27 تامىزدا ۆلاديمير پۋتين الەمدەگى قازىرگى جاعداي تۋرالى «روسسيا 24» تەلەارناسىنا ۇزاق سۇحبات بەردى. رەسەي پرەزيدەنتى كەزەكتى سۇحباتىندا بەلارۋستەگى رەۆوليۋتسياعا جانە كوروناۆيرۋس پاندەمياسىنا قاتىستى ماسەلەلەرگە توقتالدى.

پۋتين كوتەرگەن ءبىرىنشى تاقىرىپ - بەلارۋس جاعدايى. ول رەسەي ۇكىمەتى كورشى مەملەكەتتە نە بولىپ جاتقانىن مۇقيات باقىلاپ وتىرعانىن، بىراق بۇل جاعدايعا ءالى بەلسەندى ارالاسپاعانىن اتاپ ءوتتى.

«مەنىڭ ويىمشا، ءبىز ءوزىمىزدى ەۋروپا ەلدەرىنە نەمەسە اقش-قا قاراعاندا ۇستامدى ۇستايمىز، بىراق ءبىز وندا بولىپ جاتقان وقيعالارعا بەي-جاي قارامايمىز»، - دەدى ول. رەسەي پرەزيدەنتى سونىمەن بىرگە بەلارۋستە سايلاۋعا از ۋاقىت قالعاندا 33 رەسەي ازاماتتارى قالاي وسى ەلگە بارعانى تۋرالى ايتتى.

ءپۋتيننىڭ سوزىنە قاراعاندا، بۇل ادامدار الدانعان: ولار باسقا ەۋروپا ەلدەرىنە بارۋى كەرەك ەدى، بىراق ارانداتۋشىنى ۇيىمداستىرۋشىلار ولاردى بەلارۋسكە «لاقتىرعان». پۋتين بۇل وپەراتسيانى ۋكراينا مەن امەريكانىڭ ارنايى قىزمەتتەرى ۇيىمداستىرعانىنا سەنىمدى.

پۋتين كوتەرگەن تاعى ءبىر ماسەلە - كوروناۆيرۋس پاندەمياسى. ونىڭ ايتۋىنشا، رەسەيدەگى جاعداي باقىلاۋعا الىندى، بىراق تۇرعىندار قىراعىلىق تانىتىپ، سانيتارلىق نورمالاردى ساقتاۋى كەرەك.

«قازىر دەمالىس ماۋسىمى. مۇنىڭ ءبارى كەيبىر ەلدەردە اۋرۋدىڭ ورشۋىنە الىپ كەلەدى. رەسەي الەمدەگى ەڭ تومەنگى ءولىم-ءجىتىم تىكەلگەن ەلدەردىڭ ءبىرى. بۇل ءبىزدىڭ دەنساۋلىق ساقتاۋ جۇيەسىنىڭ مۇمكىندىكتەرىنىڭ كورىنىسى. ءبىز ادامداردىڭ ءومىرىن الدىڭعى قاتارعا قويدىق. جۇمىلدىرۋ مەن كۇش-جىگەر بىزگە اۋرۋدىڭ شارىقتاۋ شەگىنەن وتۋگە كومەكتەستى. مەن ازاماتتاردان ۆيرۋستىڭ ءالى تولىق جويىلماعانىن ەستە ۇستاۋدى سۇرايمىن»، - دەدى پۋتين

كوروناۆيرۋستىق ەپيدەميا بارلىق ەلدەردىڭ ەكونوميكاسىنا كەرى اسەرىن تيگىزدى، رەسەي دە بۇل جاعدايدان تىس قالمادى. الايدا، رەسەي پرەزيدەنتى ەڭ قيىن كەزەڭنىڭ وتكەنىنە سەنىمدى، سوندىقتان الداعى ايلاردا ەل ءوزىنىڭ ەكونوميكالىق الەۋەتىن ارتتىرادى.

«بۇكىل الەمدىك ەكونوميكا ەپيدەميانىڭ اۋىر زارداپتارىنا تاپ بولدى. 2008 جىلى ءجىو-ءنىڭ تومەندەۋى 0,1% بولعان، ال قازىر ول شامامەن 5%-دى قۇرادى. ايىرماشىلىق وتە ۇلكەن! بۇگىنگى كۇنى ءبىزدىڭ ەلدە ينفلياتسيان 3,4-3,41% قۇرادى. بارلىق قيىندىقتارعا قاراماستان، رەزەرۆتەر ءوسىپ كەلەدى جانە بۇل سەنىمدىلىكتى تۋدىرادى. ءبىزدىڭ ماسەلەلەرىمىزدىڭ قيىن كەزەڭى ءوتتى جانە بىرتىندەپ قالىپقا كەلە باستايمىز دەپ ۇمىتتەنەمىن»، - دەپ اتاپ ءوتتى رەسەي پرەزيدەنتى.

كەرىمسال جۇباتقانوۆ

Abai.kz