ەڭبەك جانە حالىقتى الەۋمەتتىك قورعاۋ ءمينيسترىنىڭ اعاسى تيمۋرجان نۇرىمبەتوۆتىڭ قاماۋداعى مەرزىمى جىلدىڭ سوڭىنا دەيىن ۇزاردى، دەپ حابارلايدى Tengrinews.kz.

جامبىل وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ بۇرىنعى باسشىسى تيمۋر نۇرىمبەتوۆكە قاتىستى ءىس سوتقا قر قىلمىستىق كودەكسىنىڭ 366 جانە 128-بابى بويىنشا جولداندى.

ايتا كەتەيىك، نۇرىمبەتوۆتەن باسقا بۇل ءىس بويىنشا سوت الدىنا تاعى 5 ادام كەلدى. تيمۋر نۇرىمبەتوۆ 2020 جىلدىڭ 15 جەلتوقسانىنا دەيىن ءۇي قاماۋىندا بولادى. وسى ءىس بويىنشا باستى سوت وتىرىسى 2020 جىلدىڭ 30 شىلدەدە وتكەن بولاتىن. كەزەكتى سوت وتىرىسى 17 تامىزعا بەلگىلەندى.

تيمۋرجان نۇرىمبەتوۆ 1966 جىلى جامبىل وبلىسىندا دۇنيەگە كەلگەن. ماماندىعى بويىنشا ينجەنەر-تەحنولوگ.

2013 جىلى تيمۋرجان نۇرىمبەتوۆ جامبىل وبلىسى اكىمىنىڭ اپپارات باسشىسىنىڭ ورىنباسارى قىزمەتىندە بولعان. 2019 جىلدىڭ اقپانىنان باستاپ تيمۋرجان نۇرىمبەتوۆ ەڭبەكپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ باستىعى قىزمەتىن اتقارعان.

Abai.kz