«قازاقستان حالقىنىڭ ۇشتەن ءبىرى رەسپۋبليكانىڭ باسقا ەلدەرمەن قوسىلۋىنا قارسى، بۇل رەتتە ساۋالناماعا قاتىسقانداردىڭ جارتىسىنان استامى رەسەيمەن قوسىلۋدى قولدايدى»، - دەپ قازاقستاندىق «الەۋمەتتىك جانە ساياسي زەرتتەۋلەر ورتالىعى» ء(اسزو) قورىنىڭ پرەزيدەنتى گۇلميرا يلەۋوۆا ءمالىم ەتتى.

قازتاگ تاراتقان وسى حاباردا نە جاڭساقتىق كەتكەن، نە يلەۋوۆا الدەكىمنىڭ توڭ تەرىسىن يلەگەن. مۇنداعى «قارسىسى» قايسى، «قوسىلۋدى قولدايتىنى» قايسى؟ «جارتىسىنان استامى» قولدايتىن بولسا، «ۇشتەن ءبىردىڭ» پىكىرىنە پىسقىرا ما ورىسشىلدىقتان وڭباعان بۇل بيلىك؟

ماتىنگە ءمان قويىڭىز: «ەكى ۇلكەن توپ بار: 50-55% دەڭگەيىندەگىلەر رەسەيمەن بىرىگۋ كەرەك دەيدى، بىراق حالىقتىڭ ۇشتەن ءبىرى ەشقانداي مەملەكەتپەن قوسىلاۋ كەرەك ەمەس دەپ ەسەپتەيدى»، - دەيدى گۇلميرا حانىم يلەۋوۆا استانا-ماسكەۋ-كيەۆ تەلەكوپىرى بارىسىندا.

بۇل نە دەگەن ءسوز؟ بۇل - ساناعا سىنالاپ ءسىڭىرۋ دەگەن ءسوز!

«قازاقستان حالقىنىڭ ۇشتەن ءبىرى رەسپۋبليكانىڭ باسقا ەلدەرمەن قوسىلۋىنا قارسى، بۇل رەتتە ساۋالناماعا قاتىسقانداردىڭ جارتىسىنان استامى رەسەيمەن قوسىلۋدى قولدايدى»، - دەپ قازاقستاندىق «الەۋمەتتىك جانە ساياسي زەرتتەۋلەر ورتالىعى» ء(اسزو) قورىنىڭ پرەزيدەنتى گۇلميرا يلەۋوۆا ءمالىم ەتتى.

قازتاگ تاراتقان وسى حاباردا نە جاڭساقتىق كەتكەن، نە يلەۋوۆا الدەكىمنىڭ توڭ تەرىسىن يلەگەن. مۇنداعى «قارسىسى» قايسى، «قوسىلۋدى قولدايتىنى» قايسى؟ «جارتىسىنان استامى» قولدايتىن بولسا، «ۇشتەن ءبىردىڭ» پىكىرىنە پىسقىرا ما ورىسشىلدىقتان وڭباعان بۇل بيلىك؟

ماتىنگە ءمان قويىڭىز: «ەكى ۇلكەن توپ بار: 50-55% دەڭگەيىندەگىلەر رەسەيمەن بىرىگۋ كەرەك دەيدى، بىراق حالىقتىڭ ۇشتەن ءبىرى ەشقانداي مەملەكەتپەن قوسىلاۋ كەرەك ەمەس دەپ ەسەپتەيدى»، - دەيدى گۇلميرا حانىم يلەۋوۆا استانا-ماسكەۋ-كيەۆ تەلەكوپىرى بارىسىندا.

بۇل نە دەگەن ءسوز؟ بۇل - ساناعا سىنالاپ ءسىڭىرۋ دەگەن ءسوز!

كوپپەن قورقىتۋدىڭ پوليتتەحنولوگيالىق پايىمى بىلجىراق باتپاق بولادى. ول «كوپتىڭ» كوبىكتەن جاسالعانىندا شارۋا جوق: ەلدىڭ جارتىسىنان استامى رەسەيگە تەلمىرىپ وتىر دەيدى. ەگەر رەسمي دەرەك بويىنشا، قازاقستان حالقىنىڭ 68 پايىزىن قازاقتار قۇراسا، 55 پايىز رەسەيشىلدەر قايدان شىقتى؟ سوندا كەشە عانا ورىستىڭ يلەۋىنەن شىعىپ، كۇنى بۇگىنگە دەيىن وتارلىقتان وپىق جەگەن قازاقتىڭ 13 پايىزى قايتادان ورىسقا تاۋەلدى بولعىسى كەلە مە؟ ءتىپتى «شالاقازاق» اتانىپ جۇرگەن قازاعىمىز دا ورىسقا وسقىرىنا قارايتىنداي قاشىقتىققا كەتىپ قالعان جوق پا: 20 جىلدان كەيىن وداقشىل بولا قالعاندار قايدان كەلدى؟

يلەۋوۆا يلاناتىن شىعار، بىراق مەن وسى زەرتتەۋسىماققا سەنە المايمىن. دەگەنى دۇپ-دۇرىس، جازعانى جاپ-جاقسى قىز كورۋشى ەدىم: ال مىنا قيسابى قيسىنعا كەلمەيدى.

ايتپاقشى، بۇل باتپاقتى ءوزى بىلجىراتسا، وقاسى جوق: «ساياسي زەرتتەۋلەر ورتالىعى» بولعان سوڭ، اناۋ-مىناۋدان قۇراپ-شاتىپ بىردەڭە دەگىسى كەلگەن شىعار. ال ەگەر ول بىلجىراق 37-دە قازاقتى قىرىپ تاستاعان «كونتوردىڭ» شتابىنان شىقسا، بۇل قاتتى قاتەر!..

«وبششەستۆەننايا پوزيتسيا»

(پروەكت «DAT» № 39 (122) 16 قاراشا 2011 جىل