ەلىمىزدە ءجيى ورىن الىپ جۇرگەن لاڭكەستىك ارەكەتتەردەن كەيىن ەل حالقى ءدال وسىنداي ساۋال قويۋعا ءماجبۇر بولىپ وتىر. سەبەبى، بۇگىندە ەشۋاقىتتا دا بەيبىت ماقساتقا قولدانىلماعان قارۋ-جاراق بالانىڭ ويىنشىعىنا اينالىپ كەتكەنى جاسىرىن ەمەس.

ەلىمىزدە ءجيى ورىن الىپ جۇرگەن لاڭكەستىك ارەكەتتەردەن كەيىن ەل حالقى ءدال وسىنداي ساۋال قويۋعا ءماجبۇر بولىپ وتىر. سەبەبى، بۇگىندە ەشۋاقىتتا دا بەيبىت ماقساتقا قولدانىلماعان قارۋ-جاراق بالانىڭ ويىنشىعىنا اينالىپ كەتكەنى جاسىرىن ەمەس.

ويتكەنى، قان-قاساپ قارۋدىڭ ءتۇر-ءتۇرى ۆاحابيتتەر عانا ەمەس، بەسىكتەن بەلى شىعىپ، اۋزىنان ەمشەك ءسۇتى كەپپەگەن ورىمدەي جاپ-جاس مەكتەپ وقۋشىلارىنىڭ قولىندا ءجۇر. سونىڭ ءبىر مىسالىنا شىمكەنت قالاسى مەكتەپتەرىنىڭ بىرىندە جاسوسپىرىمدەر اراسىندا ورىن العان قارۋلى قاقتىعىس وقيعاسىن كەلتىرۋگە بولار ەدى. ەڭ وكىنىشتىسى جازىقسىز جاستاردىڭ قانى توگىلىپ قانا قويماي، وتباسى مۇشەلەرىن بوزىنگەندەي بوزداتىپ، قاسىرەت-ءتى كوز جاسى دا اعۋ ۇستىندە. الايدا ماسەلەنىڭ سەبەبىمەن ەمەس، سالدارىمەن كۇرەسەتىن نەمقۇرايدىلىعىمىزعا باعىپ، ءالى كۇنگە بارماق شايناۋدان ارىلا الماي كەلەمىز. تارازدا ورىن العان قاندى قاساپحانادان كەيىن قۇزىرلى ورگاندار دا، قارۋ-جاراقپەن اينالىساتىن قاۋىمداستىق وكىلدەرى دە بۇل ماسەلەگە نەمكەتتىلىكپەن قاراماۋ كەرەك ەكەنىن ەندى عانا ۇعىنىپ، قىلمىستىق ءىس-ارەكەتتەردى بولدىرماۋدىڭ الدىن الۋعا جانتالاسىپ كىرىسىپ جاتقانى بايقالادى. جالعىز وكىنىشتىسى - تەك ادام قانى توگىلگەننەن كەيىن عانا. قۇقىق ورگاندارى تارازدىق لاڭكەسكە گراناتااتقىش قارۋدى ساتقان ادام تابىلىپ، ونىڭ قازاقستاندا ساتىپ الىنباعاندىعى انىقتالدى دەپ مالىمدەدى. سوعان قاراعاندا، بۇل قارۋلار ساياسي احۋالى اۋمالى-توكپەلى قىرعىزستان مەن تىم مازاسىز قاپ تاۋى وڭىرلەرىندەگى رەسپۋبليكالاردان اكەلىنىپ جاتقان سىڭايلى.

«قازاقستان-زامان» گازەتى