جۇما, 29 ناۋرىز 2024
بيلىك 2136 0 پىكىر 16 قىركۇيەك, 2020 ساعات 11:34

مامين توقاەۆقا ەسەپ بەردى

قاسىم-جومارت توقاەۆ ۇكىمەت باسشىسىنىڭ بيىلعى قاڭتار-تامىز ايلارى ارالىعىنداعى ەلىمىزدىڭ الەۋمەتتىك-ەكونوميكالىق دامۋ قورىتىندىلارى تۋرالى ەسەبىن تىڭدادى.

پرەمەر-مينيستر سەگىز ايدا قايتا وڭدەۋ ونەركاسىبىندەگى ءوسىم 3,3%-عا، ونىڭ ىشىندە ماشينا جاساۋ – 16,3%-عا،  كولىك قۇراستىرۋ – 51,8%-عا، سونداي-اق فارماتسەۆتيكا –34,1%-عا، جەڭىل ونەركاسىپ – 11%-عا، حيميا ونەركاسىبى – 3,1%-عا جانە دايىن مەتال ونىمدەرىن شىعارۋ – 18,8%-عا وسكەنىن مالىمدەدى.

2020 جىلى يندۋستريالاندىرۋ كارتاسى اياسىندا، جالپى سوماسى 996 ملرد تەڭگە بولاتىن 206 جوبانى ىسكە قوسۋ جوسپارلانعان. بۇل ءوندىرىس كولەمىن 1,3 ترلن تەڭگەگە، ەكسپورتتى 325 ملرد تەڭگەگە ارتتىرۋعا جانە 19 مىڭعا جۋىق جاڭا جۇمىس ورىندارىن اشۋعا مۇمكىندىك بەرەدى.

قۇرىلىس كولەمى – 6,5%-عا، تۇرعىن ءۇيدى پايدالانۋعا بەرۋ – 6,4%-عا نەمەسە 8,1 ملن شارشى مەترگە ارتتى. جىل باسىنان بەرى 71 مىڭ جاڭا ءۇي سالىندى، بۇل وتكەن جىلمەن سالىستىرعاندا 8,6%-عا ارتىق.

اۋىل شارۋاشىلىعىنداعى تۇراقتى ءوسىم 4,9% قۇرادى، ازىق-تۇلىك ءوندىرىسىنىڭ كولەمى 3,6%-عا ارتتى.

اسقار ءماميننىڭ ايتۋىنشا، قابىلدانعان شارالار ناتيجەسىندە الەۋمەتتىك ماڭىزدى تاۋارلار باعاسىنىنىڭ ارتۋىن 4,4% دەڭگەيىندە ۇستاپ تۇرۋعا مۇمكىندىك بەردى، بۇل وتكەن جىلدىڭ كورسەتكىشتەرىمەن سالىستىرعاندا ەكى ەسە (8,7%) تومەن.

جىل باسىنان بەرى مەملەكەتتىك باعدارلامالار اياسىندا 874 مىڭ ادام جۇمىسپەن قامتىلعان، وتكەن جىلمەن سالىستىرعاندا بۇل كورسەتكىش 82,1%-دان اسادى.

مەملەكەت باسشىسى كەزدەسۋ قورىتىندىسى بويىنشا تۇرعىنداردى جۇمىسپەن قامتۋ، كاسىپكەرلىك سۋبەكتىلەرىنە قولداۋ كورسەتۋ، ءوندىرىس ۇدەرىستەرىنە جاڭا تەحنولوگيالار ەنگىزۋ، ەپيدەميولوگيالىق جاعدايدى تۇراقتاندىرۋ مەن كارانتين تالاپتارىن بىرتىندەپ جەڭىلدەتۋ ماڭىزدى ەكەنىن اتاپ ءوتتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616