويىن تاريحي اتاۋىمەن قارسى الساق بارىمىزگە ۇلكەن قۋانىش بولار ەدى.
ۇكىلى ۇمىتپەن: اۋدان تۇرعىندارى:
بارلىعى 265 ادام قول قويعان.
قۇرمەتتى كۋيۋمچان اۆانۇلى!
ءبىزدىڭ 265 ازاماتتىڭ قولى قويىلعان 20.06.2011 جىلعى حاتىمىزدى ەلەپ، مالىمدەمە (№174/790. 19.07.2011ج) بەرگەن سەرگەكتىگىڭىزگە ريزامىز.
الايدا، مالىمدەمەنىڭ سوڭعى ازات جولىنداعى «...اۋدان اتىن وزگەرتۋ تۋرالى حاتىڭىزداعى ۇسىنىستى اۋدان اكىمدىگى قۇپتاپ، 23.06.2011 جىلى وبلىس اكىمىنىڭ ورىنباسارى، وبلىستىق ونوماستيكا كوميسسياسىنىڭ توراعاسى س.مۇقانوۆتىڭ اتىنا 03-4/480 ءنومىرلى ۇسىنىس حات جولداندى» دەگەن سويلەمنەن باسقا كوڭىلگە قونار دايەك جوقتىعىن ءوزىڭىز دە سەزەرسىز...
وسى دايەكتىڭ ءوزى دە ايتەۋىر شىعارىپ سالما ءسوز. ويتكەنى، 60 مىڭنان اسا حالقى بار اۋدان اتىن وزگەرتۋدى اكىمدىك «قۇپتاۋ» ءۇشىن ەڭ بولماسا اۋدان اكتيۆىمەن اقىلداسپاي ما؟
جاۋاپتاعى بىرنەشە ستيلدىك جانە 12-دەن اسا جىبەرىلگەن گرامماتيكالىق قاتەلەردى كورمەي-اق قول قويۋىڭىز، كوتەرىلگەن ماسەلەنىڭ بايىبىنا بارماعاندىعىڭىزدىڭ كۋاسى.
حاتقا قول قويۋشىلاردىڭ العاشقىسى ج.س.كەرىمقۇلوۆقا عانا جولداۋىڭىز قالعان 264 ازاماتتىڭ نامىسىنا ءتيىپ، كوتەرىلگەن ءتۇيىندى جەڭىلدەتۋ امالى دەپ تۇسىنۋىمىزگە نەگىز بولىپ وتىر. بۇل - حالىقارالىق الاش سيلىعىنىڭ لاۋرەاتى، اقىن - ج.سارسەك، حالىق ءارتىسى، اكتەر - ب.تۇرىس، اقىن - ب.بەدەلحانۇلى، سوعىس جانە ەڭبەك ارداگەرى، 100 جاسقا كەلگەن - ك.كوجەكباەۆ باستاعان ەل اعالارىنىڭ قاۋىپ ەتكەننەن، ايتقانىن اياق استى ەتكەنىڭىزدىڭ دالەلى.
مالىمدەمەنى «اۋدان اكىمدىگى ءسىزدىڭ 2011 جىلدىڭ 20 ماۋسىمىنداعى حاتىڭىزدى قاراپ، اۋداندا ورىن العان كەلەنسىز جاعدايلارعا نازار اۋدارعانىڭىزدى ەل ەرتەڭىنە بەيجاي قاراماعاندىعىڭىزدى تانىتادى دەپ قابىلداپ، وسى كەمشىلىكتەر بويىنشا تومەندەگىنى مالىمدەيدى» - دەپ باستاپسىز.
بۇل، ءبىزدىڭ اۋدانداعى «كەلەڭسىز» جاعدايلارعا بەيجاي قاراماعانىڭىزعا قۋانعانىڭىز با، الدە سول جاعديلاردىڭ ورىن العانىن مويىنداعانىڭىز با؟ نەمەسە، «كەلەڭسىز جاعدايلار مەن كەمشىلىكتەردى» اجىراتا الماعاندىعىڭىز دەپ تۇسىنەمىز بە؟
مالىمدەمەنىڭ ەكىنشى ازات جولىنان باستالعان «اۋداندا ۇيعىر ەتنوسى جاستارىنىڭ اۆتوكولىكتەردە، ۇيالى تەلەفونداردا شىعىس تۇركىستاننىڭ تۋى، ەلتاڭباسىنىڭ بەينەسىن ورنالاستىرىپ، رابيام قادىردىڭ بەينەتاسپاسىن كورىپ، كىتابىن وقۋ جونىندە، ۇيعىر ەتنو مادەني ورتالىعىنىڭ توراعاسى، اقساقالدار، جىگىتباسىلارىمەن جينالىس وتكىزىپ، تۇسىنىك جۇمىستارى جۇرگىزىلدى.» (گرامماتيكالىق قاتە تۇزەتىلمەي كوشىرىلدى) دەگەن مالىمدەۋىڭىزدى قالاي تۇسىنەمىز؟
الدە، ۇيعىر ەتنو مادەني ورتالىعىنىڭ توراعاسى وتكىزگەن جينالىسىنداعى ماقساتى «اۆتوكولىكتەردە، ۇيالى تەلەفونداردا شىعىس تۇركىستاننىڭ تۋىن، ەلتاڭباسىنىڭ بەينەسىن ورنالاستىرۋ، رابيام قادىردىڭ بەينەتاسپاسىن كورىپ، كىتابىن وقۋدى ناسيحاتتاۋ» - دەپ ۇعامىز با؟
ونوماستيكا سالاسىنا بايلانىستى قولعا الىنعان قانداي ءىس-شارالار بار؟ ول نەگە ءبىزدىڭ حاتتان كەيىن سەلولىق وكرۋگ اكىمدەرىندە عانا اتقارىلادى؟
بۇل اۋدان بويىنشا جوسپارلى جۇيەلى جۇمىستىڭ جوقتىعىنىڭ ايعاعى ەمەس پە؟
قازاقستان رەسپۋبليكاسىنىڭ ساياسي قىزمەتكەرى رەتىندە «ۇيعىر ورمان شارۋاشىلىعى»، «ۇيعىر سۋ قۇبىرى» دەگەن اتاۋلار «ءبىزدىڭ اتامەكەنىمىزگە ۇيعىر اعايىنداردىڭ ورمانى» مەن سۋى قايدان كەلگەن دەگەن كۇمان تۋدىرادى دەپ، نەگە ءتيىستى ورىندارعا اتاۋلاردى اۋىستىرۋ تۋرالى ۇسىنىس بەرمەيسىز؟
شونجى ەلدى مەكەندەگى كوشەلەرىندە تۇندە جاناتىن گۇلدەردىڭ ۇيعىر حالقىنىڭ ۇلتتىق ويۋى ەكەندىگىن بىلمەي-اق قويىڭىز. ولار نەگە تەك قانا تاۋەلسىزدىكتىڭ 20 جىلدىعى قارساڭىنداعى مەرەكەلىك بەزەندىرىلۋدە اۋىستىرىلادى؟ بۇل جۇمىس نەگە ءدال قازىرگى ۋاقىتتا جوسپارلانادى؟ نەگە جىل باسىنان ەمەس؟ نەگە ءسىز اۋدان اكىمى بولىپ تاگايىندالعاننان باستالماعان؟ ال، جىل باسىنان باستاپ، تاۋەلسىزدىكتىڭ 20 جىلدىعى مەن بۇگىندە الەم تويلاپ جاتقان ۇلى اقىن مۇقاعاليدىڭ 80 جىلدىعىنا سوقىر تيىن قاراستىرىلماي، «ارزۋ» ۇيعىر ءانسامبىلىنىڭ 50 جىلدىعىنا 1,2 ملن تەڭگە بولىنگەنىن قالاي تۇسىنەمىز؟
وبلىستىق، رەسپۋبليكالىق قازىنادان قارجىلاندىرىلاتىن مەكەمە باسشىلارىن تاعايىنداۋعا اۋدان اكىمىنىڭ ىقپالى جوق دەگەنىڭىزگە كىم سەنەدى؟
كىشى ديحان سەلولىق وكرۋگىندەگى كەلەڭسىز جاعدايدىڭ ورىن الۋىنا سەبەپكەر مەكتەپ ديرەكتورىن ورنىنان وقۋ جىلىنىڭ اياعىنا دەيىن بوساتامىز دەگەن ۋادەڭىز نەگە بۇگىنگى كۇنگە دەيىن ورىندالمادى؟
ءوز سوزىڭىزبەن ايتقاندا اۋداندا ورىن العان كەلەڭسىز جاعدايلار تۋرالى الدىڭىزدان وتتىك.
مالىمدەمەڭىزبەن تانىسىپ، بىردە-ءبىر ماسەلەنىڭ ناقتى شەشىلۋىنە قۇلىقسىز ەكەنىڭىزگە كوز جەتكىزدىك. ەندى اقيقاتتى جوعارىدان ىزدەۋگە تۋرا كەلىپ وتىر.
قۇرمەتپەن،
2011 جىلعى 14 ماۋسىمداعى قول قويۋشى 265 ادام.
