اقش-تىڭ چەندۋ قالاسىنداعى كونسۋلدىعى قىتاي تالاپتارىنا سايكەس رەسمي تۇردە جابىلدى. 

- 2020 جىلعى 27 مامىردا ساعات 10.00-دە (نۇر-سۇلتان ۋاقىتى بويىنشا ساعات 8.00-دە) چەندۋدەگى اقش-تىڭ باس كونسۋلدىعى قىتايلىق تاراپتىڭ تالاپتارىنا سايكەس جابىلدى، - دەپ جازىلعان قحر ءسىم رەسمي سايتىنداعى مالىمدەمەدە.

قىتاي بيلىگى بۇل قادامعا اقش-تىڭ حيۋستونداعى قىتاي كونسۋلدىعىن جابۋىنا جاۋاپ رەتىندە بارعان كورىنەدى. قىتاي ءسىم بۇل ارەكەتتى "اقش تارابىنىڭ نەگىزسىز ارەكەتىنە زاڭدى ءارى قاجەتتى جاۋاپ" دەپ اتادى.

21 شىلدەدە اقش ۇكىمەتى 72 ساعات ىشىندە قىتايدىڭ حيۋستونداعى كونسۋلدىعىن جابۋ تۋرالى شەشىم شىعارعاننان كەيىن ۆاشينگتون مەن پەكين اراسىنداعى قاتىناس ۋشىعا تۇسكەن.

چەندۋدەگى كونسۋلدىق جابىلعاننان كەيىن، قىتايلىق جاۋاپتى ورگاندارىنىڭ وكىلدەرى كونسۋلدىقتىڭ تەرريتورياسىنا باس قاقپا ارقىلى كىرىپ، ونى ءوز قاراۋىنا العانى حابارلانعان.

Abai.kz