باۋىرجان جاقىپ. تۇماداي ءمولدىر تۇماعام...
«ءوتتى!» - دەيدى تۇماعام! سەنە المايمىن،
وسى بولدى-اۋ توسىننان كەلەر قايعىم.
ەندى سىزگە سالەم دە بەرە المايمىن،
ەندى ءسىزدى وداقتان كورە المايمىن.
قارالى بۇل حاباردان دالا جانىپ،
تۇنگى وتتارىن، ىزدەيدى، قالا جاعىپ،
اق جاڭبىرعا ۇقسايتىن مىنەزىڭ دە
الماتىدا باسىلعان جاڭا جاۋىپ.
كەلگەن جاستار ولەڭگە الىپ ۇشىپ،
تابىساتىن سىزبەنەن ساعىنىسىپ.
جاپىراق ەدىك جايقالدىق جاعاڭىزدا،
تۇماڭىزدان تۇماعا، قانىپ ءىشىپ.
ءسوزى - نازىك، كوڭىلى-اق، كەڭ جۇرەگى،
تۇماعامنىڭ تۇماسىن ەل بىلەدى.
قىلاۋ تۇسپەس جانىڭنىڭ تەرەزەسى،
ءوز كوزاينەگىڭدەي ءمولدىر ەدى.
قارا ولەڭنىڭ شەكپەنىن بۇتىندەرمىز،
تۇماعاڭدى كورگەنبىز، «شۇكىر» -دەرمىز.
كىتاپتارىن جاستانىپ، سىرتتاي وقىپ،
تۇمانبايدىڭ مەكتەبىن بىتىرگەنبىز.
ءجاۋھار سوزگە قىرانداي تاڭداپ ءتۇسىپ،
ولەڭىڭدى حالقىڭا ارناپ، قۇشىپ.
جۇرەگىڭمەن جازۋشى ەڭ جىرلارىڭدى،
جۇرەگىڭە كەتتى مە سالماق ءتۇسىپ.
بۇل جالعاننىڭ، تۇماعا، قۇنى جوق پا؟!
قالاي عانا اتتاندىڭ تىم ۇزاققا.
قايتقان قۇستىڭ ىلەسىپ قاناتىنا
قايتىپ سەن دە كەتتىڭ بە جىلى جاققا.
اتتاندىڭ با ولەڭنىڭ ءجانناتىنا،
اقىن ءسوزى قوسىلدى ماڭگى اتىڭا.
ولەڭ بولىپ، ءان بولىپ سامعاپ ۇشىپ،
«ءوتتى!» - دەيدى تۇماعام! سەنە المايمىن،
وسى بولدى-اۋ توسىننان كەلەر قايعىم.
ەندى سىزگە سالەم دە بەرە المايمىن،
ەندى ءسىزدى وداقتان كورە المايمىن.
قارالى بۇل حاباردان دالا جانىپ،
تۇنگى وتتارىن، ىزدەيدى، قالا جاعىپ،
اق جاڭبىرعا ۇقسايتىن مىنەزىڭ دە
الماتىدا باسىلعان جاڭا جاۋىپ.
كەلگەن جاستار ولەڭگە الىپ ۇشىپ،
تابىساتىن سىزبەنەن ساعىنىسىپ.
جاپىراق ەدىك جايقالدىق جاعاڭىزدا،
تۇماڭىزدان تۇماعا، قانىپ ءىشىپ.
ءسوزى - نازىك، كوڭىلى-اق، كەڭ جۇرەگى،
تۇماعامنىڭ تۇماسىن ەل بىلەدى.
قىلاۋ تۇسپەس جانىڭنىڭ تەرەزەسى،
ءوز كوزاينەگىڭدەي ءمولدىر ەدى.
قارا ولەڭنىڭ شەكپەنىن بۇتىندەرمىز،
تۇماعاڭدى كورگەنبىز، «شۇكىر» -دەرمىز.
كىتاپتارىن جاستانىپ، سىرتتاي وقىپ،
تۇمانبايدىڭ مەكتەبىن بىتىرگەنبىز.
ءجاۋھار سوزگە قىرانداي تاڭداپ ءتۇسىپ،
ولەڭىڭدى حالقىڭا ارناپ، قۇشىپ.
جۇرەگىڭمەن جازۋشى ەڭ جىرلارىڭدى،
جۇرەگىڭە كەتتى مە سالماق ءتۇسىپ.
بۇل جالعاننىڭ، تۇماعا، قۇنى جوق پا؟!
قالاي عانا اتتاندىڭ تىم ۇزاققا.
قايتقان قۇستىڭ ىلەسىپ قاناتىنا
قايتىپ سەن دە كەتتىڭ بە جىلى جاققا.
اتتاندىڭ با ولەڭنىڭ ءجانناتىنا،
اقىن ءسوزى قوسىلدى ماڭگى اتىڭا.
ولەڭ بولىپ، ءان بولىپ سامعاپ ۇشىپ،
كوكتەم سايىن جەتەرسىڭ الماتىڭا.
ءمىنىپ شاپتىڭ كوسىلىپ، سىرباز اتقا،
تامساندىرىپ حالقىڭدى جىر عاجاپقا.
سەزىم قىلىن تەربەتىپ سامال بولىپ،
سۇلۋ الەم سىيلادىڭ بۇل قازاققا.
وكسىگىمىز جىلاساق، باسىلا ما،
ولەڭ بولىپ كوز جاسى شاشىلا ما؟
قۇرالايىڭ وزعان سوڭ دۇنيەدەن،
تەز قارتايىپ كەتتىڭ-اۋ اسىل اعا.
كورىنگەنمەن بىزدەرگە ءومىر - جازداي،
كۇز تەز كەلىپ قالادى كوڭىل سازداي.
قادىر اعام قايتقاندا، قايعىرىپ ەڭ،
سىڭارىنان ايىرىلعان قوڭىرقازداي.
جەلىپ ءجۇرىپ ۋاقىتتىڭ جەتەگىندە،
قوشتاسا الماي ءبىز قالدىق وتەرىڭدە.
ادام بولىپ ءومىردى كۇلىپ باستاپ،
جىلاي دا الماي قالدىڭ-اۋ كەتەرىڭدە.
ءبىز جىلايمىز ءسىز ءۇشىن جوقتاپ اعا،
جاعىپ كەتتىڭ جىرىڭمەن وت دالاڭا.
«بالدىرعانى» قازاقتىڭ جەتىم قالدى،
ءبارى ءسىزدى جوقتاپ تۇر، توپقا قارا.
ىنىلەردى ەرتىپ ەڭ سوڭىڭا كوپ،
باتاڭدى دا بەرىپ ەڭ جولىما كوپ.
تۇسىمدە ءوزىڭ ۇشىپسىڭ قۇسقا اينالىپ،
قاۋىرسىنىڭ قونىپتى قولىما كەپ.
بابام قازاق قاشان دا ءتۇس جورىعان.
ءتۇس جورىسا، جاقسى ءبىر ءىس جورىعان.
سىزدەن قالعان قاۋىرسىن قالامدى الىپ،
تۇسىرمەيمىز اعاتاي، قۇس جولىنان.
جادىمىزدا ءسىز سالعان ءىز جاتتالىپ،
جۇرەگىمىز تۇر ءبىزدىڭ مۇزداپ قالىپ.
كوكتەمەدە كۇلىمدەپ كەلىپ ەدىڭ،
قۇس سياقتى باراسىڭ كۇزدە اتتانىپ.
حابارلاندىرۋ!
اقىن، حالىق جازۋشىسى مارقۇم تۇمانباي مولداعاليەۆپەن قوشتاسۋ، سوڭعى ساپارعا شىعارىپ سالۋ قارالى جيىنى 12 قازان كۇنى تاڭەرتەڭگى ساعات 10.00 دە مۇحتار اۋەزوۆ اتىنداعى قازاقتىڭ اكادەميالىق دراما تەاترىندا وتەدى.
