سارسەنبى, 30 قىركۇيەك 2020
COVID-19 قازاقستاندا. جۇقتىرعاندار — 107908. جازىلعاندار — 102874. قايتىس بولعاندار — 1725
577 0 پىكىر 14 تامىز, 2020 ساعات 11:18

كوپ جايت تارتىپكە باعىنۋىمىزعا بايلانىستى

كوروناۆيرۋس ىندەتىنىڭ ەكىنشى تولقىنىنان قالاي وتەتىندىگىمىز ءوزىمىزدىڭ ءىس-ارەكەتىمىزگە بايلانىستى. مۇنداي پىكىردى قر پارلامەنتى ءماجىلىسىنىڭ دەپۋتاتى پاۆەل كازانتسەۆ ءبىلدىردى، دەپ حابارلايدى قازاقپارات.

«كارانتيننىڭ جەڭىلدەتىلۋمەن قاتار بەلگىلى ءبىر قاۋىپتەردىڭ كۇردەلەنە ءتۇسۋى قاتار جۇرەدى. كوروناۆيرۋسقا قاتىستى بۇل قاۋىپتەر مەملەكەتتىك قۇرىلىمعا نە بولماسا اۋرۋحانالارداعى توسەك-ورىنعا ەمەس، ادامنىڭ مەنتاليتەتىنە، ادامداردىڭ بايىپپەن نەمەسە ءجۇردىم-باردىم قاراۋىنا، ەلىمىزدە تۋىنداعان ورتاق پروبلەماعا ادامي بىرىگە بىلۋىنە بايلانىستى. ءدال وسى دەڭگەيدە، كوروناۆيرۋسقا قاتىستى قازىرگى جاعدايدا بۇل ۇلكەن قاۋىپ تۋىندايدى»،- دەدى ول.

وسى رەتتە ءماجىلىس دەپۋتاتى قاۋىپتى دەرتتى جۇقتىرىپ الماۋ ادامنىڭ وزىنە جانە تارتىبىنە بايلانىستى ەكەندىگىن ايتقان ەلباسىنىڭ ۇندەۋىنە تولىق قوسىلاتىندىعىن ءبىلدىردى.

«ەلباسى بىزگە ادامدار تارتىپكە، ءوزىن-ءوزى وقشاۋلاۋعا، بايلانىستاردى قىسقارتۋعا جاۋاپكەرشىلىكپەن قاراعان ەلدەردە ادامدار نارازىلىق تانىتاتىن، ماسكا تاعۋعا ماجبۇرلەيتىن ەلدەرگە قاراعاندا پروتسەستىڭ جەڭىل وتەتىندىگىن كورسەتىپ بەردى. ەلباسى ۇندەۋى دەر ۋاقىتىندا جاسالىپ وتىر ءارى وتە ماڭىزدى. تۇپتەپ كەلگەندە ءاربىر ادام بۇل سوزدەردى جەتە ءتۇسىنۋى قاجەت. ىندەت جۇقتىرىپ، وزگەلەرگە تاراتپاۋ ءۇشىن وزىڭە، ءوزىڭدى قورشاعان ورتاعا جاۋاپكەرشىلىكپەن قاراعان ءجون»، - دەدى ءماجىلىس دەپۋتاتى.

پاۆەل كازانتسەۆتىڭ ايتۋىنشا، ادامداردىڭ بارلىعى كوروناۆيرۋس ىندەتىنىڭ ەكىنشى تولقىنى ورىن الاتىندىعىن ءتۇسىنىپ وتىر. ال ونىڭ اۋىر الدە جەڭىل وتەتىندىگى بۇل پروبلەماعا ادامداردىڭ بايىپپەن قاراۋىنا بايلانىستى.

«كوروناۆيرۋس ىندەتىنىڭ ەكىنشى تولقىنىنان قالاي وتەتىندىگىمىز وزىمىزگە جانە تارتىبىمىزگە، ءىس-ارەكەتتەرىمىزگە بايلانىستى»، - دەدى ول.

ايتا كەتەيىك، كەشە قر دەنساۋلىق ساقتاۋ مينيسترلىگى 17 تامىزدان كەيىن كارانتين قالاي جەڭىلدەيتىنىن تۇسىندىرگەن ەدى.

Abai.kz

0 پىكىر