اقجول الىسپەن بايلانىس ورناتا باستادى
«اق جول» قدپ-نىڭ پارتيا توراعاسىنىڭ ورىنباسارى ەرلان بارلىباەۆ باستاعان دەلەگاتسياسى پارتياارالىق بايلانىس ورناتۋ ماقساتىندا بريۋسسەلدە ءجۇر.
«اق جول» قدپ ءباسپاسوز قىزمەتى، 2011 جىلعى 1 جەلتوقسان
وسى كۇندەرى «اق جول» دەموكراتيالىق پارتياسى توراعاسىنىڭ ورىنباسارى ەرلان بارلىباەۆ باستاعان دەلەگاتسياسى بريۋسسەلدە ءجۇر.
پارتيا توراعاسىنىڭ ورىنباسارى ەرلان بارلىباەۆ اتاپ وتكەندەي: «بۇگىنگى تاڭدا ەۋروپانىڭ پارتيالىق قۇرىلىسىنداعى نەگىزگى ترەندتەردى جەتىك ءبىلۋىمىز ءۇشىن كەرەك. قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ توراعاسى بولدى. وسى رەتتە ءبىز قازاقستاندىق پارتيالىق جۇيەنى دە حالىقارالىق ستاندارتتارعا ساي جەتىلدىرگىمىز كەلەدى».
29 قاراشادا «اق جول» پارتياسىنىڭ دەلەگاتسياسى الدە گرۋپپ ليبەرالدار مەن دەموكراتتاردىڭ ەۋروپا ءۇشىن اليانسىنىڭ حالىقارالىق ىستەر، قاۋىپسىزدىك پەن قورعانىس، ينستيتۋتسيونالدىق بايلانىستار ءبولىمىنىڭ كەڭەسشىسى رەنالداس ۆايسبروداس مىرزامەن كەزدەستى. كەزدەسۋدە ازاماتتىق قوعام مەن پارتيالىق قۇرىلىس اياسىندا ءدىني ەكسترەميزممەن كۇرەس جانە الدىن الۋ شارالارى كەڭىنەن تالقىلاندى.
«بۇل باعىت بۇگىنگى تاڭدا قازاقستان ءۇشىن دە ماڭىزدى. ەكسترەميزم بارلىق ەلدەر ءۇشىن جاھاندىق قاتەرگە اينالىپ وتىر. بىزگە وسى تۇرعىداعى ەۋروپانىڭ تاجىريبەسى اسا قۇندى» دەدى، ەرلان بارلىباەۆ.
«اق جول» قدپ-نىڭ پارتيا توراعاسىنىڭ ورىنباسارى ەرلان بارلىباەۆ باستاعان دەلەگاتسياسى پارتياارالىق بايلانىس ورناتۋ ماقساتىندا بريۋسسەلدە ءجۇر.
«اق جول» قدپ ءباسپاسوز قىزمەتى، 2011 جىلعى 1 جەلتوقسان
وسى كۇندەرى «اق جول» دەموكراتيالىق پارتياسى توراعاسىنىڭ ورىنباسارى ەرلان بارلىباەۆ باستاعان دەلەگاتسياسى بريۋسسەلدە ءجۇر.
پارتيا توراعاسىنىڭ ورىنباسارى ەرلان بارلىباەۆ اتاپ وتكەندەي: «بۇگىنگى تاڭدا ەۋروپانىڭ پارتيالىق قۇرىلىسىنداعى نەگىزگى ترەندتەردى جەتىك ءبىلۋىمىز ءۇشىن كەرەك. قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ توراعاسى بولدى. وسى رەتتە ءبىز قازاقستاندىق پارتيالىق جۇيەنى دە حالىقارالىق ستاندارتتارعا ساي جەتىلدىرگىمىز كەلەدى».
29 قاراشادا «اق جول» پارتياسىنىڭ دەلەگاتسياسى الدە گرۋپپ ليبەرالدار مەن دەموكراتتاردىڭ ەۋروپا ءۇشىن اليانسىنىڭ حالىقارالىق ىستەر، قاۋىپسىزدىك پەن قورعانىس، ينستيتۋتسيونالدىق بايلانىستار ءبولىمىنىڭ كەڭەسشىسى رەنالداس ۆايسبروداس مىرزامەن كەزدەستى. كەزدەسۋدە ازاماتتىق قوعام مەن پارتيالىق قۇرىلىس اياسىندا ءدىني ەكسترەميزممەن كۇرەس جانە الدىن الۋ شارالارى كەڭىنەن تالقىلاندى.
«بۇل باعىت بۇگىنگى تاڭدا قازاقستان ءۇشىن دە ماڭىزدى. ەكسترەميزم بارلىق ەلدەر ءۇشىن جاھاندىق قاتەرگە اينالىپ وتىر. بىزگە وسى تۇرعىداعى ەۋروپانىڭ تاجىريبەسى اسا قۇندى» دەدى، ەرلان بارلىباەۆ.
بۇدان كەيىن سوتسيال-دەموكراتتار فراكتسياسىنىڭ ەۋروپارلامەنتتەگى دەپۋتاتى ليزا ياكونسااريمەن مازمۇندى اڭگىمە بولدى.
30 قاراشادا «اق جول» قدپ دەلەگاتسياسى الدە گرۋپپ فراكتسياسىنىڭ كەڭەيتىلگەن ماجىلىسىنە قاتىستى.
وسى كۇنى ەۋروپارلامەنت پەن ەۋروكوميسسيا عيماراتىندا بىرقاتار كەزدەسۋلەر ءوتتى. «اقجولدىقتار» ەۋروپارلامەنت دەپۋتاتى، Liberal International پرەزيدەنتى ۆان باالەن مىرزامەن، ەۋروپارلامەنت دەپۋتاتى، الدە گرۋپپ مۇشەسى، حالىقارالىق ىستەر جونىندەگى كوميتەت مۇشەسى نوريكا نيكولاي حانىممەن، ەۋروپارلامەنت دەپۋتاتى، «جاسىلدار» وكىلى، ەۋرووداقتىڭ ورتا ازياداعى ستراتەگياسى بويىنشا نەگىزگى بايانداماشى نيكول كيل-نيلسەن حانىممەن، ەۋروپارلامەنت دەپۋتاتى، الدە گرۋپپ مۇشەسى، ەۋرووداقتىڭ ورتا ازيا بويىنشا پارلامەنتتىك كوميتەتىنىڭ مۇشەسى ۆيليا ساۆيساار-تووماست حانىممەن جانە ەۋروپالىق كوميسسيانىڭ ورتا ازيا بويىنشا ءبولىمىنىڭ باسشىسى ۆيكتور مالدونادو مىرزالارمەن كەزدەستى.
بۇگىن پارتيالىق دەلەگاتسيا حورۆاتيانىڭ ەۋروپالىق وداققا كىرۋ ماسەلەسىنە ارنالعان ماجىلىسكە قاتىسادى.
«اق جول» پارتياسى بۇدان ءارى دە، پارتيالىق قۇرىلىس، سونداي-اق، ەل مەن قوعانىڭ ساياسي، ەكونوميكالىق جانە الەۋمەتتىك دامۋى جونىندەگى ماسەلەلەر اياسىندا، حالىقارالىق قاۋىمداستىقتارمەن تىعىز قارىم-قاتىناس ورناتىپ، تاجىريبە الماسىپ وتىرماق.
