اشىق حات

سوڭعى ەكى كۇندە ماعان بىرنەشە كىسى تەلەفون سوقتى. مەن بۇل كىسىلەردى ەرەكشە سىيلايمىن، ولار تەك مەن سىيلايتىن عانا ەمەس، كوپشىلىككە ارداقتىلار. مەن ولاردىڭ پىكىرىن قادىرلەيمىن، ەسكەرتۋ-كەڭەستەرىنە قۇلاق سالامىن، مەنىمەن كەلىسكەن كەزدە عانا ەمەس، كەلىسپەسە دە. سەبەبى ولار اقىلگويلەر، مۇنداي كىسىلەردەن ارقاشان اقىل-كەڭەس الىپ وتىرعاندى ءجون سانايمىن.

بۇل كىسىلەر مەنىڭ ينتەرنەتتە جاريالانعان سۇحباتىمنىڭ ءبىر بولىگىندە ايتىلعان سوزدەرگە بايلانىستى الاڭداۋشىلىق بىلدىرەدى. اتاپ ايتقاندا، مەنىڭ مۇحتار شاحانوۆتى ساياساتكەر ەمەس دەۋىمە بايلانىستى. راس، مەن سولاي ايتقان ەدىم، سولاي دەپ سانايمىن. بىراق، بۇل پىكىر مەنىڭ ايتقان ءسوزىمنىڭ كىشكەنتاي ءبىر بولىگى عانا جانە ونىڭ جالعاسى بار، نەگىزدەمەسى بار.

اشىق حات

سوڭعى ەكى كۇندە ماعان بىرنەشە كىسى تەلەفون سوقتى. مەن بۇل كىسىلەردى ەرەكشە سىيلايمىن، ولار تەك مەن سىيلايتىن عانا ەمەس، كوپشىلىككە ارداقتىلار. مەن ولاردىڭ پىكىرىن قادىرلەيمىن، ەسكەرتۋ-كەڭەستەرىنە قۇلاق سالامىن، مەنىمەن كەلىسكەن كەزدە عانا ەمەس، كەلىسپەسە دە. سەبەبى ولار اقىلگويلەر، مۇنداي كىسىلەردەن ارقاشان اقىل-كەڭەس الىپ وتىرعاندى ءجون سانايمىن.

بۇل كىسىلەر مەنىڭ ينتەرنەتتە جاريالانعان سۇحباتىمنىڭ ءبىر بولىگىندە ايتىلعان سوزدەرگە بايلانىستى الاڭداۋشىلىق بىلدىرەدى. اتاپ ايتقاندا، مەنىڭ مۇحتار شاحانوۆتى ساياساتكەر ەمەس دەۋىمە بايلانىستى. راس، مەن سولاي ايتقان ەدىم، سولاي دەپ سانايمىن. بىراق، بۇل پىكىر مەنىڭ ايتقان ءسوزىمنىڭ كىشكەنتاي ءبىر بولىگى عانا جانە ونىڭ جالعاسى بار، نەگىزدەمەسى بار.

مەن مۇحتار شاحانوۆتى قالاي ساياساتكەر ەمەس دەپ ساناماسام، ءوزىمدى دە سولاي ساياساتكەر سانامايمىن. ول كىسى دە، مەن دە ساياساتقا ەلىمىزدىڭ ازاماتتارىنىڭ ءومىرىنىڭ بەلگىلى ءبىر تاعدىر كەزەڭىندەگى جاعدايلارىنا بايلانىستى ولاردىڭ ءومىرى مەن تۇرمىسىن جاقسارتۋمەن اينالىسا ءجۇرىپ ساياساتقا كىرىسىپ كەتكەندەرمىز. مۇحتار-اعا ساياساتكەرلىكتەن بيىك تۇرعان ادام. ول ءوزىن سىيلايتىن، ءوزىن سۇيەتىن ازاماتتارعا ءسوز قۇدىرەتىن جەتكىزۋ ارقىلى ولارعا ءومىر سۇرۋگە، ءومىردىڭ قيىنشىلىعىن جەڭۋگە كومەكتەسىپ كەلەدى. وسىنداي ءسوز قۇدىرەتى كۇشتى مۇحاڭنان باسقا ەلىمىزدە قانداي ساياساتكەر بار؟ سوندىقتان دا ول ساياساتكەردەن بيىك، سەبەبى قازىرگى قيىن زاماندا ول ءوز حالقىنىڭ مادەنيەتى مەن ءتىلىنىڭ اۋىر جۇگىن ارقالاپ سوعان جان تەبىرەنىسپەن ەڭىرەپ ءجۇر. ءوزىن كاسىبي ساياساتكەر سانايتىن قاي ساياساتكەردىڭ وسى ماسەلەلەرگە ءىشى قان جىلاپ ءجۇر؟

ساياسات - مۇحاڭنىڭ ءومىر بولمىسىنىڭ امالسىزدان جاساپ جۇرگەن ارەكەت-قيمىلىنىڭ ءبىر كورىنىسى عانا، سەبەبى ونىڭ اينالىسىپ جۇرگەن ماسەلەلەرى تەك ساياسي جولدارمەن شەشىلمەك. ەگەر ەلىمىزدە كۇنى ەرتەڭ جاقسى وزگەرىستەر مەن يگى ىستەر جاسالىنىپ، ءبىزدىڭ ءىس-قيمىلدارىمىز قوعامعا پايدا اكەلەر بولسا، وسى ۇردىستەردىڭ دامۋى تۇراقتى قانات جايسا، ءبىز ەكەۋمىز دە ساياساتتان كەتەرىمىز انىق. ساياسات - ءبىزدىڭ ءىسىمىز ەمەس.

مەن قازاق بولىپ تۋىلماسام دا، قازاقتىڭ اراسىندا، قازاق ەلىندە ءوستىم. قازاقستاندا قازاق دوس-جاراندارىمنىڭ كوپ بولعانى - مەنىڭ ءومىر جولىمنىڭ وڭ بولعانى دەپ سانايمىن. «دوسىڭنىڭ كىم ەكەنىن ايتشى، سەنىڭ كىم ەكەنىڭدى ايتىپ بەرەيىن» دەمەي مە. سول دوستارىمنىڭ ارقاسىندا قازاقتىڭ جان اۋرۋىن تۇسىنۋگە مۇمكىندىك الدىم. بالا كەزىمدەگى قازاق دوستارىم تۇرپايى اكتسەنتپەن مەنىمەن ورىسشا سويلەسەتىن. تەك كەيىن عانا، ەسەيگەن سوڭ بارىپ، كەش ءبىلدىم، بۇل قازاقتاردىڭ ناعىز دوسقا دەپ بىلدىرەتىن قاسيەتى ەكەنىن كەيىن ءتۇسىندىم. ەندى بۇگىن، سونى تۇسىنگەن سوڭ مەن ولارعا جاقىن قادام جاساعىم كەلەدى، جاساپ كەلەمىن، كىشكەنتاي بولسا دا، قولىمنان كەلگەنشە جاقىنداپ قادام جاساۋدامىن.

مۇحتار-اعا حالقىمىز ءۇشىن وتە قاسيەتتى ءىس اتقارىپ كەلەدى. مەنىڭ مۇحاڭمەن جانە ونىڭ قولداۋشىلارىمەن كەلىسپەيتىن كوزقاراستارىم - بۇل ءبىزدىڭ ورتاق ءىستى اتقارۋ باعىتىنداعى ەكى ءتۇرلى جولى عانا. بۇل قالىپتى جاعداي، سەبەبى ءبىز ءبىر ەلدە تۇرساق تا، ەلىمىزدىڭ ازاماتتارىنىڭ ءارتۇرلى توپتارىنىڭ وكىلدەرىمىز. بۇلاي بولۋدىڭ تۇسىنىكتى ەكەندىگىنىڭ تاعى ءبىر قىرى - مەنىڭ ءوز پىكىرىمدى اشىق، جاريالى تۇردە ايتۋىمدا. وسى ماسەلەلەردى نەگىزگە الىپ مەنىڭ مۇحاڭمەن قارىم-قاتىناسىمىزدا جوق نارسەلەردى ىزدەۋشىلەرگە، ءبىزدى قاقتىعىستىرۋعا، قوعام ءۇشىن اتقارىپ جاتقان ورتاق ىسىمىزگە كەدەرگى جاساۋشىلارعا ايتارىم - قۇداي الدارىڭنان جارىلقاسىن! مەنىڭ بۇل حاتتى جازىپ وتىرعان سەبەبىم، سول كىسىلەرگە جانە وسى جاعدايعا الاڭداعان دوستارىما ارنالادى.

مەنىڭ سۇحباتتاعى سوزدەرىمنەن بولەكتەلىپ جۇلىنۋ ارقىلى قۇراستىرىلعان سويلەمدەردەن مۇحتار اعاعا ءتيىپ كەتكەن سوزدەرىم ءۇشىن ول كىسىدەن كەشىرىم سۇرايمىن.

مەنى بۇرىنعىشا وزدەرىڭنىڭ ۆلاديمير كوزلوۆتارىڭ دەپ ساناڭىزدار.

دوستارىما ەرەكشە العىسىمدى بىلدىرەمىن.

ۆلاديمير كوزلوۆ 18 قاراشا 2011 جىل.

«ماسا-اقپارات»