بۇگىن پرەزيدەنت قاسىم-جومارت توقاەۆ كوروناۆيرۋس ىندەتىنىڭ تارالۋىنا قارسى شارالار قابىلداۋ تۋرالى كەڭەس وتكىزەدى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي حابارلاپ، فەيسبۋك جەلىسىندە جازدى.

«ەرتەڭ، 29 ماۋسىم كۇنى قازاقستان پرەزيدەنتى قاسىم-جومارت توقاەۆ كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندە كەڭەس وتكىزەدى. كەڭەستە مەملەكەت باسشىسى قازىرگى احۋالعا باعا بەرىپ، ازاماتتاردىڭ دەنساۋلىعىن ساقتاۋدىڭ ساپاسىن ارتتىرۋعا باعىتتالعان شارالاردى جاريالايدى. سونداي-اق ەكونوميكانى قولداۋ جانە حالىقتى الەۋمەتتىك قورعاۋ ماسەلەسى دە قارالادى دەپ جوسپارلانىپ وتىر. كەڭەسكە ۇكىمەت مۇشەلەرى، بىرقاتار ۆەدومستۆو باسشىلارى، وبلىس اكىمدەرى قاتىسادى»، - دەپ جازدى كەشە.

ايتا كەتەيىك، قازىر قازاقستاندا قاۋىپتى ىندەتتەن كوز جۇمعاندار سانى 183-كە جەتتى. ال ىندەن جۇقتىرعاندار - 21 327 ادام بولسا، جازىلىپ شىققاندار - 12 933 ادام.

ەسكەرتۋ! ماتەريال تولىقتىرىلادى.

Abai.kz