جۇما, 29 ناۋرىز 2024
2593 0 پىكىر 27 شىلدە, 2020 ساعات 11:27

پرەزيدەنت پەدوفيلدى ۇستاعان پوليتسيا قىزمەتكەرىن ماراپاتتادى

پەدوفيلدى ۇستاعان پوليتسيا قىزمەتكەرىن ەل پرەزيدەنتى "ايبىن" وردەنىمەن ماراپاتتادى ،- دەپ حابارلايدى Polisia.kz.

الماتىدا پەدوفيلدى ۇستاعان پوليتسيا مايورى باقىتجان باكىروۆ قر پرەزيدەنتىنىڭ جارلىعىمەن ءىى دارەجەلى “ايبىن” وردەنىمەن ماراپاتتالدى.

- قىزمەتتىك بورىشىن ورىنداۋ كەزىندە كورسەتكەن ەرلىگى مەن جانقيارلىعى ءۇشىن ىشكى ىستەر مينيسترلىگى الماتى قالاسى پوليتسيا دەپارتامەنتى تۇركسىب اۋداندىق پوليتسيا باسقارماسىنىڭ جەدەل ۋاكىلى باقىتجان انۋاربەكۇلى باكىروۆ II دارەجەلى "ايبىن" وردەنىمەن ماراپاتتالسىن، – دەلىنگەن جارلىق ماتىنىندە.

ەستەرىڭىزگە سالا كەتەيىك، باقىتجان باكىروۆ پوليتسەيدەن قاشىپ قۇتىلماق بولعان قىلمىسكەردىڭ سوڭىنان 13 قاباتتىڭ تەرەزەسىنەن سەكىرگەن ەدى. ەكى قاباتتان تومەندەۋ جەردەگى الاڭقايعا تۇسكەن قۇقىق قورعاۋ ورگانىنىڭ قىزمەتكەرى تابانىن تايدىرىپ العان بولاتىن. سوعان قاراماستان، ول قىلمىسكەردى قولىنان بۇراپ، قاسىنداعى ارىپتەسى كەلگەنشە جىبەرمەي ۇستاپ وتىرعان.

ۇستالعان كۇدىكتى كامەلەتكە تولماعان ءجاسوسپىرىمدى توناۋ جانە زورلاۋ فاكتىسى بويىنشا ايىپتالۋدا. الماتى قالاسىنىڭ پوليتسياسى ونى ءتورت كۇن بويى ىزدەستىرىپ كەلگەن.

پوليتسيا مايورى باقىتجان باكىروۆتىڭ اياعىنا ءۇش رەت وپەراتسيا جاسالدى. دارىگەرلەر ونى كوپ ۇزاماي جۇمىسقا ورالىپ، تاعى دا كوپتەگەن قىلمىسكەردى ۇستايتىنىنا سەندىردى.

پوليتسيا قىزمەتكەرى جۇبايىمەن التى بالا تاربيەلەپ وتىرعان كوپ بالالى اكە.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558