تارازداعى سپورت كەشەنىنە جاقسىلىق ۇشكەمپىروۆتىڭ ەسىمى بەرىلمەك
تارازداعى سپورت كەشەنىنە جاقسىلىق ۇشكەمپىروۆتىڭ ەسىمىن بەرۋ قاراستىرىلۋدا. بۇل تۋرالى جامبىل وبلىسى اكىمدىگى حابارلادى.
«تاراز-ارەنا» سپورت كەشەنىنە بەلگىلى سپورتشى، وليمپيادا چەمپيونى جاقسىلىق ۇشكەمپىروۆتىڭ ەسىمىن بەرۋ ۇسىنىلعان. جامبىل وبلىسى اكىمدىگى مەن ءماسليحاتىنىڭ بىرلەسكەن ۇسىنىسى وبلىستىق ءماسليحاتتىڭ كەزەكتەن تىس وتىرىسىندا ماقۇلدانىپتى.
وبلىس اكىمى بەردىبەك ساپارباەۆ جاقسىلىق ۇشكەمپىروۆتىڭ وتاندىق كۇرەس مەكتەبىنىڭ قالىپتاسۋى مەن دامۋىنا، قازاقستاندىق سپورتتىڭ جوعارى دەڭگەيگە كوتەرىلۋىنە قوسقان ۇلەسىن اتاپ ءوتىپ، حالىق قالاۋلىلارىنا بۇل باستامانى قولداعانى ءۇشىن العىس ايتقان.
«تاراز-ارەنا» سپورت كەشەنىن قايتا اتاۋ جونىندەگى ۇسىنىس رەسپۋبليكالىق ونوماستيكالىق كوميسسيانىڭ قاراۋىنا جىبەرىلەدى.
Abai.kz
