"تەنگرينيۋس" سايتى تارازداعى وقيعاعا بايلانىستى ىشكى ىستەر مينيسترلىگىنىڭ اقپاراتىن جاريا ەتتى. "12 قاراشا كۇنى بەلگىسىز بىرەۋلەر قالاداعى اڭشىلىق دۇكەندەرىنىڭ ءبىرىن توناپ، كۇزەتىشىنى ءولتىرىپ، تاعى ءبىر ادامدى جارالاپ، ەكى "سايگا" مىلتىعىن الىپ كەتكەن. قىلمىس ورنىنان جەڭىل ماشينامەن قاشىپ كەتكەندەردى ۇستاماق بولعان كەزدە 2 پوليتسەي وتە اۋىر جاراقات العان. قالاداعى ءىرى دۇكەندەردىڭ بىرىندە قىلمىسكەردى ۇستاۋ كەزىندە ول ءوزىن-ءوزى جارىپ جىبەرىپ، سونىڭ سالدارىنان ءبىر جول پوليتسەيى قازا بولدى", دەلىنگەن ءىىم رەسمي اقپاراتىندا.

"قازتاگ" اگەنتتىگى قۇقىق قورعاۋ ورنىنداعى دەرەك كوزىنە سىلتەمە جاساي وتىرىپ، تارازدا ءتورت بىردەي جارىلىس ورىن العانىن حابارلايدى. ءارى قالاداعى بارلىق قۇشتىك قۇرىلىمدار ىسكە قوسىلىپ، قالا ورتالىعى قورشاۋعا الىنعان.

جەرگىلىكتى ىشكى ىستەر باسقارماسى جاقىن ارادا بارلىق جارىلىستارعا قاتىستى بارلىق اقپاراتتاردى جاريا ەتۋگە ۋادە ەتىپ وتىرعان كورىنەدى.

"تەنگرينيۋس" سايتى تارازداعى وقيعاعا بايلانىستى ىشكى ىستەر مينيسترلىگىنىڭ اقپاراتىن جاريا ەتتى. "12 قاراشا كۇنى بەلگىسىز بىرەۋلەر قالاداعى اڭشىلىق دۇكەندەرىنىڭ ءبىرىن توناپ، كۇزەتىشىنى ءولتىرىپ، تاعى ءبىر ادامدى جارالاپ، ەكى "سايگا" مىلتىعىن الىپ كەتكەن. قىلمىس ورنىنان جەڭىل ماشينامەن قاشىپ كەتكەندەردى ۇستاماق بولعان كەزدە 2 پوليتسەي وتە اۋىر جاراقات العان. قالاداعى ءىرى دۇكەندەردىڭ بىرىندە قىلمىسكەردى ۇستاۋ كەزىندە ول ءوزىن-ءوزى جارىپ جىبەرىپ، سونىڭ سالدارىنان ءبىر جول پوليتسەيى قازا بولدى", دەلىنگەن ءىىم رەسمي اقپاراتىندا.

"قازتاگ" اگەنتتىگى قۇقىق قورعاۋ ورنىنداعى دەرەك كوزىنە سىلتەمە جاساي وتىرىپ، تارازدا ءتورت بىردەي جارىلىس ورىن العانىن حابارلايدى. ءارى قالاداعى بارلىق قۇشتىك قۇرىلىمدار ىسكە قوسىلىپ، قالا ورتالىعى قورشاۋعا الىنعان.

جەرگىلىكتى ىشكى ىستەر باسقارماسى جاقىن ارادا بارلىق جارىلىستارعا قاتىستى بارلىق اقپاراتتاردى جاريا ەتۋگە ۋادە ەتىپ وتىرعان كورىنەدى.

بۇگىن تاڭەرتەڭ تاراز قالاسىندا اباي مەن قازىبەك بي كوشەلەرىنىڭ قيىلىسىندا، وبلىس اكىمشىلىگىنە جاقىن جەردە جارىلىس بولعان. بۇل تۋرالى بىرقاتار اقپارات اگەنتتىكتەرى حابارلاپ جاتىر. ءتۇرلى دەرەكتەرگە قاراعاندا، اتىس كەزىندە كەمىندە ءۇش ادام وققا ۇشقان. «قازاق جاڭالىقتارى» اقپارات اگەنتتىگىنە وقيعانى كوزىمەن كورگەن ادام حابارلاسقان. ول ادام: «تاڭەرتەڭ 9.30 جارىمدا اكىمشىلىك ماڭىنداعى اڭ اۋلاۋ قۇرالدارىن ساتاتىن دۇكەندى توناپ، كۇزەتشىنى ءولتىرىپ كەتكەن. ال، سالدەن كەيىن اكىمشىلىك عيماراتىنىڭ ماڭىندا جارىلىس بولىپ، اتىس ورىن العان» دەيدى.

جامبىل وبلىستىق ىشكى ىستەر باسقارماسى جارىلىستىڭ بولعانىن راستاعان وتىر دەپ حابارلايدى، ازاتتىق راديوسى.

اگەنتتىكتەر اقپاراتىنا قاراعاندا، تارازدىڭ توبەسىندە سيرەناسى قوسىلعان تىكۇشاقتار قاراسى كوبەيگەن جانە جارىلىس بولعان اۋماق قورشاۋعا الىنعان.

ال، ۇقك، ءىىم جانە باسقا رەسمي ورىنداردىڭ سايتىندا وقيعا ورىن العانىنا شامامەن ءتورت-بەس ساعات ۋاقىت وتسە دە ەشقانداي حابار جازىلماعان. رەسمي تۇردە دە قۇزىرلى ورىندار مالىمەت تاراتقان جوق.

بۇعان دەيىن ەلىمىزدىڭ اقتوبە وبلىسىندا كەڭقياق وقيعاسى، اتىراۋدا بىرنەشە جارىلىس بولعان ەدى. اتىراۋداعى جارىلىستى «حاليفات ساربازدارى» ۇيىمى ءوز موينىنا الىپ، قازاقستان بيلىگى ءدىن تۋرالى زاڭدى قايتا قاراماسا، ەلدىڭ ءتۇرلى ايماقتارىندا جارىلىستار ۇيىمداستىراتىنىن مالىمدەگەن بولاتىن. «حاليفات ساربازدارى» ۇيىمىنىڭ جەتەكشىلەرى اۋعانىستان مەن پاكىستان ەلدەرى شەكارالارى ماڭىندا بوي تاسالاپ، سوعىس جۇرگەن قازاقستان ازاماتتارى ەكەنى بەلگىلى بولعان.

تارازداعى جارىلىس تۋرالى قوسىمشا حابارلاپ وتىراتىن بولامىز.

«اباي-اقپارات»