اقپارات جانە قوعامدىق دامۋ ءمينيسترى ايدا بالاەۆا «قر-دا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسىنىڭ ازىرلەنۋىنە بەلسەندى اتسالىسقان دەپۋتاتتار مەن ازاماتتىق قوعام وكىلدەرىنە العىسىن ءبىلدىردى.

«پارلامەنت ءماجىلىسىنىڭ دەپۋتاتتارى ماقۇلداعان «قر-دا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسى – پرەزيدەنتتىڭ ساياسي رەفورمالارى پاكەتىندەگى باستى باستامالاردىڭ ءبىرى. بەيبىت جينالىستاردى وتكىزۋ ەركىندىگى ءبىزدىڭ ەلدىڭ كونستيتۋتسياسىمەن بەكىتىلگەن. بۇل قۇقىق – دەموكراتيالىق قوعامنىڭ نەگىزگى ەلەمەنتتەرىنىڭ ءبىرى. زاڭ جوباسى ءارتۇرلى قوعامدىق الاڭدا تالقىلانىپ، جۇمىس توبىنىڭ وتىرىسى كوپ جەردە ءوتتى. پارلامەنتتە ۇەۇ وكىلدەرىنىڭ، عالىمدار مەن ساراپشىلاردىڭ قاتىسۋىمەن اشىق تۇردە جانە كەڭىنەن تالقىلاندى»، - دەدى ايدا بالاەۆا زاڭ جوباسىنا قاتىستى بىلدىرگەن پىكىرىندە.

مينيستر زاڭ جوباسىنىڭ اشىق تالقىلاۋدىڭ ارقاسىندا پارلامەنت ءماجىلىسى مەن سەناتى قابىرعاسىندا زاڭ جوباسى ەداۋىر كونتسەپتۋالدىق وزگەرىستەرگە ۇشىراعانىن ايتىپ ءوتتى.

«ماقۇلدانعان جوبالار حالىقارالىق ۇزدىك تاجىريبەلەرمەن بىرگە، ءبىزدىڭ قوعامنىڭ تالابى مەن سۇرانىسىنا ساي كەلەدى. زاڭ جوباسىنىڭ ازىرلەنۋىنە بەلسەندى اتسالىسقان دەپۋتاتتار مەن ازاماتتىق قوعام وكىلدەرىنە، ۇلتتىق قوعامدىق سەنىم كەڭەسىنە العىسىمدى بىلدىرەمىن»، - دەدى مينيستر.

ايتا كەتەيىك، ءماجىلىس دەپۋتاتتارى بۇگىن «قر-دا بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسىنا پارلامەنت سەناتى ەنگىزگەن وزگەرىستەر مەن تولىقتىرۋلاردى قولداپ، داۋىس بەرگەن بولاتىن.

Abai.kz