«كتك» ارسىزدىقتى ناسيحاتتاي بەرەدى مە؟
«كتك» ارسىزدىقتى ناسيحاتتاي بەرەدى مە؟
قر باس پروكۋرورى ا.ق. داۋىلباەۆ مىرزاعا،
قر بايلانىس جانە اقپارات ءمينيسترى ا.ق. جۇماعاليەۆ مىرزاعا،
«كتك» اق باس ديرەكتورى ا.ت. شوراەۆ مىرزاعا
اشىق حات
«كتك» ارسىزدىقتى ناسيحاتتاي بەرەدى مە؟
قر باس پروكۋرورى ا.ق. داۋىلباەۆ مىرزاعا،
قر بايلانىس جانە اقپارات ءمينيسترى ا.ق. جۇماعاليەۆ مىرزاعا،
«كتك» اق باس ديرەكتورى ا.ت. شوراەۆ مىرزاعا
اشىق حات
2011 جىلدىڭ 2 قازانىندا، ساعات 19:00-دە «كتك» تەلەارناسىنىڭ «استارلى اقيقات» باعدارلاماسىندا جىنىستىق قاتىناستى اشىق «ناسيحاتتاعان» بەينەسيۋجەت كورسەتىلدى. «سەمەي قالاسىندا 56 جاستاعى ايەل ادام جەرلەنگەن قابىردى بىرنەشە مارتە قورلادى دەگەن كۇدىكپەن 50 جاستاعى تۇرعىلىقتى ورنى جوق قالا تۇرعىنى ۇستالعان بولاتىن. بەلگىلى بولعانداي، ۇستالعان ازامات شىلدە ايىنىڭ ورتا تۇسىندا جاقىندا عانا قايتىس بولعان ايەلدىڭ ء(وزىنىڭ تانىسىنىڭ) ءمايىتىن جەر استىنان الىپ شىعىپ، ونىمەن جىنىستىق قاتىناستا بولىپ، قايتا جەرلەپ، وقيعا ورنىنان قاشىپ كەتكەن. مۇنداي قىلمىستىق ارەكەتتەر تامىز ايى مەن قىركۇيەك ايلارىنىڭ ورتا تۇستارىندا قايتا قايتالانعان». «استارلى اقيقات» باعدارلاماسىنداعى سيۋجەت وسى وقيعاعا بايلانىستى ەدى.
حالىق بالا-شاعاسىمەن تەلەديدار الدىندا وتىرعان پرايم-تايم ۋاقىتىندا باعدارلاما جالاڭاش بىرەۋدىڭ ءولى ءمايىتتى ايمالاپ جاتقانىن كورسەتتى.
ازعىندىق جايلاعان باتىستىڭ ءوزى مۇنداي دۇنيەلەردى «موزايكامەن» جاۋىپ كورسەتكەندى ءجون سانايدى. ال «كتك» جاسىرىپ-جاپقان دا جوق، جالاڭاش ءتاندى ايمانداي قىپ، اشىقتان-اشىق «دارىپتەدى». بۇعان دەيىن دە بۇل حاباردىڭ تالاي «استارسىز اقيقاتتى» كورسەتىپ جۇرگەنى زيالى قاۋىمنىڭ نارازىلىعىن تۋدىرعان ەدى.
«قر بۇقارالىق اقپارات قۇرالدارى» تۋرالى زاڭىنىڭ «بۇقارالىق اقپارات قۇرالدارىن تاراتۋ» اتتى 3-تاراۋى، 14-بابىندا «پورنوگرافيالىق جانە ارناۋلى سەكسۋالدىق-ەروتيكالىق سيپاتتاعى راديو، تەلەديدار باعدارلامالارىنىڭ ەفيرگە شىعارىلۋىنا، سونداي-اق كينو جانە بەينە ءونiمiنiڭ كورسەتiلۋiنە، قاتiگەزدiك پەن زورلىقتى ناسيحاتتاۋعا تىيىم سالىنادى»، - دەپ تايعا تاڭبا باسقانداي جازىلعان.
«ەل بولام دەسەڭ، ەكرانىڭدى تۇزە» دەگەندەي (س.ەلۋباي), بۇگىنگى اقپارات داۋىرىندە تەلەۆيزيانىڭ كۇش-قۋاتى الاپات ەكەنى جاڭالىق ەمەس. وسكەلەڭ ۇرپاققا ۇلگى كورسەتەر تاربيە كوزى دە تەلەەكران بولىپ وتىر. ەندەشە، سول ەكراننان كورسەتىلەتىن دۇنيەلەر قاشانعى باقىلاۋدان تىس قالا بەرەدى؟
قازاق ءمايىتتى اق كەبىنگە وراپ، ارۋلاپ كومەدى. جەر قوينىنا تاپسىرعاندا ءجۇزىن اشىق قالدىرمايدى. ال قازىر مارقۇمنىڭ ءجۇزىن كورسەتپەك تۇگىلى، ءولى دەنەسىن جالاڭاش بىرەۋ قورلاپ جاتسا، سونى ەكران ارقىلى دارىپتەيتىن بولدىق. ءدىلى وزگەشە دەگەن باتىس ەلدەرىندە دە مۇنداي دۇنيەلەر كومەسكىلەنىپ كورسەتىلەتىنىن جوعارىدا ايتتىق. ال بىزدەگى «رەيتينگقۇمار» ارنالار تىرجالاڭاشتار، نەكروفيل، پەدوفيل، گوموسەكسۋاليستەر مەن زورلىق-زومبىلىقتىڭ نەشەمە ءتۇرىن جارىسا كورسەتىپ، سونىسىن تاعى ماقتان ەتەتىندى شىعاردى.
قۇرمەتتى باس پروكۋرور! قۇرمەتتى مينيستر مىرزا! قۇرمەتتى «كتك» اق باسشىلىعى! «كتك» تەلەارناسىنىڭ «استارلى اقيقات» باعدارلاماسىنىڭ انايى كورسەتىلىمدەرى قانشالىقتى «باق تۋرالى» زاڭعا ساي؟ اتالعان جاعدايعا بايلانىستى تەكسەرۋ جۇرگىزىپ، ءتيىستى شارا قولدانۋلارىڭىزدى سۇرايمىز.
«جاريا» جۋرناليستەر كلۋبىنىڭ مۇشەلەرى:
سامات سۇلەەۆ، نۇرلان قابدايۇلى، ماقپال مادياروۆا، التىن ەرعازيەۆا، باقىت امانجولقىزى، ايدا حامەتجانوۆا، جىگەر سارسەنوۆ، قانات بازىلحانوۆ، ەلدار باقپاەۆ، سەرىك ۇسەنبەكوۆ، بەرىك ۇسەنبەكوۆ، د.ابدۋاكيت، ا.سەيتمامىت، مۇرات ەسجان، ءمولدىر نۇرلان، نۇرتاس سالتانۇلى، ەسبولات ايدوبوسىن، اۋەسبايدىڭ قاناتى، نۇريددين بيدوسوۆ، بەينەگۇل اباۋوۆا، ەرجان ءجۇنىسوۆ، جادىرا ءمۇسلىم، ساۋلە مەشىتباەۆا، ناعاشىباي قابىلبەك، قۇرمانبەك جۇماعالي جانە ت.ب.
