ءداۋىر دارابوزى - سالىق زيمانوۆ دۇنيەدەن ءوتتى
التى الاش قابىرعاسىن قايىستىرىپ، قارا جامىلتىپ، زاڭ عىلىمىنىڭ نەگىزىن سالۋشى دارا تۇلعا، اكادەميك سالىق زيمانوۆ اعامىز توقسانعا قاراعان شاعىندا كوز جۇمدى. سالىق اعا كاسىبي زاڭگەر رەتىندە، وتاندىق زاڭ، فيلوسوفيا مەن قۇقىق عىلىمدارىنىڭ قالىپتاسۋىنا زور ۇلەس قوسا وتىرىپ، ەلىمىزدەگى قوعامدىق-ساياسي وي تاريحىنىڭ شەجىرەشىسىنە، ۇلتتىق ادەت-عۇرىپ قۇقىعىمىزدىڭ زەرتتەۋشى-عالىمىنا اينالدى. قىلىشىنان قان تامعان كەڭەستىك كەزەڭنىڭ سالقىن ساياساتىنان جاسقانباي، بوكەي ورداسىنىڭ تاريحىن جاڭا كوزقاراسپەن تەرەڭىنەن زەرتتەپ، جاڭگىر حاننىڭ پروگرەسسيۆتىك قىزمەتىن دالەلدەيتىن تىڭ ويلارعا نەگىزدەلگەن زەرتتەۋ ەڭبەكتەرىنىڭ قۇنى عاسىر جاڭارعان سايىن ارتا تۇسپەك.
بۇگىنگى قوعام ونى تاۋەلسىز قازاق مەملەكەتى مەن قۇقىعىنىڭ تاريحىن، رەسپۋبليكاداعى جانە ورتالىق ازيا ايماعىنداعى ۇلتتىق مەملەكەت جانە ۇلتتىق-مەملەكەتتىك قۇرىلىس تەورياسى ماسەلەلەرىن زەرتتەۋدە جاڭا عىلىمي باعىتتى قالىپتاستىرۋشى تۇلعا دەپ تانيدى. تاۋەلسىز قازاق ەلىنىڭ اتا زاڭىن ازىرلەۋگە بەلسەنە اتسالىسقان ءداۋىر دارابوزىنىڭ اڭىزعا بەرگىسىز ونەگەلى ءومىر جولى - وسكەلەڭ ۇرپاق ءۇشىن ماڭگىلىك ۇلگى.
يمانىڭىز جولداس، جانىڭىز ءجانناتتا بولسىن اڭىز اعا!
«اباي-اقپارات»
التى الاش قابىرعاسىن قايىستىرىپ، قارا جامىلتىپ، زاڭ عىلىمىنىڭ نەگىزىن سالۋشى دارا تۇلعا، اكادەميك سالىق زيمانوۆ اعامىز توقسانعا قاراعان شاعىندا كوز جۇمدى. سالىق اعا كاسىبي زاڭگەر رەتىندە، وتاندىق زاڭ، فيلوسوفيا مەن قۇقىق عىلىمدارىنىڭ قالىپتاسۋىنا زور ۇلەس قوسا وتىرىپ، ەلىمىزدەگى قوعامدىق-ساياسي وي تاريحىنىڭ شەجىرەشىسىنە، ۇلتتىق ادەت-عۇرىپ قۇقىعىمىزدىڭ زەرتتەۋشى-عالىمىنا اينالدى. قىلىشىنان قان تامعان كەڭەستىك كەزەڭنىڭ سالقىن ساياساتىنان جاسقانباي، بوكەي ورداسىنىڭ تاريحىن جاڭا كوزقاراسپەن تەرەڭىنەن زەرتتەپ، جاڭگىر حاننىڭ پروگرەسسيۆتىك قىزمەتىن دالەلدەيتىن تىڭ ويلارعا نەگىزدەلگەن زەرتتەۋ ەڭبەكتەرىنىڭ قۇنى عاسىر جاڭارعان سايىن ارتا تۇسپەك.
بۇگىنگى قوعام ونى تاۋەلسىز قازاق مەملەكەتى مەن قۇقىعىنىڭ تاريحىن، رەسپۋبليكاداعى جانە ورتالىق ازيا ايماعىنداعى ۇلتتىق مەملەكەت جانە ۇلتتىق-مەملەكەتتىك قۇرىلىس تەورياسى ماسەلەلەرىن زەرتتەۋدە جاڭا عىلىمي باعىتتى قالىپتاستىرۋشى تۇلعا دەپ تانيدى. تاۋەلسىز قازاق ەلىنىڭ اتا زاڭىن ازىرلەۋگە بەلسەنە اتسالىسقان ءداۋىر دارابوزىنىڭ اڭىزعا بەرگىسىز ونەگەلى ءومىر جولى - وسكەلەڭ ۇرپاق ءۇشىن ماڭگىلىك ۇلگى.
يمانىڭىز جولداس، جانىڭىز ءجانناتتا بولسىن اڭىز اعا!
«اباي-اقپارات»
