قر پرەزيدەنتى قاسىم-جومارت كەمەلۇلى توقاەۆقا،
قر پرەمەر-ءمينيسترى اسقار ۇزاقبايۇلى مامينعا،
قر  پارلامەنتى سەناتىنىڭ توراعاسى ماۋلەن ساعاتحانۇلى اشىمباەۆقا،
قر پارلامەنتى ءماجىلىس توراعاسى - نۇرلان زايروللاۇلى نىعماتۋلينعا،

كوشىرمەلەرى 

قر مادەنيەت جانە سپورت ءمينيسترى اقتوتى راحماتوللاقىزى رايىمقۇلوۆاعا،
قر ءبىلىم جانە عىلىم ءمينيسترى اسحات قاناتۇلى ايماعامبەتوۆكە،
اقپارات جانە قوعامدىق دامۋ ءمينيسترى ايدا عالىمقىزى بالاەۆاعا.

اشىق حات

ەلباسىنىڭ «قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى» جارلىعىنا سايكەس قازاقستان ۇكىمەتى ءالىپبيدى 2025 جىلعا دەيىن كەزەڭ-كەزەڭىمەن اۋىستىرۋ ءۇشىن شارالار جوسپارىن» بەكىتكەن بولاتىن. ول جوسپار بۇگىن ورىندالماي مەجەلەنگەن ۋاقىتتان كەشەۋىلدەپ تۇر. ماسەلەن ءدال وسىنىڭ سەبەبىنەن 2021 جىلى الىپپە وقۋلىعى لاتىن گرافيكاسىمەن ەمەس، قايتا كيريلل ارپىمەن ەسكىشە شىعارىلماق. وعان تەك وسى ۇكىمەت جانىنداعى ۇلتتىق كوميسسيا قۇرعان ورفوگرافيالىق توپتىڭ كاسىبي ءبىلىم دەڭگەيىنىڭ تومەندىگى قولبايلاۋ بولىپ تۇر:

1) 2018 جىلدىڭ 19 اقپانىندا بەكىتىلگەن اكۋت نۇسقانىڭ عىلىمي نەگىزى جوق، قولدانۋعا جارامسىز ەكەنىن بىلە تۇرا، ءجون بىلەتىن عالىمدار مەن كوكىرەگى وياۋ وزگە دە ازاماتتاردىڭ باق-تا، جانە وزدەرى ۇيىمداستىرعان لاتىنعا ارنالعان جيىنداردا ايتقانىن ەسكەرمەي، ورفوگرافيالىق توپ مەنبىلەمگە سالىپ، ەلدى دۇرلىكتىرىپ لاتىننىڭ وسى شيكى نۇسقاسىمەن ديكتانتتار، ساۋالنامالار الدى. قازىر سول اكۋت نۇسقامەن جاسالعان جۇمىستار مەن ۇكىمەت قارجىسىنا شىققان ونىمدەر بوسقا قالدى. ەگەر وسى ورفوگرافيالىق توپ، وزگە عالىمداردى تىڭداپ، بۇل نۇسقانىڭ ءتىلدىڭ بىرنەشە زاڭدىلىعىن بۇزىپ تۇرعاندىعىن جوعارى جاققا بىردەن ەسكەرتسە، مۇنشاما ۋاقىت جوعالتپاس ەدىك، مۇنشاما رەسۋرس بوسقا شاشىلماس ەدى... 

2) ورفوگرافيالىق توپ مۇشەلەرى عىلىمي كوپشىلىكتىڭ تالقىسىنا سالماي، بىلەتىن مامانداردىڭ ايتقاندارىن ەلەمەستەن ەملە ەرەجەلەرىن ۇكىمەت وتىرىسىندا ماقۇلداتىپ، 2019 جىلى 18 قاڭتاردا «ەگەمەن قازاقستان» گازەتىنە جاريالاپ جىبەردى. قازىر ول ەملە جوباسى دا ءتىلدىڭ بىرنەشە زاڭىن بۇزاتىندىقتان جارامسىز قۇجات بولىپ قالدى...

ەڭ سوراقىسى ءدال وسى ورفوگرافيالىق توپ قۇرامى قازاقستان پرەزيدەنتى قاسىم-جومارت توقاەۆ Twitter جەلىسىندەگى پاراقشاسىندا «ءالىپبيدى لاتىن قارپىنە كوشىرۋ تۋرالى تاريحي شەشىمنىڭ قابىلدانعانىنا ەكى جىلعا جۋىقتادى. بىراق قارپىمىزدە ءالى دە ولقىلىقتار بار. ءتىل ماماندارى جاڭا ءالىپبيدى جەتىلدىرۋى كەرەك. مادەنيەت جانە سپورت ءمينيسترى ا.رايىمقۇلوۆاعا ءتيىستى تاپسىرما بەردىم. الدىمىزدا اۋقىمدى جۇمىس تۇر» - دەگەننەن كەيىن دە توقتاماي، عىلىمي كوپشىلىكپەن اقىلداسپاي جەكە ازاماتتاردان، ۇيىمداردان كەلگەن ۇسىنىس نۇسقالارىن مۇلدەم ەلەمەي، عىلىمي نەگىزى جوق قازاق ءتىلىنىڭ ەملە ەرەجەلەرىنە قايشى كەلىپ، ەرتەڭ تاعى جارامسىز بولاتىن جانە ءبىر كەزەكتى نۇسقانى ۇسىنباقشى. 

وسىعان وراي، لاتىن قارپىنە قاتىستى ىستەرىمىزدى ءتىل جۇيەسىن جەتىك بىلەتىن ماماندار مەن ۇستازدار ەرتەڭ قايتا تەرىسكە شىعارماس ءۇشىن ۇكىمەت بەكىتكەن لاتىنعا قاتىستى شارالار جوسپارىنا كەسىرى ءتيىپ وتىرعان، كاسىبي دەڭگەيى كۇماندى ورفوگرافيالىق توپتىڭ جۇمىسى تەكسەرىلىپ، كوشباسشىلارىنا شارا قولدانىلىپ، توپتىڭ ءوزىنىڭ قۇرامىن قايتا جاساقتاۋدى سۇرايمىز.

1. نۇرجەكە بەكسۇلتان – مەملەكەتتىك سىيلىقتىڭ لاۋرەاتى، بەلگىلى جازۋشى، قازاق ءتىلىنىڭ ەملەسى بويىنشا بىرنەشە ماقالانىڭ اۆتورى

2. قاليۇلى بايىنقول – مەملەكەتتىك سىيلىقتىڭ لاۋرەاتى، فيلولوگيا عىلىمدارىنىڭ دوكتورى، پروفەسسور، 10 تومدىق تۇسىندىرمە سوزدىكتىڭ باس رەداكتورى

3. سادۋاقاسۇلى جەڭىس – قورقىت اتا اتىنداعى قمۋ-دىڭ پروفەسسورى، فيلولوگيا عىلىمدارىنىڭ دوكتورى، قازاق سينتاكسيسىنىڭ بەلگىلى مامانى

4. سالقىنباي انار – ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى، فيلولوگيا عىلىمدارىنىڭ دوكتورى.

5. جەكسەنعاليەۆ بولات – حالىقارالىق «قازاق ءتىلى» قوعامى» قوعامدىق بىرلەستىگىنىڭ بقو فيليالىنىڭ توراعاسى، ءتىلشى-مامان;

6. سابىر مۇرات – باتىس قازاقستان يننوۆاتسيالىق-تەحنولوگيالىق ۋنيۆەرسيتەتىنىڭ پروفەسسورى، فيلولوگيا عىلىمدارىنىڭ دوكتورى.

7. ساعىندىقۇلى بەكەن – پاۆلودار مەملەكەتتىك پەداگوگيكالىق ۋنيۆەرسيتەتىنىڭ پروفەسسورى، فيلولوگيا عىلىمدارىنىڭ دوكتورى.

8. حاسانوۆ عابيت – م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ پروفەسسورى، فيلولوگيا عىلىمدارىڭ دوكتورى

9. قاپالبەك بيجومارت – مەملەكەتتىك ءتىلدى دامىتۋ ينستيتۋتىنىڭ اتقارۋشى ديرەكتورى، فيلولوگيا عىلىمدارىنىڭ كانديداتى

10. باحادۋروۆا گۇلزيرا – م.مامەتوۆا اتىنداعى پەداگوگيكالىق جوعارى كوللەدجى ديرەكتورىنىڭ تاربيە ءىسى جونىندەگى ورىنباسارى، قازاق ءتىلى مەن ادەبيەتى ءپانىنىڭ جوعارى ساناتتى وقىتۋشىسى.

11. يسقان بەيبىت – ابىلاي حان اتىنداعى حالىقارالىق قاتىناستار جانە الەم تىلدەرى ۋنيۆەرسيتەتىنىڭ قازاق فيلولوگياسى كافەدراسىنىڭ مەڭگەرۋشىسى، فيلولوگيا عىلىمدارىنىڭ كانديداتى، دوتسەنت

12. تۇياقباەۆ عابيت – قورقىت اتا اتىنداعى قمۋ قازاق ءتىلى مەن ادەبيەتى جانە جۋرناليستيكا كافەدراسىنىڭ مەڭگەرۋشىسى، فيلولوگيا عىلىمدارىنىڭ كانديداتى، دوتسەنت

13. زەينۋللينا ايمان – س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ قازاق ءتىلى جانە جۋرناليستيكا كافەدراسىنىڭ مەڭگەرۋشىسى، پروفەسسور، فيلولوگيا عىلىمدارىنىڭ كانديداتى;

.... بارلىعى 55 مامان

Abai.kz