تۇنىق جىردىڭ اقتاڭگەرى تۇمانباي مولداعاليەۆ دۇنيە سالعاننان بىرنەشە كۇن وتكەننەن كەيىن كتك ارناسى اقىننىڭ كوزى تىرىسىندە ءتۇسىرىلىپ، ەفيردەن بەرىلگەن «جۇرەكجاردى» باعدارلاماسىنىڭ تۇماعاڭا ارنالعان سانىن قايتالاپ كورسەتتى.

كوزىمىزگە جاس تۇنىپ كوردىك. اڭگىمە بارىسىندا تۇماعاڭ: «ءالى كۇنگە دەيىن اكەم كەلىپ قالاتىن سياقتى بولدى دا تۇرادى. اكەم سوعىسقا اتتاناردا انام ەكەۋمىز شىعارىپ سالدىق. سول كەزدە اكەمدى  قۇشاقتاپ، موينىنا اسىلىپ سۇيمەگەنىمە، سەلتيىپ تۇرىپ قالعانىما ءالى وكىنەمىن» دەدى. سونشالىقتى شىنايى، تابيعي شىققان وسىناۋ اڭگىمەنى ەستىگەندە ادامي بولمىسى ءمولدىر تۇماعاڭدى تولىق تۇسىنگەندەي بولاسىز.

اكەگە دەگەن ساعىنىشتى ءومىر بويى ارقالاپ وزىمەن بىرگە الا كەتكەن اياۋلى اقىنعا باس يەسىز.

باعدارلاما بارىسىندا تۇماعاڭ، قازاققا قارىزدار ەكەنىن، قازاق دەگەن حالىق بولماسا جازعان جىرىنىڭ دا قۇنى بولماسىن قاداپ ايتتى. اڭگىمەسىن ساباقتاعان تۇماعاڭ جارىقتىق: «تۇمانباي اسپاننان تۇسكەن جوق. ادەبيەتتەگى اعالارىمنىڭ ەشقايسىسىنىڭ الدىن كەسىپ وتپەدىم. سولاردىڭ شىعارمالارىن، دۇنيەنىڭ ادەبيەتىن وقىدىم. مەن دە وزگەلەر سياقتى قاراپايىم اداممىن. مەنى ەرەكشەلەپ تۇرعان اقىندىعىم. سەندەر دە سول اقىندىعىمدى قۇرمەتتەپ كەلىپ وتىرسىڭدار»، دەدى.

مىنە، سىزگە ادەبي كوركەم مىنەزدىڭ ۇلگىسى.

تۇنىق جىردىڭ اقتاڭگەرى تۇمانباي مولداعاليەۆ دۇنيە سالعاننان بىرنەشە كۇن وتكەننەن كەيىن كتك ارناسى اقىننىڭ كوزى تىرىسىندە ءتۇسىرىلىپ، ەفيردەن بەرىلگەن «جۇرەكجاردى» باعدارلاماسىنىڭ تۇماعاڭا ارنالعان سانىن قايتالاپ كورسەتتى.

كوزىمىزگە جاس تۇنىپ كوردىك. اڭگىمە بارىسىندا تۇماعاڭ: «ءالى كۇنگە دەيىن اكەم كەلىپ قالاتىن سياقتى بولدى دا تۇرادى. اكەم سوعىسقا اتتاناردا انام ەكەۋمىز شىعارىپ سالدىق. سول كەزدە اكەمدى  قۇشاقتاپ، موينىنا اسىلىپ سۇيمەگەنىمە، سەلتيىپ تۇرىپ قالعانىما ءالى وكىنەمىن» دەدى. سونشالىقتى شىنايى، تابيعي شىققان وسىناۋ اڭگىمەنى ەستىگەندە ادامي بولمىسى ءمولدىر تۇماعاڭدى تولىق تۇسىنگەندەي بولاسىز.

اكەگە دەگەن ساعىنىشتى ءومىر بويى ارقالاپ وزىمەن بىرگە الا كەتكەن اياۋلى اقىنعا باس يەسىز.

باعدارلاما بارىسىندا تۇماعاڭ، قازاققا قارىزدار ەكەنىن، قازاق دەگەن حالىق بولماسا جازعان جىرىنىڭ دا قۇنى بولماسىن قاداپ ايتتى. اڭگىمەسىن ساباقتاعان تۇماعاڭ جارىقتىق: «تۇمانباي اسپاننان تۇسكەن جوق. ادەبيەتتەگى اعالارىمنىڭ ەشقايسىسىنىڭ الدىن كەسىپ وتپەدىم. سولاردىڭ شىعارمالارىن، دۇنيەنىڭ ادەبيەتىن وقىدىم. مەن دە وزگەلەر سياقتى قاراپايىم اداممىن. مەنى ەرەكشەلەپ تۇرعان اقىندىعىم. سەندەر دە سول اقىندىعىمدى قۇرمەتتەپ كەلىپ وتىرسىڭدار»، دەدى.

مىنە، سىزگە ادەبي كوركەم مىنەزدىڭ ۇلگىسى.

كەيدە ادەبيەتتىڭ كيەسى مەن قاسيەتى ادەبيەتكە ادال قىزمەت ەتكەن ءارى اتاق پەن داڭقتى قويداي قوڭىر مىنەزدەرىمەن كوتەرە بىلگەن قارا شالدارمەن بىرگە ازايىپ بارا جاتقانداي اسەر قالدىرادى.

ال، بۇگىنگىنىڭ اقىنى مەن جازۋشىسى كوكتەن تۇسكەندەي. «قازاق ادەبيەتىندەگى جالعىز ۇلى قالامگەر - مەنمىن» دەۋدەن تايىنبايدى. ءتىپتى ءوزىن سوعان جەتەقابىل سەزىنەتىن مىنەزىن كورگەندە ەسىڭە تۇماعاڭنىڭ: «تۇمانباي اسپاننان تۇسكەن جوق» دەگەن ءسوزى تۇسەدى ەكەن.

كىم ءبىلسىن، مۇمكىن ادەبيەتتىڭ كوسەگەسىن كوگەرتپەي جاتقاندا سول شىعارمادا دا، اۆتوردا دا شىنايلىقتىڭ، تابيعيلىقتىڭ تاپشىلىعى مەن وزىنە دەيىنگىنى  بىلگىسى كەلمەيتىن، ۇلىلىققا قۇشتارلىقپەن اۋىراتىن «مەنمەن» ادەبي مىنەز شىعار...

«اباي-اقپارات»