قازاقستاننىڭ ەكس-پرەزيدەنتى - نۇرسۇلتان نازارباەۆ «يادرولىق سىناقتاردان ازات الەم ءۇشىن چەمپيون» مارتەبەسىنە يە بولدى. بۇل تۋرالى بىرىككەن ۇلتتار ۇيىمى باس اسسامبلەياسىنىڭ 29 تامىز حالىقارالىق يادرولىق سىناقتارعا قارسى ءىس-قيمىل كۇنىنە ارنالعان ارنايى سەسسياسىندا جاريالانعان.

«يادرولىق سىناقتارعا جاپپاي تىيىم سالۋ شارتى ۇيىمىنىڭ (ياسجتشۇ) اتقارۋشى حاتشىسى لاسسينا زەربو قازاقستاننىڭ يادرولىق قارۋسىز الەم قۇرۋداعى جاھاندىق كۇش-جىگەرگە جەتەكشىلىك كەزىندەگى ەرەكشە تاريحي ۇلەسىن ەسكەرە وتىرىپ، نۇرسۇلتان نازارباەۆقا جاڭا مارتەبە بەرۋ تۋرالى باستاما كوتەردى.

ەلباسىنىڭ 1991 جىلى 29 تامىزدا الەمنىڭ ەڭ ءىرى يادرولىق پوليگوندارىنىڭ ءبىرى – سەمەي يادرولىق پوليگونىن جابۋ تۋرالى شەشىمى ادامزات تاريحىنداعى بۇرىن-سوڭدى بولماعان يادرولىق سىناقتارعا العاشقى زاڭدى تىيىم رەتىندە عانا ەمەس، سونىمەن بىرگە حالىقارالىق كۇندى بەلگىلەۋ ءۇشىن ماڭىزدى نەگىز بولدى»، - دەيدى مينيسترلىكتەگىلەر.

Abai.kz