بەيرۋتتەگى كەشەگى جويقىن جارىلىس جايىندا ءتۇرلى جورامالدار ايتىلۋدا.

راسىندا دا سوڭعى 40 جىلدا كەزىندە "تاياۋ شىعىستىڭ ءپاريجى" سانالعان ليۆان استاناسى سىرتقى كۇشتەردىڭ تەپكىنىنەن كوز اشپاي كەلەدى. اقش فلوتىنىڭ بومبىلاۋى، ءيزرايلدىڭ باسقىنشىلىعى، سيريانىڭ تىزە باتىرۋى، يراننىڭ حەزبوللا مەن ءامال سياقتى ۇيىمدارى ارقىلى ارانداتۋى، پالەستينالىق بوسقىنداردىڭ شەكتەن شىققانى - نە كورمەدى بۇل ەل.

سۋننيت، شيت، درۋز، حريستيان، مارونيت، ت.ب. بولىپ جىككە بولىنگەن قوعامنىڭ ىشتەي الاۋىزدىعى دا تولاستاماي كەلەدى.

الايدا سوڭعى قاسىرەت تەررورلىق ارەكەتتەن گورى جەمقورلىق پەن لاۋازىم يەلەرىنىڭ سالدىر-سالاقتىعىنا، جاۋاپسىزدىعىنا كوبىرەك ۇقسايدى.

وتكەن جىلعى بىزدەگى ارىس وقيعالارى ەرىكسىز ەسكە تۇسەدى. جارىلىس بويىنشا تەرگەۋ ناتيجەسىن ءالى ەستي جاتارمىز.

دەسە دە كەي كەزدەرى قاۋىپ-قاتەردىڭ سىرتتان عانا ەمەس ىشتەن دە بولاتىنىن ۇمىتپاي، ونىڭ الدىن الۋ شارالارىن دەر كەزىندە قابىلداۋ كەرەك.

راسۋل جۇمالىنىڭ جازباسى

Abai.kz