وزبەكستانداعى اپات سالدارىنان قازاقستانداعى ەكى اۋىل سۋ استىندا قالدى
وزبەكستانداعى بوگەت جارىلىپ، تۇركىستان وبلىسىندا ەكى اۋىل سۋ استىندا قالدى، - دەپ حابارلايدى Tengrinews.kz تىلشىسى.
تۇركىستان وبلىسى اكىمدىگىنىڭ ءباسپاسوز قىزمەتى بەرگەن اقپاراتقا سايكەس، 2 مامىر كۇنى ساعات 04.30-دا ماقتارال اۋدانىنىڭ شەكاراسىندا كوللەكتوردان سۋ ءوتىپ، جەڭىس جانە جاڭا تۇرمىس ەلدى مەكەندەرى سۋ استىندا قالعان.
سونداي-اق، مىرزاكەنت - جەڭىس - جاڭا تۇرمىس اۆتوموبيل جولدارىن سۋ باستى.
قازىرگى ۋاقىتتا اۆاريالىق-قۇتقارۋ جۇمىستارى جۇرگىزىلىپ جاتىر.
مىرزاكەنت، فەردوۋسي، جانتاقساي ەلدى مەكەندەرىنىڭ تۇرعىندارىن اتاكەنت اۋىلىنا كوشىرۋ ماسەلەسى شەشىلەدى.
اتاكەنت جانە مىرزاكەنتتىڭ اراسى 35 شاقىرىم. مىرزاكەنتتە 2848 ۇيدە 14 532 ادام تۇرادى. فەردوۋسيدە 314 ءۇي، 2377 ادام بار. جانتاقساي ەلدى مەكەنىندە 95 ءۇي، 700 ادام تۇرادى.
;feature=emb_titleقۇتقارۋ جۇمىستارىنا 500-دەن استام ادام جانە قوسىمشا قاراجات تارتىلعانى حابارلاندى.
ەسكە سالايىق، وزبەكستاندا 1 مامىر كۇنى بولعان جاڭبىر مەن داۋىلدان كەيىن سىرداريا وبلىسىنداعى ساردوبا سۋ قويماسى بوگەتتەرىنىڭ ءبىرى جارىلدى.
كورشى ەلدەگى بوگەتتىڭ بۇزىلۋىنان تۋىنداعان زارداپتارعا بايلانىستى، قازاقستان ماقتاارال اۋدانىنداعى ەلدى مەكەندەرىنىڭ تۇرعىندارىن قاۋىپسىز جاققا كوشىرىلىپ جاتىر. بۇل تۋرالى تۇركىستان وبلىسى اكىمدىگى ءباسپاسوز قىزمەتى حابارلادى.
ماقتاارال اۋدانىندا تەحنوگەندىك سيپاتتاعى توتەنشە جاعداي جاريالاندى.
Abai.kz
