قازاقستاندىق زەينەتاقى قورىنداعى اقشانىڭ 970 ميلليون دوللارى شەتەلدىك كومپانيالاردىڭ باسقارۋىندا. بۇل تۋرالى LS سايتى جازدى. 

بجزق قازاقستاندىقتاردىڭ زەينەتاقى قورىنداعى قاراجاتىنىڭ قانداي بولىگىن شەتەلدىك كومپانيالار يگەرىپ جاتقانى تۋرالى ايتىپتى. .

بجزق مالىمەتىنشە، 1 شىلدەدەگى جاعداي بويىنشا قاداعالاۋشى اگەنتتىكتىڭ سەنىمدى باسقارۋىندا 11,8 ملرد. تەڭگەنىڭ اكتيۆتەرى بار. ولار جىل باسىنان بەرى 985 ميللياردتان استام تەڭگەگە وسكەن.

«شەتەلدىك باسقارۋشى كومپانيالارعا بەرىلگەن زەينەتاقى اكتيۆتەرىنىڭ كولەمى 970 ملن. دوللاردى قۇرايدى. ونىڭ ىشىندە:

«Aviva Investors» - دامۋشى نارىقتىڭ عالامدىق وبليگاتسياسى بويىنشا $220 ملن;

«HSBC Global Asset Management» - «جاھاندىق ءپاسسيۆتى اكتسيالار» مانداتى بويىنشا 250 ملن;

PGIM $300 ملن;

Principal Global Investors - «ينۆەستيتسيالىق دەڭگەيى جوعارى الەمدىك كورپوراتيۆتى وبليگاتسيالار» مانداتى بويىنشا $200 ملن.   

اۋدارىم پروتسەسى بىرنەشە جىل بويى جۇزەگە اسىرىلادى. بۇل ءوز كەزەگىندە اكتسيالار مەن وبليگاتسيالار نارىعىنا وتۋدەگى تاۋەكەلدى ازايتادى»,- دەپتى بجزق وكىلدەرى.

سونىمەن قاتار، زەينەتاقى قورى 2020 جىلدىڭ العاشقى التى ايىندا نارىقتىق شارتتار بويىنشا بىرنەشە باعالى قاعازدار ساتىپ العانىن حابارلاعان.

ولار:

- قارجى مينيسترلىگى شىعارعان مبق 823,3 ملرد. تەڭگە، (ورتاشا الىنعان كىرىس جىلىنا 10,5%);

- قازاقستان دامۋ بانكىنىڭ وبليگاتسيالارى 14,9 ملرد. تەڭگە، (ورتاشا الىنعان كىرىس 10,97%);

- «سامۇرىق-قازىنا» ۇاق »اق 64,3 ملرد تەڭگە، (جىلدىق كىرىسى 12,5%);

- اگرارلىق نەسيە كورپوراتسياسىنىڭ وبليگاتسيالارى 5,6 ملرد. تەڭگە، (جىلدىق كىرىسى 11,75%).

بۇل قاراجاتتار ۇلتتىق بانكتىڭ قىسقا مەرزىمدى نوتالارىنا سايكەس، 10% كىرىس كورسەتكىشى بويىنشا ينۆەستيتسيالاندى-مىس. بجزق ەسەبىنشە، ينۆەستيتسيالىق كىرىس-شىعىس كورسەتكىشى كەلەسىدەي بولماق:

- باعالى قاعازدار بويىنشا سىياقى تۇرىندەگى كىرىستەر، ونىڭ ىشىندە دەپوزيتتەر جانە «كەرى رەپو» وپەراتسيالارى بويىنشا 389,8 ملرد. تەڭگە;

- باعالى قاعازداردى نارىقتا قايتا باعالاۋ شىعىندارى - 8,52 ملرد. تەڭگە;

- شەتەل ۆاليۋتاسىن قايتا باعالاۋدان تۇسكەن كىرىستەر - 163,85 ملرد. تەڭگە;

- باسقا اكتيۆتەردى قايتا باعالاۋدان تۇسكەن كىرىستەر - (3,91) ملرد. تەڭگە;

- سىرتقى باسقارۋداعى اكتيۆتەردەن تۇسەتىن كىرىستەر 20,85 ملرد. تەڭگە;

- باسقا كىرىستەر 3,6 ملرد. تەڭگە.

جىل باسىنان بەرگى ينۆەستيتسيالىق كىرىستىڭ جالپى مولشەرى 565,67 ملرد. تەڭگەنى قۇراعان. 69% نەمەسە 389,8 ملرد. تەڭگە سىياقى تۇرىندە ەسەپتەلگەن. بجزق سالىمشىلارى ءۇشىن سوڭعى 12 ايداعى (2019 جىلدىڭ شىلدەسىنەن 2020 جىلدىڭ ماۋسىمىنا دەيىن) زەينەتاقى اكتيۆتەرىنىڭ كىرىسى 7% ينفلياتسيامەن 8,94%-عا جەتىپتى. 2013 جىلدىڭ قىركۇيەگىنەن باستاپ ازاماتتاردىڭ زەينەتاقى جيناقتارى قۇرىلىمىنداعى ينۆەستيتسيالىق كىرىس شامامەن 30%-دى نەمەسە 3,8 ترلن. تەڭگەنى قۇراعان ەكەن. بۇل دا بجزق دەرەگى.

Abai.kz