سەيسەنبى, 27 قازان 2020
COVID-19 قازاقستاندا. جۇقتىرعاندار — 110542. جازىلعاندار — 105675. قايتىس بولعاندار — 1796
1975 0 پىكىر 1 قازان, 2020 ساعات 16:15

وزبەكستان 1 قازاندا بارلىق حالىقارالىق جولدى اشتى

1 قازاندا وزبەكستان اۋە، تەمىر جول جانە اۆتوجولدارىن اشتى. وتكىزۋ بەكەتتەرىندە سانيتاريا تالاپتارى ساقتالۋى ءتيىس. مۇنداي شەشىمدى 17 قىركۇيەكتە رەسپۋبليكالىق ارنايى كوميسسيا قابىلداعان.

بۇل ۋاقىتتا، وزبەكستاننىڭ سىرتقى ىستەر مينيسترلىگى 29 قىركۇيەكتە رەسەي-قازاقستان مەملەكەتتىك شەكاراسى 1 قازاندا اشىلادى دەگەن مالىمەتتى جوققا شىعاردى. رەسەيدەگى وزبەك ازاماتتارى قازاقستان ارقىلى ەلگە ورالعىسى كەلگەن.

وزبەكستانعا كىرۋ تارتىبىنە سايكەس، 1 قازاندا وزبەكستانعا قازاقستاننان، تۇركىمەنستاننان، تاجىكستاننان جانە اۋعانستاننان شەكاراداعى اۆتوجولمەن باقىلاۋ-وتكىزۋ بەكەتتەرى ارقىلى كىرەتىن ازاماتتار كوروناۆيرۋس بار-جوعى تۋرالى انىقتاما كورسەتۋى ءتيىس. ودان سوڭ ولار ۇيدە نەمەسە قوناق ۇيدە 14 كۇن كارانتيندە وتىرۋى كەرەك.

"جاسىل ايماقتاردا" (قىتاي، تايلاند، مالايزيا، وڭتۇستىك كورەيا، گرۋزيا، ۆەنگريا، فينليانديا، لاتۆيا، اۆستريا جانە جاپونيا) 14 كۇن بولعان ازاماتتار وزبەكستان اۋماعىنا ەركىن كىرەدى.

Abai.kz

0 پىكىر