قمگ ءبو جاڭاوزەن قالاسىندا بىتىمگەرلىك كوميسسيا

جۇمىسىن باستادى دەگەن اقپاراتتى جوققا شىعارادى

بىرقاتار ءباسپاسوز بەتتەرىندە جاڭاوزەن قالاسىندا بىتىمگەرلىك كوميسسيا جۇمىسىن باستاپتى-مىس دەگەن سياقتى جاڭساق حابارلاردىڭ جارىققا شىعۋىنا بايلانىستى، «قازمۇنايگاز» بارلاۋ ءوندىرۋ» اق («قمگ ءبو»، «كومپانيا») ەشقانداي بىتىمگەرلىك كوميسسيانىڭ قۇرىلماعانىن جانە قۇرىلمايتىنىن حابارلاۋدى ءجون دەپ تاپتى.

قمگ ءبو جاڭاوزەن قالاسىندا بىتىمگەرلىك كوميسسيا

جۇمىسىن باستادى دەگەن اقپاراتتى جوققا شىعارادى

بىرقاتار ءباسپاسوز بەتتەرىندە جاڭاوزەن قالاسىندا بىتىمگەرلىك كوميسسيا جۇمىسىن باستاپتى-مىس دەگەن سياقتى جاڭساق حابارلاردىڭ جارىققا شىعۋىنا بايلانىستى، «قازمۇنايگاز» بارلاۋ ءوندىرۋ» اق («قمگ ءبو»، «كومپانيا») ەشقانداي بىتىمگەرلىك كوميسسيانىڭ قۇرىلماعانىن جانە قۇرىلمايتىنىن حابارلاۋدى ءجون دەپ تاپتى.

بىرىنشىدەن، قر ەڭبەك كودەكسىندە ۇجىمدىق ەڭبەك داۋىنىڭ العاشقى كەزەڭدەرىندە بىتىمگەرلىك كوميسسياسىن قۇرۋ قاراستىرىلعان. 2011 جىلدىڭ مامىر ايىندا «وزەنمۇنايگاز» ءوف (ومگ) جانە «قاراجانباسمۇناي» اق-ىندا (قبم) زاڭسىز نارازىلىق اكتسياسىن ۇيىمداستىرۋشىلار ءپرينتسيپتى تۇردە جۇمىس بەرۋشىمەن ديالوگ ورناتۋدان قاشتى، ايلىق جالاقىنى كوتەرۋ تۋرالى وزدەرىنىڭ تالاپتارىنىڭ قالتقىسىز ورىندالۋىن تالاپ ەتە وتىرىپ، بىتىمگەرلىك پروتسەدۋرالارعا قاتىسۋدان باس تارتتى. زاڭدا كورسەتىلگەن قانداي دا بولماسىن بىتىمگەرلىك پروتسەدۋرالاردى ساقتاماستان، جۇمىس بەرۋشىگە قىسىم كورسەتۋ ءۇشىن جۇمىستى توقتاتۋ سياقتى شارانى تاڭداپ الدى. ءبىرىنشى كەزەكتە، قمگ ءبو زاڭسىز نارازىلىق اكتسياسى تولىقتاي توقتاتىلعاننان كەيىن كەلىسسوزدەر جۇرگىزۋگە دايىن ەكەنىن بىرنەشە رەت مالىمدەدى. وسىلايشا، زاڭسىز نارازىلىق اكتسياسىن ۇيىمداستىرۋشىلار وزدەرىنىڭ كىناسىنەن بىتىمگەرلىك كوميسسيا قۇرۋ مۇمكىندىگىنەن ايرىلىپ تىندى.

ەكىنشىدەن، قر ەڭبەك كودەكسىنە سايكەس، «بىتىمگەرلىك كوميسسيا - جۇمىس بەرۋشى مەن جۇمىسكەرلەردىڭ (ولاردىڭ وكىلدەرىنىڭ) كەلىسىمىمەن قۇرىلاتىن ورگان». ونىڭ ۇستىنە، بۇگىنگى تاڭدا ومگ-دە دە، قبم-دا دا ەشقانداي ەڭبەك داۋى تۋىنداعان جوق، ال جۇمىس بەرۋشىگە تالاپ قويعان زاڭسىز نارازىلىق اكتسياسىنىڭ بەلسەندىلەرى جۇمىستان شىعارىلعاندىقتان، ولار اتالعان كومپانيالاردىڭ جۇمىسكەرلەرى بولىپ تابىلمايدى. اتالعان ادامدار ەشقانداي سەبەپسىز ۇزاق ۋاقىت بويى - بىرنەشە تاۋلىكتەن باستاپ ءۇش ايعا دەيىن جۇمىس ورنىندا بولماعانى ءۇشىن قر ەڭبەك كودەكسىنە سايكەس جۇمىستان شىعارىلدى. بۇل شەشىمنىڭ دۇرىستىعىن بىرنەشە ونداعان ادامداردىڭ بۇرىنعى جۇمىس ورىندارىنا قايتا الۋ تۋرالى تالاپ-ارىزدارىن قاناعاتتاندىرۋدان باس تارتقان جاڭاوزەن جانە اقتاۋ قالاسىنىڭ سوتتارىنىڭ شەشىمدەرى راستاي الادى.

جاڭاوزەن قالاسىندا وتكەن زاڭسىز نارازىلىق اكتسياسىنىڭ بەلسەندىلەرىمەن كەزدەسۋ بىتىمگەرلىك كوميسسيانىڭ وتىرىسى ەمەس، قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ب.ب. نۇرىمبەتوۆتىڭ جەتەكشىلىگىمەن وتكەن جۇمىستان شىعارىلعانداردى جاڭا جۇمىس ورىندارىنا جۇمىسقا تۇرعىزۋ جونىندەگى رەسپۋبليكالىق شتابتىڭ وتىرىسى بولاتىن. شتاب جۇمىسىنا رەسپۋبليكالىق جانە جەرگىلىكتى بيلىك ورگاندارى مەن قۇقىق قورعاۋ ورگاندارىنىڭ وكىلدەرى قاتىسۋدا.

قمگ ءبو تاعى ءبىر رەت جۇمىستان شىعارىلعان زاڭسىز نارازىلىق اكتسياسىنا قاتىسۋشىلاردى قايتا جۇمىسقا قابىلداۋ تۋرالى ماسەلەنىڭ قارالمايتىنىن حابارلايدى، سەبەبى ولاردى جۇمىستان شىعارۋ قاتاڭ تۇردە زاڭعا سايكەس جۇرگىزىلدى جانە ولاردىڭ ورنىنا كومپانيانىڭ بىلىكتىلىك تالاپتارىنا سايكەس كەلەتىن جاڭا جۇمىسكەرلەر قابىلداندى.

سونىمەن قاتار، بۇعان دەيىن حابارلانعانىنداي، قمگ ءبو ومگ-گە قىزمەت كورسەتەتىن سەرۆيستىك جانە مەردىگەر ۇيىمدارعا قوسىمشا تاپسىرىس ورنالاستىردى، سونىڭ ارقاسىندا ورتاشا ايلىق جالاقىسى 170 مىڭ تەڭگەدەن 270 مىڭ تەڭگەنى قۇرايتىن 230 قوسىمشا جۇمىس ورنىن اشىلدى. الايدا جۇمىستان شىعارىلعاندار وسى كۇنگە دەيىن بۇل مۇمكىندىكتى پايدالانعان جوق.