جەر ۋچاسكەسى 2019 جىلدىڭ جەلتوقسان ايىندا لۋكاشەنكوعا ءومىر بويى پايدالانۋعا بەرىلگەن اۋماقتان بەرىلگەن.

45 سوتتىق جەرى باكيەۆكە اۋىل شارۋاشىلىعىن جۇرگىزۋ ءۇشىن، قالعان 25 سوتتىعى تۇرعىن ءۇي سالۋعا بولىنگەن.

قۇرمانبەك باكيەۆ 2005 - 2010 جىلدار ارالىعىندا قىرعىزستاندى باسقاردى. ول اسقار اقاەۆ ۇكىمەتىنە قارسى "قىزعالداق رەۆوليۋتسياسىنان كەيىن" بيلىككە كەلدى. بىراق 2010 جىلدىڭ 7-15 ءساۋىر ارالىعىندا قىرعىزستاندا كەزەكتى رەت توڭكەرىس بولىپ، وپپوزيتسيا ونى بيلىكتەن كەتىردى. رەۆوليۋتسيا كەزىندە 100-گە جۋىق ادام قايتىس بولدى.

باكيەۆ ءساۋىر وقيعاسىنان كەيىن قىرعىزستاننان قاشقان. قازىر ول وتباسىمەن بىرگە بەلارۋستە تۇرادى. سول ەلدىڭ ازاماتتىعىن العان.

قىرعىزستان بيلىگى ونى قايتارۋدى تالاپ ەتىپ جاتىر. ول قىرعىزستاندا بريتاندىق كاسىپكەر شونا دەيليدىڭ ومىرىنە قاستاندىق جاسادى، قىزمەت بابىن اسىرا پايدالاندى دەپ ايىپتالعان. بۇرىنعى پرەزيدەنت سىرتتاي 30 جىلعا سوتتالعان ءارى وعان ىزدەۋ سالىنعان.

Abai.kz