ءۇش پارلامەنتتىك فراكتسيا مەن قازاقستان حالقى اسسامبلەياسىنىڭ ءماجىلىس دەپۋتاتتارى ايماقتاردا تۇرعىندارمەن كەزدەسۋلەرىن جالعاستىرۋدا.

كەزدەسۋلەردىڭ باستى ماقساتى – مەملەكەت باسشىسىنىڭ الەۋمەتتىك باستامالارىن، سونداي-اق، كوروناۆيرۋس ىندەتى كەزىندەگى حالىقتىڭ كۇندەلىكتى ءومىر ءسۇرۋ جاعدايى تۋرالى بولدى.

ءماجىلىستىڭ اگرارلىق ماسەلەلەر كوميتەتىنىڭ توراعاسى بەرىك وسپانوۆ شىمكەنت قالاسىندا كاسىپكەرلەرمەن كەزدەسىپ، شاعىن جانە ورتا بيزنەستى قولداۋ ماسەلەسىن تالقىلادى.

سونىمەن قاتار، بەرىك وسپانوۆ «Taسساي» يندۋستريالدى ايماعىنا جانە «وڭتۇستىك» ەركىن ەكونوميكالىق ايماعىنا بارعان كەزدە مۇنداي كەزدەسۋلەردىڭ قازاقستاندىقتاردىڭ ءومىرىن جاقسارتۋ ءۇشىن ەل باسشىلىعى قويعان مىندەتتەردى شەشۋدىڭ ماڭىزدىلىعىن اتاپ ءوتتى.

دەپۋتات بەرىك وسپانوۆتىڭ ايتۋىنشا، بيزنەسكە جەڭىلدەتىلگەن نەسيە بەرۋ تاجىريبەسىن، شەتەلدەن اكەلىنەتىن كەيبىر ماتەريالدارعا باجدى تومەندەتۋ، سونداي-اق، كاسىپورىنداردى وندىرىستىك ينفراقۇرىلىممەن قامتاماسىز ەتۋ ماسەلەلەرىنە ەرەكشە ءمان بەرۋ كەرەك.

دەپۋتات كاسىپكەرلەردىڭ مەملەكەتتىك باعدارلامالاردى ىسكە اسىرۋدىڭ نەگىزگى باعىتتارى بويىنشا سۇراقتارىنا جاۋاپ بەرىپ، زاڭ جوبالارى تۋرالى جانە الداعى پارتياىشىلىك سايلاۋ تۋرالى، ياعني پرايمەريز تۋرالى ايتتى.

Abai.kz