بەيسەنبى, 28 ناۋرىز 2024
دەپ جاتىر 15457 5 پىكىر 17 تامىز, 2020 ساعات 13:48

ايسۇلتاننىڭ قازاسى. شەتەلدىك باق نە جازىپ جاتىر؟

كەشەلى-بەرگى الەۋمەتتىك جەلىدەگى اڭگىمەنىڭ ءبىر پاراسى ايسۇلتان نازارباەۆتىڭ قازاسى تۋرالى بولدى. ول 16 تامىزعا قاراعان ءتۇنى لوندوندا قايتىس بولعان. ونىڭ ناقتى نەدەن قايتىس بولعانى جايلى رەسمي اقپارات جوقتىڭ-قاسى. كوپ بولجامنىڭ ءبىرى – جۇرەگى توقتاپ قالعان بولۋى مۇمكىن.

ايسۇلتان نازارباەۆ - قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ جيەنى. 1990 جىلى 26 تامىزدا قازاقستان نۇرسۇلتان نازارباەۆتىڭ ۇلكەن قىزى داريعا نازارباەۆا مەن راحات اليەۆتىڭ وتباسىندا دۇنيەگە كەلگەن.

ول استاناداعى «حالىقارالىق ۇزدىكسىز ءبىلىم بەرۋ كوللەدجىندە»، سونداي-اق اۆستريانىڭ «American International School» مەكتەپ-ينتەرناتىندا وقىعان. ۇلىبريتانيانىڭ «Royal Military Academy Sandhurst» وقۋ ورنىن بىتىرگەن. كيمەپ ۋنيۆەرسيتەتىنىڭ ماگيستراتۋراسىن «بيزنەس-اكىمشىلەندىرۋ» ماماندىعى بويىنشا تامامداعان.

2012 جىلى ول قازاقستان قورعانىس مينيسترلىگىنىڭ باس بارلاۋ باسقارماسىندا جۇمىس ىستەي باستادى، وندا ءبىر جىل قىزمەت ەتتى.

فۋتبولمەن اينالىسقان. 2016 جىلى استانالىق «راحات» كلۋبىنىڭ ساپىندا ەكى ماتچ وتكىزگەن، سونداي-اق قازاقستان جاسوسپىرىمدەر قۇراماسى قۇرامىندا ەۋروپا-2006 چەمپيوناتىنىڭ ىرىكتەۋ تۋرنيرىنە قاتىسقان. ستۋدەنت شاعىندا انگليانىڭ «چەلسي» جانە «پورتسمۋت» جاستار كوماندالارىندا ويناعان.

2017 جىلى قازاقستان فۋتبول فەدەراتسياسىنىڭ فيفا، ۋەفا حالىقارالىق ۇيىمدارى جانە ۇلتتىق قاۋىمداستىقتارمەن بايلانىس بويىنشا ۆيتسە-پرەزيدەنت قىزمەتىن اتقاردى.

ايسۇلتان نازارباەۆتىڭ قايتىس بولعانى تۋرالى اقپارات الەۋمەتتىك جەلىگە تاراسىمەن-اق، جۇرت ءارتۇرلى پىكىرلەر ايتا باستادى. الەمدىك دەپ اسىرەلەمەسەك تە، شەتەلدىك باق ءۇنسىز قالعان جوق. ايسۇلتاننىڭ قازاسىنا قاتىستى ءتۇرلى بولجامدار ايتىلۋدا. ونىڭ الەۋمەتتىك جەلىلەردە بۇرىن-سوڭعى سويلەگەن سوزدەرىن ساراپ قىلىپ، ءتۇيىن تۇيۋدە.

سونىمەن ايسۇلتان نازارباەۆتىڭ قازاسى تۋرالى شەتەلدىك باق نە جازىپ جاتىر؟ ءبىز ءبىر شولىپ شىقتىق... اعىلشىن، ورىس تىلدەرىندەگى ماتەريالداردىڭ دەنى رەسمي اقپاراتتارمەن نەمەسە بۇرىن الەۋمەتتىك جەلىدەردە تالقىلانىپ، ءتۇيىنى جاسالىپ قويعان مالامەتتەرمەن شەكتەلگەن. سولاردىڭ ءبىرسىپىراسى مىنە:

The Times of Central Asia: «قازاقستاننىڭ بۇرىنعى پرەزيدەنتىنىڭ نەمەرەسى لوندوندا قايتىس بولدى».

Reddit.com: «نازارباەۆتىڭ نەمەرەسى قايتىس بولدى».

Tass.com: «قازاقستاننىڭ ءبىرىنشى پرەزيدەنتى نازارباەۆتىڭ نەمەرەسى لوندوندا قايتىس بولدى».

The Telegraph: «قازاقستاننىڭ بۇرىنعى پرەزيدەنتىنىڭ نەمەرەسى ءوز وتباسىنداعى كوررۋپتسيا تۋرالى مالىمدەگەننەن بىرنەشە ايدان سوڭ لوندوندا قايتىس بولدى».

ال The Sun باسىلىمى: «سۋپەر اۋقاتتى «پلەيبوي» رەسەيدەگى كوررۋپتسيا تۋرالى ايتقاننان كەيىن قايتىس بولدى»، دەپ ماقالا جازىپتى.

ازاتتىق سايتىنىڭ ورىس قىزمەتى ايسۇلتاننىڭ قازاسى تۋرالى جەلى قولدانۋشىلارىنىڭ پىكىرىنە شول جاساپ، «باقىتسىز بالا» جانە «ءوز تەگىنىڭ تۇتقىنى» دەگەن تاقىرىپپەن ماتەريال جاريالاپتى.

BBC-ءدىڭ ورىس قىزمەتى ءوز ماتەريالىندا: «وتكەن جىلدىڭ قازانىندا ول ەسىرتكىنىڭ اسەرىمەن پوليتسەيگە قارسىلىق كورسەتىپ، ۇرىپ، تىستەپ العانى ءۇشىن لوندون سوتىمەن سوتتالعان. وعان شارتتى جازا تاعايىندالعان جانە ايىپپۇل سالىپ، ەسىرتكىدەن ايىقتىرۋ ورتالىعىندا ەمدەلۋدى مىندەتتەگەن.

كەيىن بەلگىلى بولعانداي، ايسۇلتان «Priory» دەيتىن اتاقتى جەكە كلينيكادا ەم قابىلداعان.

ايسۇلتاننىڭ ءوزى 2017 جىلى «فەيسبۋكتە» اكەسى، پرەزيدەنتتىڭ اۆسترياعا قاشىپ كەتكەن كۇيەۋ بالاسى، رەسمي مالىمەت بويىنشا تۇرمەدە ءوز-وزىنە قول سالعان راحات اليەۆتىڭ قازاسىنان كەيىن ەسىرتكىگە اۋەس بولا باستاعانىن مويىنداعان. ول كەزدە ايسۇلتان ءوزىنىڭ بۇل تاۋەلدىلىگىن جەڭۋگە «اتاسى مەن جاراتۋشى» كومەكتەسكەنىن ايتقان.

بىلتىرعى جىلدىڭ اقپانىندا ايسۇلتان نازارباەۆ «فەيسبۋكتە» بريتانيا بيلىگىنە قايرىلا سويلەپ، ساياسي باسپانا سۇراعان. ول كەزدە ايسۇلتان «ولاردىڭ ساراڭدىعى مەن تويىمسىزدىعىنا بايلانىستى» تۋىسقاندارىمەن ارا-قاتىناسى جاقسى ەمەس ەكەنىن ايتقان»، - دەپ جازعان.

ال gazeta.ru سايتى ايسۇلتاننىڭ لوندوندا «باس ساۋعالاپ» جۇرگەنىن شەگەلەپ ايتىپتى. سايت ءوز ماتەريالىندا: «ايسۇلتان نازارباەۆ ۇلىبريتانيادا ءوز وتباسىنان تىعىلىپ ءجۇردى. ول بىرىككەن كورولدىكتەن 2020 جىلدىڭ اقپانىندا ساياسي باسپانا سۇراعان»، - دەپ جازعان.

ايگىلى dw.com پورتالى دا ايسۇلتاننىڭ وتباسىمەن ارازدىعى تۋرالى جازعان. پورتال ءوز ماتەريالىندى: «ءوزىنىڭ «فەيسبۋك» پاراقشاسىندا ول قازاقستان مەن رەسەي بيلىگىنىڭ اراسىنداعى جوعارى ماسششتابتى كوررۋپتسيالىق جۇيە تۋرالى اقپاراتتى بىلەتىنىن، رەسەيلىك «گازپروم» ساتىپ الاتىن قازاقستاندىق گاز تۋرالى كەلىسىم بويىنشا «جاسىرىن كومپانيا» بارىن، ول جەردە 1,5 ميلليارد دوللاردىڭ اقشاسى اينالىمدا ەكەنىن جازعان. ول اقشا سينگاپۋر ارقىلى وتەتىنىن، رەسەي بيلىگى مەن «گازپروم» باسشىلارىنىڭ قالتاسىنا كەتىپ جاتقانىن، ال قازاقستاننىڭ ۇلەسى 700 ملن دوللار توڭىرەگىندە بولاتىنىن، ول سومانى تيمۋر قۇلىباەۆ پەن بۇرىنعى قايىناتاسى قايرات بورانباەۆ ءوزارا بولىسكە سالىپ وتىرعانىن جازدى»، - دەپتى.

نوۆايا گازەتا سايتى: «ايسۇلتان سوڭعى بىرنەشە ايدا الەۋمەتتىك جەلى ارقىلى پرەزيدەنت توقاەۆتان باستاپ قازاقستاندىق بيزنەسمەندەرگە، ساياساتكەرلەرگە قارسى سويلەي باستاعان.

ونىڭ سوڭعى جازباسى 17 شىلدەدە جازىلعان ەكەن. وندا «قازاقمىس» كورپوراتسياسىنىڭ باسشىسى، الەمنىڭ 500 اۋقاتتى ادامىنىڭ تىزىمىنە كىرەتىن ۆلاديمير كيمگە «قازاقستاننىڭ بايلاعىن ۇرلاۋدى توقتات» دەگەن تالاپ ايتىلعان.

وسىعان بايلانىستى ايسۇلتان نازارباەۆتىڭ قازاسىنىڭ استارىندا – كۇش قولدانۋ فاكتىسى بار دەپ توپشىلاۋعا بولا ما؟ 99% سەنىممەن – جوق دەپ ايتامىز»، - دەپ تۇيىندەپتى. ءارى قاراي، ءار جولى ەل-جۇرت قىزۋ تالقىلاعان ايسۇلتاننىڭ الەمجەلىدەگى ءارتۇرلى اڭگىمەلەرىنە شولۋ جاساپتى.

داريگا نازارباەۆا ۆىسكازالاس و سمەرتي سىنا | Tengrinews.kz

جوعارىدا ايتقانىمىزداي، ايسۇلتان نازارباەۆتىڭ قازاسى تۋرالى اقپارات اۋەلى الەۋمەتتىك جەلىدە جاريا بولدى. كەيىن بۇل اقپاراتتى ايسۇلتاننىڭ اناسى، قازاقستان سەناتىنىڭ بۇرىنعى توراعاسى داريعا نازارباەۆا راستادى. ول نۇرسۇلتان نازارباەۆ قورىنىڭ «فەيسبۋكتەگى» رەسمي پاراقشاسىندا جازبا جاريالاعان.

«ءبىزدىڭ وتباسىمىز سۇي̆ىكتى اي̆سۇلتانىمىزدىڭ دۇنيەدەن وزعانىنا باي̆لانىستى سارىلا قاي̆عىرۋدا. وسى قارالى كەزەڭدە حالاي̆ىق بۇل ورنى تولماس قازاعا قاتىستى تۇسىنىستىگى مەن ادەپتىلىگىن تانىتادى دەپ سەنەمىز», - دەپ جازعان داريعا نۇرسۇلتانقىزى.

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516