شۆەيتسارياداعى قانداستارىمىزدىڭ «KAZAKH – SWISS ASSOCIATION BIRLIK» بىرلەستىگى  «UNITED FOR HEALTH» ستيپەنديالىق باعدارلاماسىن جاريالادى. ستيپەندياعا قازاقستان رەسپۋبليكاسىنداعى مەديتسينا ستۋدەنتتەرى، جاس دارىگەرلەر مەن وزگە دە ماماندىق يەلەرى ۇمىتكەر بولا الادى. پاندەميا كەزىندە حالىق دەنساۋلىعىن قورعاپ، الدىڭعى شەپتەن كورىنگەن 18 بەن 35 جاس ارالىعىنداعى 45 ازاماتقا 100 مىڭ تەڭگە كولەمىندەگى ءبىر رەتتىك قارجىلاي كومەك بەرىلەدى. شاكىرتاقى ۆولونتەرلىك، اكادەميالىق، عىلىمي، كاسىبي، قوعامدىق ءارى ۆولونتەرلىك ءىس-ارەكەتتەردى ىنتالاندىرۋعا باعىتتالادى. قاتىسۋشىلار ەلىمىزدىڭ ءار وڭىرىنەن انىقتالادى.

ءوز بەتىمەن ءوتىنىش تاپسىرۋ ءۇشىن:

- مىنا سىلتەمە بويىنشا ونلاين-ءوتىنىش تولتىرۋ;

- ۇمىتكەردىڭ جەكە كۋالىگىنىڭ كوشىرمەسىن تىركەۋ;

- «پاندەميانىڭ قازاقستانداعى سىن-قاتەرلەرىن جەڭۋدەگى مەنىڭ ۇلەسىم»

تاقىرىبىنا قازاق نەمەسە ورىس تىلىندە جازباشا ۇندەۋدى تىركەۋ (ۇندەۋ جەكە

نەمەسە ۇجىمدىق تاجىريبەگە نەگىزدەلگەن جوبالار مەن باستامالاردىڭ يدەيالارىن قامتۋى ءتيىس);

- سەرتيفيكات، انىقتاما، جاريالانىم، ۇسىنىم حات سەكىلدى قوسىمشا قۇجاتتار جانە الەۋمەتتىك بەلسەندىلىك پەن ۆولونتەرلىكتى راستايتىن سىلتەمەلەردى تىركەۋ كەرەك;

2020 جىلى 31 تامىزعا دەيىن وتىنىشتەر قابىلدانىپ، قىركۇيەك ايىندا قورىتىندى ناتيجە حابارلانادى. سۇراقتار بويىنشا birlikswiss@gmail.com  ەل. پوچتاسىنا حات جازىپ، بىلە الاسىزدار.

Abai.kz