قىزىلوردا وبلىسىنىڭ جاڭا اكىمى

 گ. ن.ابدىxالىقوۆاعا

اشىق xات

قادىرلى گۇلشارا ناۋشاقىزى!

ءسىزدى قىزىلوردا وبلىسىنىڭ اكىمى قىزمەتىنە تاعايىندالۋىڭىزبەن شىن جۇرەكتەن قۇتتىقتايمىن! بۇل كادرلىق وزگەرىستىڭ ەل ءۇشىن تاريxي ءمانى ەرەكشە بولىپ تۇر.

بىرىنشىدەن، پرەزيدەنت  قاسىم-جومارت كەمەلۇلى توقاەۆ سىزگە سەنىم ارتىپ، دۇرىس كادرلىق شەشىم قابىلدادى.

ەكىنشىدەن، ءسىز وبلىس اكىمى بولعان تۇڭعىش قازاق قىزىسىز! تەك ءوڭىر تۇرعىندارى عانا ەمەس، بۇكىل قازاق سىزگە زور ۇمىتپەن قاراپ وتىر. ول قانداي ءۇمىت، ول قانداي سەنىم؟..

ول - كورنوۆيرۋسپەن قوسا، قىزىلوردا وبلىسىن كوررۋپتسيادان تازالاۋ!

وڭىردەگى جەمقورلىقتى جويۋ قاراپايىم xالىقتىڭ تىلەگى. 2020 جىلدىڭ 30 ناۋرىزىندا «Facebook» جەلىسى ارقىلى ءسىزدىڭ اتىڭىزعا ۇندەۋ جولداعان بولاتىنمىن. ول  مەنىڭ الەۋمەتتىك جەلىدەگى پاراقشامدا ءالى تۇر. جۇزدەگەن وقىرمان، ونىڭ  ىشىندە قىزىلولوردالىق اعايىن سول ايتقانداردىڭ سىزگە جەتۋىن سۇرادى. سوندىقتان، ۇسىنىستارىمدى جازبا تۇرىندە «Abai.kz» پورتالىنا جولداپ وتىرمىن. جاۋاپتى كومەكشىلەرىڭىز سىزگە جەتكىزەدى دەگەن ويدامىن.

سونداعى ايتار وي بىرەۋ. بىلدەي ءبىر وبلىستىڭ اكىمى، وبلىستاعى «نۇر-وتان» پارتياسىنىڭ توراعاسى، جوعارعى ساناتتاعى مەملەكەت قىزمەتكەر،  «ادال مەم-قىزمەتكەرمىن»، دەپ انت قابىلداعان قۋانىشبەك ىسقاقوۆتىڭ اپاتتان زارداپ شەككەن ارىستىقتارعا جينالعان اقشانى «ۇرلاۋى» قاراپايىم xالىق ۇشىن ۇلكەن «شوك» بولىپ تۇر. ەستىگەن جۇرت جاعاسىن ۇستاپ، ەسىنەن تاندى. «سەنگەن اكىمىم سەن بولساڭ»، دەپ ءتۇڭىلدى. يا، وتە ماسقارا جاعداي. بۇل جايت جەمقورلىقتىڭ اكىم-قارالاردىڭ كاسىبىنە، كۇندەلىكتى تىرشىلىگىنە اينالعانىن كورسەتەدى. حالىق وتە اشۋلى. ءبىز بۇل ۇسىنىس- تىلەكتەردى سىزگە كومەك رەتىندە جولداپ  وتىرمىز.

ءبىرىنشى ۇسىنىس:  كورونوۆيرۋسپەن كۇرەستىڭ تاجىريبەسىن قولدانىپ وبلىستا كوررۋپتسياعا قارسى ءبىر ايلىق كارانتين، توتەنشە جاعداي  جاريالاۋ كەرەك.

ەكىنشى ۇسىنىس: ىسقاقوۆپەن كوررۋپتسيالىق كونتاكتىدە بولعانداردىڭ ءبارىن، ونىڭ ىشىندە وبلىستىق مەكەمەلەر مەن اۋدان اكىمدەرىن، «الاياق» بيزنەسمەندەر مەن «جەمقوربايلاردى» قاتاڭ تەكسەرۋدەن وتكىزۋ كەرەك.

ءۇشىنشى ۇسىنىس:  مۇمكىندىككە قاراي، بارلىق اۋداندىق، اۋىلدىق اكىمدەردى، وبلىستىق مەكەمە باسشىلارىن ءبىر ايعا ۋاقىتشا جۇمىستان شىعارىپ، قاتاڭ تەكسەرىستەن كەيىن ىرىكتەپ، قايتا قىزمەتكە الۋ كەرەك.

ءسىزدىڭ الدىڭىزدا ەڭ الدىمەن، كوروناۆيرۋستان دا قاۋىپتى وبلىستاعى جەمقورلىقتى جويۋ تاپسىرماسى تۇر! جولىڭىز وڭ بولسىن! مەملەكەت باسشىسىمەن بىرگە، ءبىز، قوعام وكىلدەرى ءسىزدى قولدايمىز! ادىلدىك ورناتۋ شايقاسىندا جەڭىپ شىعۋىڭىزعا تىلەكتەسپىز!

سادىبەك تۇگەل،

قوعام قايراتكەرى.

Abai.kz