استانا. 6 قازان. قازتاگ - اۋىل شارۋاشىلىعى اسىل تۇقىم ءوندىرىسى سالاسىنداعى مەملەكەتتىك باقىلاۋ مەن سەرتيفيكاتتاۋدى مال شارۋاشىلىعى بىرلەستىكتەرىنە بەرۋدى جوسپارلاپ وتىر، دەپ اۋىل شارۋاشىلىعى ءمينيسترى اسىلجان مامىتبەكوۆ ءمالىم ەتتى.

«بۇل شارۋادا بىزگە مال شارۋاشىلىعى قاۋىمداستىقتارى كومەكتەسەدى. ولار اسىل تۇقىمدى تاۋەلسىز باعالاپ جانە سەرتيفيكات بەرە الادى. وسى سەرتيفيكات نەگىزىندە ودان ارعى مەملەكەتتىك قولداۋ شارالارى قولدانىلادى»، - دەدى ا. مامىتبەكوۆ بەيسەبىندى كۇنى  V-ءشى ازاماتتىق فورۋمعا قاتىسۋشىلاردىڭ ساۋالدارىنا جاۋاپ بەرىپ.

ول قازىر قازاقستاندا اسىل تۇقىمدى مال ءوندىرىسىن قاداعالاۋدى مەملەكەتتىك اسىل تۇقىمدىق ينسپەكتورلار جۇرگىزىپ جۇرگەنىن اتاپ ءوتتى.

«مۇنداي لاۋازىم، مەنىڭشە، پوستكەڭەستىك كەڭىستىكتەن باسقا الەمنىڭ ەشقانداي جەرىندە جوق. مال شارۋاشىلىعى كۇشتى دامىعان دەگەن اقش، اۆستراليا، ارگەنتينا، برازيليا سىندى مەملەكەتتەردە مەملەكەت اسىل تۇقىمدى شارۋاشىلىقتى باقىلامايدى»، - دەدى مينيستر.

ونىڭ ايتۋىنشا، اسىل تۇقىمدى مالدار شارۋاشىلىقتاعى كومباين، تراكتور سياقتى اكتيۆتىڭ ءتۇرى.

استانا. 6 قازان. قازتاگ - اۋىل شارۋاشىلىعى اسىل تۇقىم ءوندىرىسى سالاسىنداعى مەملەكەتتىك باقىلاۋ مەن سەرتيفيكاتتاۋدى مال شارۋاشىلىعى بىرلەستىكتەرىنە بەرۋدى جوسپارلاپ وتىر، دەپ اۋىل شارۋاشىلىعى ءمينيسترى اسىلجان مامىتبەكوۆ ءمالىم ەتتى.

«بۇل شارۋادا بىزگە مال شارۋاشىلىعى قاۋىمداستىقتارى كومەكتەسەدى. ولار اسىل تۇقىمدى تاۋەلسىز باعالاپ جانە سەرتيفيكات بەرە الادى. وسى سەرتيفيكات نەگىزىندە ودان ارعى مەملەكەتتىك قولداۋ شارالارى قولدانىلادى»، - دەدى ا. مامىتبەكوۆ بەيسەبىندى كۇنى  V-ءشى ازاماتتىق فورۋمعا قاتىسۋشىلاردىڭ ساۋالدارىنا جاۋاپ بەرىپ.

ول قازىر قازاقستاندا اسىل تۇقىمدى مال ءوندىرىسىن قاداعالاۋدى مەملەكەتتىك اسىل تۇقىمدىق ينسپەكتورلار جۇرگىزىپ جۇرگەنىن اتاپ ءوتتى.

«مۇنداي لاۋازىم، مەنىڭشە، پوستكەڭەستىك كەڭىستىكتەن باسقا الەمنىڭ ەشقانداي جەرىندە جوق. مال شارۋاشىلىعى كۇشتى دامىعان دەگەن اقش، اۆستراليا، ارگەنتينا، برازيليا سىندى مەملەكەتتەردە مەملەكەت اسىل تۇقىمدى شارۋاشىلىقتى باقىلامايدى»، - دەدى مينيستر.

ونىڭ ايتۋىنشا، اسىل تۇقىمدى مالدار شارۋاشىلىقتاعى كومباين، تراكتور سياقتى اكتيۆتىڭ ءتۇرى.

«ەشكىم دە كومباينعا، نە تراكتورعا قانداي ماي قۇيىلىپ جۇرگەنىن باقىلامايدى. ال مەملەكەت نەگە شارۋاشىلىقتارداعى سۇرىپتاۋ-گەنەتيكالىق جۇمىس قالاي جۇرگىزىلىپ جاتقانىن، بۇقالارىن اۋىستىرعان-اۋىستىرماعانىن، ولار مالدارىن ۇرىقتاندىرعاندا قانداي ۇرىقتى قولدانعانىن  باقىلاۋى ءتيىس؟»، - دەپ نالىندى ا. مامىتبەكوۆ.

ول قازاقستاندا اسىل تۇقىمدىق مالدارعا مەملەكەتتىك باقىلاۋدان كەتۋ كەرەك دەپ مالىمدەدى. سەبەبى «بىزدەگى مەنتاليتەتتىڭ ەرەكشەلىگى - ەگەر شارۋا مەملەكەت ءبىر نارسەنى باقىلاپ تۇر دەسە، ول ءوزى ونى ىستەمەي، مەملەكەتكە ارقا سۇيەۋگە بەيىم».

ەسكە سالساق، 2012-2014 جىلدارى مال شارۋاشىلىعىن دامىتۋعا بيۋدجەتتە ت30 ملرد قاراستىرىلعان. بۇل رەتتە اسىل تۇقىمدىق مال شارۋاشىلىعىنا ت8,5 ملرد بولىنگەن. «قازاگروماركەتينگ» كومپانياسىنىڭ مالىمەتتەرىنشە، ترانسپلانتاتسياعا قاجەت ءبىر ەمبريون $500 نەمەسە ت73 مىڭ تۇرادى. ءوز كەزەگىندە، ۇرىقتىڭ 1 دوزاسى $10, ال 2020 جىلعا قاراي سۇرانىس  6 ملن. 400 مىڭ دوزا ۇرىق بولادى ەكەن ء(ار سيىرعا 2 دوزادان).

بۇرىن حابارلانعانداي، ءمۇيىزدى ءىرى قارا مال (مىقم) ەتىنىڭ ەكسپورتى باعدارلاماسىن ىسكە اسىرۋ ءۇشىن الداعى 5 جىلدا شامامەن 72 مىڭ اسىل تۇقىمدى مىقم اكەلىنۋى ءتيىس.