ەلدەگى قازىرگى جاعداي بەلگىلى. ونى ءسوز ەتۋدىڭ ءوزى ارتىق. ەڭ سوراقىسى قازاقستان ۇكىمەتى ەش نارسەگە دايار ەمەس ەكەندىگىن كورسەتتى. بىلىكسىزدىگىن تانىتتى. ال، مۇنداي ۇكىمەتتەن حالىققا نە قايىر؟ نە پايدا؟ بۇل جەكە اڭگىمە. الداعى جازبامىزدا ۇكىمەتتىڭ توتەنشە جاعداي جاريالانعان ناۋرىزدان بەرى اتقارعان تىرلىگىنە ارنايى توقتاپ، ساراپتاما جاسايمىز.

ازىرگە، مەملەكەتتىك قىزمەتكە توقتالايىق. تيىمدىلىگى قانشالىقتى؟ مەنىڭشە، ءماز ەمەس. ءبىر قىزىعى بىزدە مىناداي جازىلماعان قاعيدا بار كورىنەدى. جيىرما دا سەكسەن دەگەن. ماسەلەن كەز-كەلگەن مەملەكەتتىك دەڭگەيدەگى جوبا-باعدارلامالار نە ءبارى جيىرما پايىزعا عانا ورىندالادى. ال، قالعان 80 پايىز قايدا؟ بولىنگەن قارجى كىمنىڭ قالتاسىنا، كىمنىڭ جەمساۋىنا كەتتى؟ مىنە ماسەلە قايدا جاتىر؟ مەملەكەتتىڭ قۋاتىن ارتتىراتىن، ەلدىڭ ەڭسەسىن كوتەرەتىن تالاي يگى جوبالار وسىلاي اياق استى ەتىلۋدە. بۇعان كىم كىنالى؟ ارينە بىلىكسىز ۇكىمەت، مينيسترلەر، اكىم-قارالار. ولارعا مەملەكەت ءۇشىن اسا قاجەتتى جوبالاردىڭ 100 پايىز جۇزەگە اسقانى قاجەت ەمەس، ەڭ باستىسى ولاردىڭ كوكەيىندە سول جوبالارعا بولىنگەن قوماقتى قارجىنى قالايدا جىرىمداپ، جەپ قالۋ تۇراتىنى حاق. مۇنداي جاعدايدا، ەلدە ىلگەرىلەۋ بولا ما؟ ارينە جوق!

قايتپەك كەرەك؟ دەمەك6 ساياسي رەفورما قاجەت ەكەندىگى ءوز-وزىنەن كورىنىپ تۇر. ۇكىمەت تولىعىمەن وتستاۆكاعا كەتۋى ءتيىس. ونىڭ ورنىنا قاراقان باستىڭ جەكە مۇددەسى ەمەس، مەملەكەتتىڭ، ۇلتتىڭ مۇددەسىن ءبىرىنشى ورىنعا قوياتىن، حالىقپەن ەتەنە جۇمىس ىستەيتىن، بىلىكتى، ىسكەر، ءبىلىمدى جاستار كەلۋى ءتيىس. سوندا عانا ەكونوميكادا سەرپىن بولادى، حالىقتىڭ ەڭسەسى كوتەرىلەدى، الەۋمەتتىك ماسەلەلەر رەت-رەتىمەن شەشىلەدى. تۇرمىس تۇزەلەدى. ورتا جانە شاعىن كاسىپكەرلىك دۇرىس جولعا قويىلادى. سايىپ كەلگەندە پرەزيدەنت توقاەۆ وسىنداي قادامعا بارۋى ءتيىس. جەدەل تۇردە رەفورما جاسالعانى ءجون. ونسىز بولمايدى. وكىنىشكە قاراي توقاەۆ ونداي قادامعا بارا الماي وتىر. نەگە؟ كىم بوگەت؟

نەگىزى العاشىندا ۇكىمەتكە ەكى اپتا ۋاقىت بەردى. حالىق ەكونوميكامەن جۇمىس ىستەي الماعان، ىندەتپەن كۇرەسە الماعان ۇكىمەت ورنىنان كەتەدى دەپ كۇتكەن ەدى. الايدا ولاي بولمادى. «باياعى جارتاس، ءبىر جارتاس» دەگەندەي ۇكىمەت ورنىندا قالا بەردى. بۇل ۇلكەن قاتەلىك. توقاەۆ باعدات مۋسين، شىڭعىس مۇقان، ەرلان كاريننىڭ قىزمەتتەرىن اۋىستىرۋمەن تىندى. بۇلاردان نە قايىر؟ بۇلار ونسىزدا بۇرىنان شەنەۋنىكتەر. ولار ءبىر وزدەرىن تاۋكەلدىككە سالىپ، وليگارحتار جۇيەسىنە قارسى ىسكەرلىك تانىتا قويادى دەۋ ارتىق. حالىققا ۇكىمەتتىڭ تۇبەگەيلى وتستاۆكاعا كەتكەنى كەرەك. ال ونىڭ ورنىنا مۇلدە جاڭا حالىقتان تۇلعالار كەلگەنى ءجون. بالكىم سوندا عانا ەلدە سەرپىلىس بولۋى مۇمكىن دەپ ويلايمىن.