الماتى اكىمدىگى دارىلىك زاتتار مەن مەديتسينالىق بۇيىمداردى جەتكىزەتىن وتاندىق فارماتسەۆتيكالىق كومپانيالارمەن كەلىسىمگە قول قويدى. بۇل تۋرالى ۆيتسە-پرەمەر ەرالى توعجانوۆ مالىمدەدى.

ونىڭ ايتۋىنشا، 700 ءدارىحانانىڭ 103-ىنە باسىمدىق بەرىلىپ وتىر ەكەن. بۇل 103 ءدارىحانا حالىق ەڭ كوپ تۇتىناتىن، باراتىن ءدارىحانالار-مىس. ەندى ولار باعانى كوتەرمەۋگە جانە ءدارى-دارمەكتەردىڭ ءۇش بىرلىگىنەن ارتىق ساتپاۋعا مىندەتتەلدى.

مۇنداي جابدىقتاۋ شارالارى ەلوردادا دا قابىلدانىپ جاتىر. اقتوبە وبلىسىندا رەسەيدەن 10 پوزيتسيا بويىنشا جەتىسپەيتىن يمپورتتىق ءدارى - دارمەكتەردى جەتكىزۋ ماسەلەسى شەشىلدى. بۇل اۋرۋحانالار ءۇشىن 20 كۇندىك قوردى قامتاماسىز ەتەدى. ال دارىحانالىق قوردى تولىقتىرۋ ءۇشىن قاجەتتى 16 پرەپاراتقا جارتى ميلليارد تەڭگە ءبولىندى.

«بارلىق اكىمدىكتەرگە كوميسسيانىڭ شەشىمى نەگىزىندە ءدارى - دارمەكتەردىڭ قاجەتتى كولەمىن وزدەرى انىقتاۋعا جانە دەنساۋلىق ساقتاۋ مينيسترلىگىمەن كەلىسە وتىرىپ ساتىپ الۋعا قۇقىق بەرىلدى»,-دەپ اتاپ ءوتتى ۆيتسە-پرەمەر.

وتاندىق وندىرۋشىلەر مەديتسينالىق پرەپاراتتارعا دەگەن ىشكى سۇرانىستىڭ 13% - ىن عانا جابادى. ال، 87% يمپورتتالادى. جالپى ەل بويىنشا 8 مىڭ ءدارىحانا جۇمىس ىستەيدى. "ينگاۆيريننىڭ" 70 مىڭ ورامى، "پاراتسەتامولدىڭ" 800 مىڭنان استام ورامى كەلىپ ءتۇستى، جاقىن اپتادا تاعى 900 مىڭ ورامى تۇسەدى.

«وتكەن اپتانىڭ سوڭىندا وتاندىق وندىرۋشىلەر "اريتروميتسين" انتيبيوتيگىنىڭ 150 مىڭ قاپتاماسىن جونەلتۋدى باستادى. وسىلايشا، ىستىق تۇسىرەتىن جانە ۆيرۋسقا قارسى پرەپاراتتاردىڭ تاپشىلىعى تولىعىمەن شەشىلەدى»,- دەدى ە.توعجانوۆ.

Abai.kz