بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتانىڭ جالپى وتىرىسى ءوتتى. وندا دەپۋتاتتاردىڭ وزدەرى باستاماشى بولعان پارلامەنتتىك وپپوزيتسيا تۋرالى زاڭ جوباسى ماقۇلداندى.

ءماجىلىس توراعاسى اتاپ وتكەندەي، قۇجات جوباسى مەملەكەت باسشىسى قاسىم-جومارت توقاەۆتىڭ تاپسىرماسىمەن ازىرلەندى.

- وسىعان وراي، ءماجىلىس دەپۋتاتتارى باستاماشى بولعان وسى زاڭ جوباسىندا العاش رەت «پارلامەنتتىك وپپوزيتسيا» دەگەن ۇعىم ەنگىزىلدى. بۇل پارلامەنت تاريحىندا بۇرىن بولماعان، بىراق تا، ۋاقىت تالابىنا ساي جاسالىپ وتىرعان وتە قاجەتتى قادام. سەبەبى، پارلامەنتتىك وپپوزيتسيا - دەموكراتيانى ودان ءارى نىعايتۋعا، پارلامەنت جۇمىسىن دامىتۋعا، سونىمەن بىرگە، اشىق جانە ەركىن قوعامدى قامتاماسىز ەتۋگە ىقپال ەتەتىن بولادى. سوندىقتان، دامىعان ەلدەردىڭ تاجىريبەسىن ەسكەرە وتىرىپ، وسى زاڭ اياسىندا، ءتيىمدى پارلامەنتتىك وپپوزيتسيا قالىپتاستىرۋ كەرەك دەپ ەسەپتەيمىز، - دەدى نۇرلان نىعماتۋلين.

وسى زاڭ جوباسى بويىنشا دەپۋتاتتار بىرقاتار تۇزەتۋلەر ەنگىزدى. تۇزەتۋلەرگە سايكەس پارلامەنتتىك وپپوزيتسيا پارلامەنت ءماجىلىسى تۇراقتى كوميتەتتەرىنىڭ  حاتشىلارى لاۋازىمىنا كانديداتۋرا ۇسىنۋعا دا قۇقىلى بولادى. بۇل رەتتە، ەكى تۇراقتى كوميتەتتىڭ حاتشىلارى پارلامەنتتىك وپپوزيتسيا ۇسىنعان دەپۋتاتتار اراسىنان سايلانادى.

بۇعان قوسا، قۇقىقتىق ولقىلىقتاردى بولعىزباۋ، زاڭ جوباسىنىڭ نورمالارىن ءبىر-بىرىنە جانە باسقا زاڭنامالىق اكتىلەرگە سايكەس كەلتىرۋ ماقساتىندا رەداكتسيالىق، ناقتىلاۋشى سيپاتتاعى تۇزەتۋلەر ەنگىزىلدى.

تالقىلاۋدى قورىتىندىلاعان ءماجىلىس توراعاسى وسى زاڭ جوباسى جانە ونى ءىس جۇزىندە قولدانۋ ازاماتتاردىڭ، جالپى العاندا قوعام مۇددەسى اياسىندا جەتىلدىرىلىپ وتىراتىنىن ايتتى.

زاڭ جوباسىنىڭ نەگىزگى ماقساتى – پارلامەنتتىك وپپوزيتسيا ينستيتۋتىن قالىپتاستىرۋدى رەتتەۋ سالاسىندا قۇقىقتىق نەگىزدەردى قامتاماسىز ەتۋ.

Abai.kz