الگىندە قازاقستاننان ءبىر توپ ساياساتشى ارنايى ۋكرايناعا بارعانىن بىلەسىزدەر. وندا گۇرجىستاننىڭ ەكس-پرەزيدەنتى، قازىر ۋكراينا پرەزيدەنتى ۆلاديمير زەلەنسكيگە كومەكشى بوپ جۇرگەن ميحايل سااكاشۆيليمەن كەزدەسىپ، ءبىرى اقىل الىپ، ەندى بىرەۋلەرى كەرىسىنشە، كەڭەس بەرىپ، جيىن جاساپ قايتقان ەدى. 

ال كەشە تانىمال قازاق كاسىپكەرى، قوعام بەلسەندىسى مارعۇلان سەيسەمباي ۋكراينا پرەزيدەنتى ۆلاديمير زەلەنسكي جانە ۋكراينانىڭ رەفورما جونىندەگى ۇلتتىق كەڭەسىنىڭ باسشىسى ميحايل سااكاشۆيليمەن كەزدەسكەنىن، ءوز ۇسىنىستارى ۋكراين پرەزيدەنتىنىڭ كوڭىلىنەن شىققانىن جانە جاڭا جۇمىسقا كىرىسكەنىن مالىمدەگەن ەدى.

مارعۇلان سەيسەمباي الداعى ۋاقىتتا ۋكرايناداعى ومىرىنەن جازبالار جاريالاپ وتىرۋعا ۋادە بەرگەن. ول ءبىرىنشى كەزەكتە كوشى-قونمەن بايلانىستى تۇرمىستىق شارۋالارىن شەشىپ، جۇمىستى جوسپارلاپ، كوماندا جيناۋى كەرەكتىگىن جازىپتى. سونداي-اق، وقىرماندارىنان وسى مالىمدەمەنى ساياسيلاندىرماۋدى سۇراعان.

سونىمەن مارعۇلان سەيسەمباي نە ءۇشىن ۋكرايناعا كەتتى؟ ونىڭ جاڭا قىزمەتىنە قاتىستى جەلى قولدانۋشىلارى نە جازىپ جاتىر؟ ءبىز ءبىر شولىپ شىقتىق.

مارعۇلان سەيسەمباي: جۇمىسىمدى ساياسيلاندىرماۋدى سۇرايمىن!

اۋەلى ءوز جازباسى:

«بۇگىن ۋكراينانىڭ پرەزيدەنتى ۆلاديمير زەلەنسكيمەن كەزدەستىم. ونىمەن جانە ونىڭ كومانداسىمەن ءبىر ساعاتتاي اڭگىمەلەستىك. مەن ونى رەفورمالاردى ەندىرۋ پروتسەسى مەن زاڭ شىعارۋ سالاسىنىڭ تيىمدىلىگىن ارتتىرۋ بويىنشا ۇسىنىستارىممەن تانىستىردىم. وعان ءبارى قاتتى ۇنادى. پرەزيدەنت ايتقاندارىمنىڭ ءبارى قاجەت ءارى ماڭىزدى ەكەنىن العا تارتتى دا، مۇنىڭ بارلىعى «كەشەدەن» بەرى كەرەك بولعانىن ايتتى. تەزدەتۋدى سۇرادى. مەن جۇمىسقا دەرەۋ كىرىسۋگە ۋادە ەتتىم. سول سەبەپتى الداعى ۋاقىتتا قازاقستانىما ورالا المايمىن. وسى جەردە ۇزاق ۋاقىتقا قالىپ قوياتىنىمدى سەزىپ تۇرمىن. جۇمىس كوپ، قىزىق ءارى ءبىراز تەر توگۋدى قاجەت ەتەتىن جۇمىس.

زەلەنسكي ماعان ادام رەتىندە قاتتى ۇنادى. اشىق، تارتىمدى، سىپايى ەكەن. ادامدى وتە مۇقيات تىڭدايدى. ەلى ءۇشىن جانى قاتتى اشيدى.

ارا-اراسىندا ۋكرايناداعى ومىرىمنەن جازبالاردى جاريالاپ وتىراتىن بولامىن. قازىر كوپتەگەن تۇرمىستىق شارۋالاردى شەشىپ، جۇمىستى جوسپارلاپ، كوماندا جيناۋ كەرەك.

P.S. جازىلماندارىم مەن دوستارىمنان جۇمىسىمدى ساياسيلاندىرماۋدى سۇرايمىن، بىلاي دا بوت فەرمالارى مەن انونيم تەلەگرام-كانالدار قوزىپ جاتىر. مەن مۇندا ۋكرايناعا جاردەمدەسەم. ءتۇرلى-ءتۇستى رەۆوليۋتسيالاردى ەكسپورتتاۋ، وپپوزيتسيالىق ارەكەت تۋرالى ءسوز بولىپ وتىرعان جوق. مەن بۇل جەردە سۇيىكتى ءىسىم - پروتسەستەردىڭ تيىمدىلىگىن ارتتىرۋمەن اينالىسۋدامىن. بۇل مەن ءۇشىن - كاسىبي سىناق. بيزنەستە مۇنى تالاي رەت ەندىردىم، ەندى مەملەكەتتىك اپپاراتتىڭ جۇمىسىنا ەندىرگىم كەلەدى»، - دەپ جازدى مارعۇلان.

جەلى قولدانۋشىلارى:

ميحايل سااكاشۆيلي: «ازىرگە كيەۆتە ءوز مىندەتىمدى ورىنداۋدامىن. بۇگىن پرەزيدەنت زەلەنسكيمەن، ونىڭ اكىمشىلىگىنىڭ باسشىسىمەن جانە پارلامەنت باسشىسىمەن ۇلتتىق رەفورمالار كەڭەسى جونىندە كەڭ كولەمدى تالقى بولدى. بۇل ءالى دە ۋكراينا پرەزيدەنتى اكىمشىلىگىنىڭ بەسىنشى قاباتىنىڭ، ياعني مەنىڭ كابينەتىمنىڭ كورىنىسى. بۇل جەردەن كيەۆ ادەمى كورىنەدى»، - دەپ جازىپتى.

مۇرات ابەنوۆ: «ىسكە ءسات ! ءوز ەلىمىزگە دە پايداسى ءتيسىن، ءسىزدىڭ ۋكراينادا جيناعان تاجىريەبەڭىز!»، - دەپتى.

ماحات سادىق: «كۇلشەلى بالا – سۇيكىمدى»، دەگەن وسى»، - دەيدى.

جومارت ايتقازى: «ميحو ءوز ەلىنە قايتقان سوڭ، كيەۆتەگى ورنىنا مارعۇلاندى قالدىراتىن سياقتى»، - دەپ جازىپتى.

ەرمەك دۇيسەنقوجا: «عاجاپ ءارى جىلى سۋرەت رەتىندە قابىلدادىم. مارعۇلان اعانىڭ بۇل شەشىمىن شىنايى دەموكراتيالىق ءارى ۇلتتىق مەملەكەت قۇرۋعا تالپىنعان ۋكراينانىڭ تاجىربيەسى مەن جەتىستىكتەرىن جادىنا ءتۇيىپ قايتۋعا ۇمتىلعان ارەكەتى دەپ تۇسىنەم. قازاقتا «قولدا باردا التىننىڭ قادىرى جوق» دەگەن اتالى ءسوز بار عوي. تالاي-تالاي مىقتى مامانداردىڭ شەتەلگە كەتىپ جاتقانى - وسى ءسوزدىڭ بۇگىنگى كورىنىسى. بىرنەشە رەت سوتقا سۇيرەلىپ، شەتەلگە كەتۋگە ءماجبۇر بولىپ، ءباربىر تۋعان ەلگە ورالعان اعانىڭ ازاۋلىدا قالىپ قويادى دەگەنگە ءوز باسىم سەنبەيمىن. ۋكرايننىڭ توبەسىندە تۋعان جارىق كۇن، ەرتەلى-كەش پە ءبىزدىڭ اسپانىمىزدا دا تۋادى»، - دەپتى.

شىنقۋات بايجانوۆ: «وزگە ەلدە سۇلتان بولعانشا، ءوز ەلىڭدە ۇلتان بول! اداسساڭ دا ءوز حالقىڭمەن اداس، حالقىڭ بال جالاسا، بال جالا، ۋ ىشسە، ۋ ءىش. ەر ازامات ءوز حالقىنىڭ بوستاندىعى ءۇشىن كۇرەسۋى كەرەك، ەگەر سانالى ازاماتتارى قيىندىقتان قاشىپ باس پايداسىن ويلاپ ەلىن تاستاپ كەتسە، ول ەلدىڭ بولاشاعى بۇلىنعىر بولادى»، - دەپتى.

باقىتبەك بەكمۇراتۇلى: «مارعۇلان سەيسەمباي قازاقتىڭ ۇلتجاندى ءبىر ىسكەر ازاماتى. وسىنداي ۇل مەن قىز قازاقتا بارشىلىق. وكىنىشتىسى، ولار قازىرگى جەمقور بيلىكتەن جيىركەنگەن، جەرىنگەن. وتىرىگىنە تويعان. قوقاڭ-لوقىسىنان قاجىعان. ەندى ولار وزدەرىندەگى ومىرشەڭ يدەيانى جات جەردە جۇزەگە اسىرۋعا ءماجبۇر. كۇندەردىڭ ءبىر كۇنى وسىنداي ۇلتجاندى ازاماتتار قازاقتىڭ ازات دالاسىنا اڭقىلداپ ورالار دەگەن ءالسىز ءۇمىت بار بۇگىنگى ەلدىڭ جۇرەگىندە...»، - دەپتى.

ەرلان ستامبەكوۆ: «وچەن ينتەرەسنو! يسكرەننە جەلايۋ ۋسپەحا! ۋسپەح رەفورم ۆ ۋكراينە وچەن ۆاجەن نە تولكو ساموي ۋكراينە... پو موەمۋ منەنيۋ، سەگودنيا تام وپرەدەلياەتسيا بۋدۋششەە ۆسەي ەۆرازي. ليچنو منە بى وچەن حوچەتسيا چتوبى ۋكراينا ناكونەتس پودنيالاس ۆ پولنىي روست!»، - دەپتى.

گۇلجان ەرعاليەۆا: «كاكوي بى سترانە توجە پوموچ؟ سۆويا ۋجە ستالا ماچەحوي...»، - دەيدى.

نۇرمۇحاممەد دوسىباەۆ: «ەكى ەل باسشىسىنىڭ قۇرمەتىنە بولەنىپ ەكى قاناتىنا الىپ وتىرعان قازاقتىڭ ءبىلىمدى دە بىلىكتى جىگىتى – مارعۇلان سەيسەمباي!  وز ەلىمىز بەن قوعامىمىز وزىڭىزدەي، ويىن اشىق ايتىپ قانا ەمەس ناقتى ءارى پايدالى ىستەرىمەن دە ەرەكشەلەنەتىن، ەل-ازاماتتاردى قادىرلەيتىن ۋاقىت ءالى كەلەدى دەپ ۇمىتتەنەمىن. ساتتىلىك جولداسىڭىز بولسىن!»، - دەپتى.

ەرقانات كوپجاسار: «زەلەنسكيگە ءۇندىنىڭ چاكرابارتيىنەن قازاقتىڭ مارعۇلانى ماڭىزدىراق»، - دەپ جازىپتى.

Abai.kz