ءبارىمىز بىلەتىندەي تۇڭعىش پرەزيدەنت نۇرسۇلتان نازارباەۆ 2017 جىلى ساۋىردە «بولاشاققا باعدار: رۋحاني جاڭعىرۋ» اتتى ماقالاسىن جاريالادى. اتالعان ماقالادا ەلباسى «قازاقستانداعى 100 جاڭا ەسىم» جوباسىن ۇيىمداستىرىپ، بۇگىنگى كۇننىڭ ناعىز قاھارماندارىن انىقتاۋدى، ولاردىڭ يگى ىستەرىن ەلگە ۇلگى ەتۋدى ۇسىنعان بولاتىن. 

«مەن بۇگىنگى زامانداستارىمىزدىڭ جەتىستىكتەرىنىڭ تاريحىنا دا نازار اۋدارۋدى ۇسىنامىن. بۇل يدەيانى «قازاقستانداعى 100 جاڭا ەسىم» جوباسى ارقىلى ىسكە اسىرعان ءجون. «قازاقستانداعى 100 جاڭا ەسىم» جوباسى – تاۋەلسىزدىك جىلدارىندا تابىسقا جەتكەن، ەلىمىزدىڭ ءار وڭىرىندە تۇراتىن ءتۇرلى جاستاعى، سان الۋان ەتنوس وكىلدەرىنىڭ تاريحى. جوبادا ناقتى ادامداردىڭ ناقتى تاعدىرلارى مەن ءومىرباياندارى ارقىلى بۇگىنگى، زاماناۋي قازاقستاننىڭ كەلبەتى كورىنىس تابادى»، دەگەن ەدى نۇرسۇلتان نازارباەۆ.

«قازاقستاننىڭ 100 جاڭا تۇلعاسى» جوباسىن ءۇش جىلدان بەرى قر اقپارات جانە كوممۋنيكاتسيا مينيسترلىگى مەن قازاقستان حالىقتارى اسسامبلەياسى ۇيىمداستىرىپ كەلەدى. اتالعان جوبانى جوعارى دەڭگەيدە ۇيىمداستىرۋ ءۇشىن مەملەكەتتىك قۇرلىمداردان بولەك قوعام بەلسەندىلەرى دە جۇمىسقا بارىنشا اتسالىسىپ كەلەدى. سونىڭ ارقاسىندا جوبا ءار جىلى ءوز دەڭگەيىندە ءساتتى ءوتىپ ءجۇر.

قازاقستاندا ماڭداي تەرىمەن يگىلىك جاراتقان، ءوز ەڭبەگىمەن بيلىكتى باعىندىرعان جاندار از ەمەس. ولاردىڭ ءار ءىسى كوپكە ۇلگى، جۇرتقا ماقتانىش. وكىنشتىسى بۇعان دەيىن وسىنداي اسىل ازاماتتار قوعام نازارىنان تىس قالىپ ءجۇردى. ماڭداي تەرىمەن يگىلىك جاراتقاندار ەمەس، جىرتىڭ مەن جىلتىراققا اۋەس الدەكىمدەر قوعامنىڭ نازارىن اۋدارىپ، ەلدىڭ نازارىندا ءجۇردى. «قازاقستاننىڭ 100 جاڭا تۇلعاسى» جوباسى جاريالانعاننان كەيىن عانا ەڭبەگىمەن كوپكە ۇلگى بولارلىق جاستار جارقىراپ كورىنە باستادى.

اتالعان جوبانىڭ ارقاسىندا بەلگىلى جەتىستىككە جەتىپ، ناتيجە جاراتقاندار عانا ەمەس، وزىندىك ويلاۋ قابىلەتى بار، كوزقاراسى مەن ويى جاڭاشا جاستار دا ەل نازارىنا ىلىگە باستادى. ەلدىڭ ەرتەڭى، ۇلتتىڭ بولاشاعى بولعان جاستاردىڭ جەتىستىكتەرىن، جاقسىلىقتارىن دارىپتەۋدەن مەملەكەت ۇتپاسا، ۇتىلمايدى. جاستاردىڭ ۇلكەن مۇمكىندىكتەرىنە، جەتىستىككە جەتۋگە دەگەن قۇلشىنىستارىنا كوپ ءمان بەرىلسە، مەملەكەتتىڭ دامۋىنا دا ۇلكەن سەپتىگىن تيگىزەرى ءسوزسى.

«قازاقستاننىڭ 100 جاڭا تۇلعاسى» جوباسى ەلدەگى كارانتين كەزىندە دە توقتاپ تۇرعان جوق. ەلدە كارانتين جاريالانىپ، كوپتەگەن مادەني، رۋحاني شارالاردى كوزبە-كوز وتكىزۋ قيىندىق تۋدىردى. بىراق وسىنداي قيىن ساتتەردىڭ ءوز قاھارماندارى بولادى. حالىقتىڭ باس اماندىعى، دەنساۋلىعى ءۇشىن تىنباي جۇمىس ىستەپ جۇرگەن جاڭا قاھارمانداردى ەل الدىنا شىعارىپ، قۇرمەتتەۋ اۋاداي قاجەت قازىرگى تاڭدا.

«قازاقستان تەمىر جولى» ۇلتتىق كومپانياسى» كارانتين كەزىندە دە ەلباسىنىڭ باستاماسىنا ساي ۇيىمداستىرىلعان «قازاقستاننىڭ 100 جاڭا تۇلعاسىن» دارىپتەۋدى جالعاستىرىپ جاتىر. «قتج» ۇك» اكتسيونەرلىك قوعامى كومپانيانىڭ وتكەن جىلعى «100 جاس ەسىمى» بولعان جاس قىزمەتكەرلەرگە ونلاين ءبىلىم بەرۋ ساباعىن وتكىزدى. ونلاين وقۋعا كومپانيانىڭ ۇزدىك ءجۇز جاس تەمىرشولشى قاتىسىپ، ءبىلىم الدى.

جاس تەمىرجولشىلارعا «قازاقستاننىڭ 100 جاڭا تۇلعاسى» جوباسىنىڭ جەڭىمپازى، قازاقستاننىڭ ۆولەيبولدان جاستار قۇراماسىنىڭ كاپيتانى سەرىك ەسماتوۆ كەلىپ قاتىستى. ول كومپانيا قىزمەتكەرلەرىنە موتيۆاتسيالىق تاقىرىپتا سوباق ءوتتى. ال بوكستان وليمپيادا چەمپيونى سەرىك ساپيەۆ وتانسۇيگىشتىڭ جانە پاتريوتتىق باعىتىندا ءسوز سويلەدى.

جوعارىدا ايقانىمىزداي «قازاقستاننىڭ 100 جاڭا تۇلعاسى» جوباسىنىڭ ماڭىزى ەرەكشە. بۇل تۇپتەپ كەلگەندە قوعامدىق جوبا. ەل نازارىن اۋدارۋعا لايىق، يگى ءىسى جۇرتقا ۇلگى بولارلىق 100 تۇلعانى تاڭداپ شىعۋ قوعامنىڭ ەنشىسىندەگى ءىس. نە ءۇشىن قوعامنىڭ ءىسى دەپ وتىرمىز؟ ەڭ الدىمەن «قازاقستاننىڭ 100 جاڭا تۇلعاسى» حالىقتىڭ اراسىنان شىعادى. حالىقتىڭ اراسىندا قىزمەت ەتىپ جۇرگەن، ءوز بەتىنشە جاڭالىق اشىپ جۇرگەن ەلگە ەلۋلى ازاماتتاردىڭ كوپشىلىكتىڭ اراسىنان تاڭداپ الىنادى.

ەكىنشى جاعىنان، حالىقتىڭ اراسىنان تاڭداپ الىنان ۇزدىك ازاماتتاردى حالىق ءوزى باعالايدى. داۋىس بەرەدى. وسى ارقىلى ناعىز «قازاقستاننىڭ 100 جاڭا تۇلعاسىن» حالىقتىڭ ءوزى سارالاپ شىعارادى. سول ءۇشىن دە ءبىز بۇل جوبانى حالىقتىق جوبا، قوعامنىڭ ەنشىسىندەگى جوبا دەپ اتاپ وتىرمىز. ميلليون ادامدا ميلليون تاعدىر بولاتىنى سەكىلدى، جۇزدەن جۇيرىك، مىڭنان تۇلپار شىعىپ، «قازاقستاننىڭ 100 جاڭا تۇلعاسى» اتانعان ءاربىر ازاماتتىڭ وزىنە ءتان ەرەكشەلىگى بولادى. ولاردىڭ ىزگىلىككە تولى وزگەشە جولىن كوپشىلىككە، اسىرەسە جاستارعا ۇلگى ەتۋدىڭ ماڭىزى زور.

Abai.kz