الماتى. 2 جەلتوقسان. قازتاگ - قازاقستاندىق «جەتىگەن-قورعاس» تەمىر جولى مەن قىتايلىق تەمىر جول جۇما كۇنى توعىستى، دەپ «قازاقستان تەمىر جولى» ۇك اق باسپاسوقز قىزمەتىنەن حابارلادى.

الماتى. 2 جەلتوقسان. قازتاگ - قازاقستاندىق «جەتىگەن-قورعاس» تەمىر جولى مەن قىتايلىق تەمىر جول جۇما كۇنى توعىستى، دەپ «قازاقستان تەمىر جولى» ۇك اق باسپاسوقز قىزمەتىنەن حابارلادى.

حاباردا ايتىلعانداي، قازاقستان پرەمەر ءمينيسترىنىڭ ورىنباسارى - يندۋستريا جانە جاڭا تەحنولوگيالار ءمينيسترى اسەت ەسەكەشەۆ پەن قر كولىك جانە كوممۋنيكاتسيالار ءمينيسترى بەرىك قاماليەۆ، «قازاقستان تەمىر جولى» ۇك» اق پرەزيدەنتى اسقار مامين مەملەكەت باسشىسىنىڭ تاپسىرماسىمەن الماتى وبلىسىندا سالىنىپ جاتقان كولىك ينفراقۇرىلىمى نىساندارىنىڭ دايىندىعىن تەكسەردى.
نەگىزگى نىسانداردى ىسكە قوسۋ مەن تۇساۋكەسەر ءراسىمى بيىلعى جىلعى جەلتوقساننىڭ 9-ىندا يندۋستريا فورۋمى اياسىندا وتكىزىلەدى.
جوبانىڭ باسى قاسىندا قازاقستان مەن قىتايدىڭ باسشىلارى تۇردى. 2006 جىلعى جەلتوقساننىڭ 20-سىندا قازاقستان پرەزيدەنتى ن. نازارباەۆتىڭ قحر-نا مەملەكەتتىك ساپارى اياسىندا قر كولىك جانە كوممۋنيكاتسيالىر مينيسترلىگى مەن قحر تەمىر جول مينيسترلىگى اراسىندا قر مەن قحر تەمىرجولىن قورعاس (قر) ستانتسياسى مەن حورگوس (قحر) ارقىلى جالعاستىرۋ ءۇشىن قۇرىلىسىن جۇرگىزۋ تۋراسىنداعى مەموراندۋمعا قول قويىلدى.
بۇل جول قازاقستاننىڭ كولىك جۇيەسىن دامىتۋداعى رەسپۋبليكانىڭ ترانزيتتىك الەۋەتىن پايدالانۋدا ۇلكەن مۇمكىندىكتەرگە جول اشادى.
قۇرىلىس بارىسىندا بەس مىڭ جۇمىس ورنى اشىلدى. ول ىسكە قوسىلعاندا 2055 ادام تۇراقتى جۇمىسپەن قامتىلادى.
جول رەكوردتىق قىسقا مەرزىمدە سالىندى. ماگيسترالدىڭ قازاقستاندىق بولىگىن سالۋ 2009 جىلعى تامىزدىڭ 3-ىندە باستالعان بولاتىن. وسى مەرزىمدە وتاندىق مەردىگەرلىك ۇيىمدار 293 شاقىرىم جول سالدى.
5 ستانتسيا، 9 جول ايىرعى، 28 كوپىر، ەكى سۋاعار تۇرعىزدى. وپتيكالىق تالشىقتى بايلانىس جەلىسى تارتىلدى. التىنكول شەكارالىق ستانتسياسى مەن جول ايىرىقتارىندا قىزمەتتىك-تەحنيكالىق عيماراتتار تۇرعىزىلدى.
قازىرگى ۋاقىتتا الەۋمەتتىك نىساندار تۇرعىن ۇيلەر، بالاباقشالار، مەكتەپ، جاتاقحانالار، مەديتسينالىق ورىندار سالىنۋدا. «قتج» ۇك» اق پرەزيدەنتى قازاقستاننىڭ كولىكتىك-لوگيستيكالىق جۇيەسىن دامىتۋ تۇجىرىمداماسى مەن قتج بازاسىندا ىقپالداسقان كولىكتىك -لوگيستيكالىق وپەراتورلىق قىزمەتى تۋرالى باياندادى. مەملەكەت باسشىسىنىڭ تاپسىرماسىمەن سالىنىپ جاتقان نىسانداردىڭ دايىندىعىن تەكسەرۋ بارىسىندا «قورعاس» حالىقارالىق شەكارالىق ىنتىماقتاستىق ورتالىعىنىڭ جاياۋ جۇرگىنشىلەرگە ارنالعان وتكەلى اشىلدى. ول ارقىلى ەكى ەلدىڭ ازاماتتارى وتەتىن بولادى. جولدىڭ اشىلۋ راسىمىنە قىتاي تارابىنان قحر مەملەكەتتىك كەڭەسىنىڭ ۆيتسە-پرەمەرى چجان دەتسزيان قاتىستى.
2011 جىلى «قورعاس» حشىو نىساندارى ىسكە قوسىلدى. تاۋلىگىنە ون مىڭنان استام ادامدى وتكىزە الاتىن تەكسەرۋ-وتكىزۋ بەكەتى سالىندى. 23 شاقىرىمدىق اۆتوجول، اۆتوكوپىر، ءتورت تۋننەل، باسقا دا شەكارالىق- كەدەندىك ينفراقۇرىلىمعا قاجەتتى نىساندار تۇرعىزىلدى. ورتالىق ىسكە قوسىلعاننان باستاپ ينۆەستيتسيالىق جوبالاردى قارجىلاندىرۋ مەن تۋريستىك جوبالاردى جۇزەگە اسىرۋعا قولايلى احۋال جاسالعان.
«جەتىگەن-قورعاس» تەمىر جول جەلىسىنىڭ قۇرىلىسى اياقتالۋىنا وراي جانە «قورعاس» حشىو پايدالانۋعا بەرىلۋى بولاشاقتا «قورعاس- شىعىس قاقپاسى» يندۋستريالىق - لوگيستيكالىق حابتىڭ بەلگىلى ءبىر كەزەڭى بولىپ تابىلادى.
قىزمەت بابىنداعى تەكسەرۋ بارىسىندا قر پرەمەر ءمينيسترىنىڭ ورىنباسارى كولىكتىك ينفراقۇرىلىمنىڭ دايىندىعىنا جوعارى باعا بەردى، دەپ ايتىلعان ۆەدومستۆو ءباسپاسوز قىزمەتى تاراتقان حاباردا.