قازاقستاندا كارانتين جەڭىلدەۋى مۇمكىن
قازاقستاندا كارانتين جەڭىلدەۋى مۇمكىن. بۇل تۋرالى دەنساۋلىق ساقتاۋ ءمينيسترى الەكسەي تسوي مالىمدەدى.
ۇكىمەت وتىرىسىندا ول كارانتيننىڭ بەس اپتاسىندا كوروناۆيرۋس جۇقتىرۋ كورسەتكىشى 100 مىڭ ادامعا شاققاندا 56,73 ادامنان 36,2-گە دەيىن تومەندەگەنىن ايتتى.
سونىمەن قاتار، تسوي ولىم-ءجىتىم كورسەتكىشى دە تومەندەگەنىن ايتتى.
«كارانتيندى جەڭىلدەتۋ قوعامدىق ورىنداردا ماسكا رەجيمى مەن گيگيەنانى قاتاڭ ساقتاي وتىرىپ، سونداي-اق بارلىق اقپاراتتىق ارنا بويىنشا حالىق اراسىندا اقپاراتتىق-ءتۇسىندىرۋ جۇمىستارىن قامتاماسىز ەتۋ ارقىلى جۇرگىزىلۋى ءتيىس»، - دەدى تسوي.
ايتا كەتەيىك، كارانتيندى كەزەڭ-كەزەڭىمەن جەڭىلدەتۋ بويىنشا قورىتىندى ۇسىنىس كوميسسيانىڭ بەيسەنبى، 13 تامىزدا وتەتىن وتىرىسىندا ايتىلادى.
Abai.kz
