ءبىز بار عوي، مىنا ءبىز، ادامداردى ايتامىن،  و باستان ەڭبەكتەپ جۇرەتىن بولساق. جەر بەتىندەگى جىبىرلاعاننىڭ ءبارى ەڭبەكتەپ جۇرەدى دەگەنىم عوي. قۇداي ءبىزدى  تۇرەگەپ جۇرۋگە جاراتپاعان... مۇنى نەگە ايتىپ وتىرمىن دەسەڭىزشى، قازىر شىرەنىپ جۇرگەن شەنەۋنىكتەر مەن بايلاردىڭ  كوبى قۇدايمەن «امانداسىپ»، بىرگە جۇرگەن كورىنەدى... جەرگە جاقىنداعىلارى كەلمەيدى. جەر باسىپ ءجۇرىپ، جەردى مەنسىنبەيدى.

سوىنىمەن، ادامدار ەڭبەكتەپ ءجۇر. بۇرىن اياقتارىڭىزعا عانا اياق كيىم الاتىن ەدىڭىزدەر عوي، ەندى ەڭىرەپ وتىرىپ،  ەكى قولىڭىزعا دا جازدا تۋفلي، قىستا ەتىك ساتىپ الاسىز...  كەدەيلەرگە قيىن ەندى... جالاڭ اياق دەمەكشى، جالاڭ قول جۇرگەندەردى كورىپ، جانىمىز اشيدى. ەكى تىزەڭىز و باستان شەگە ۇرىپ كىرگىزە المايتىنداي قاپ-قاتتى، مۇيىزدەنگەن بولسا...  نە كەرەك، ەڭبەكتەپ ءجۇرمىز. جەرگە جاقىنبىز. مىسالى، كورشىڭىزدەن ءۇي بەتىن كورمەيتىن، كىم كورىنگەنمەن اتىسىپ جۇرگەن بالاڭىزدى سۇرايسىز.

- مەنىڭ بالامدى كوردىڭ بە؟

- انا-اۋ، ەڭبەكتەپ بارا جاتقان ءسىزدىڭ بالاڭىز ەمەس پە؟

- جوق، كەيىنگى كەزدە بالام باۋىرمەن جورعالاپ ءجۇر...

نەمەسە، ەكى شەنەۋنىك قاتار ەڭبەكتەسىپ بارادى.

- سايلاۋ قالاي ءوتتى؟

- بيۋللەتەن تاستايتىن جاشىكتى وتە بيىك جاساپ قويىپتى. ەڭبەكتەگەندەردىڭ بويلارى جەتپەي جاتىر.

- وپپوزيتسياعا ادەيى جاساعان عوي، بيلىككە قولدارىن سوزباسىن دەپ...

ءبىز بار عوي، مىنا ءبىز، ادامداردى ايتامىن،  و باستان ەڭبەكتەپ جۇرەتىن بولساق. جەر بەتىندەگى جىبىرلاعاننىڭ ءبارى ەڭبەكتەپ جۇرەدى دەگەنىم عوي. قۇداي ءبىزدى  تۇرەگەپ جۇرۋگە جاراتپاعان... مۇنى نەگە ايتىپ وتىرمىن دەسەڭىزشى، قازىر شىرەنىپ جۇرگەن شەنەۋنىكتەر مەن بايلاردىڭ  كوبى قۇدايمەن «امانداسىپ»، بىرگە جۇرگەن كورىنەدى... جەرگە جاقىنداعىلارى كەلمەيدى. جەر باسىپ ءجۇرىپ، جەردى مەنسىنبەيدى.

سوىنىمەن، ادامدار ەڭبەكتەپ ءجۇر. بۇرىن اياقتارىڭىزعا عانا اياق كيىم الاتىن ەدىڭىزدەر عوي، ەندى ەڭىرەپ وتىرىپ،  ەكى قولىڭىزعا دا جازدا تۋفلي، قىستا ەتىك ساتىپ الاسىز...  كەدەيلەرگە قيىن ەندى... جالاڭ اياق دەمەكشى، جالاڭ قول جۇرگەندەردى كورىپ، جانىمىز اشيدى. ەكى تىزەڭىز و باستان شەگە ۇرىپ كىرگىزە المايتىنداي قاپ-قاتتى، مۇيىزدەنگەن بولسا...  نە كەرەك، ەڭبەكتەپ ءجۇرمىز. جەرگە جاقىنبىز. مىسالى، كورشىڭىزدەن ءۇي بەتىن كورمەيتىن، كىم كورىنگەنمەن اتىسىپ جۇرگەن بالاڭىزدى سۇرايسىز.

- مەنىڭ بالامدى كوردىڭ بە؟

- انا-اۋ، ەڭبەكتەپ بارا جاتقان ءسىزدىڭ بالاڭىز ەمەس پە؟

- جوق، كەيىنگى كەزدە بالام باۋىرمەن جورعالاپ ءجۇر...

نەمەسە، ەكى شەنەۋنىك قاتار ەڭبەكتەسىپ بارادى.

- سايلاۋ قالاي ءوتتى؟

- بيۋللەتەن تاستايتىن جاشىكتى وتە بيىك جاساپ قويىپتى. ەڭبەكتەگەندەردىڭ بويلارى جەتپەي جاتىر.

- وپپوزيتسياعا ادەيى جاساعان عوي، بيلىككە قولدارىن سوزباسىن دەپ...

ەڭبەكتەپ ءجۇرۋ دەگەنىڭىز، ءتىپتى كۇلكىلى ەمەس. و باستان سولاي جارالعانبىز عوي.. قولتىراۋىندار دا جەر باسىپ ءجۇر ەمەس پە؟  اكىمدەر  كرەسلودا شالقالاپ وتىرا المايدى. ەڭبەكتەپ جۇرگەن ادام قالاي قۇيرىعىمەن وتىرسىن؟ كابينەتىندە ستول، ورىندىق دەگەن اتىمەن جوق. تەك جەرگە كىلەم توسەلگەن، توردە  قالىڭ كورپە، قۇس جاستىق، اكىم  ەتپەتىنەن جاتىر. كەۋدەسىندە قۇس جاستىق. گالستۋگى ارقاسىندا، ايتپاقشى، شەنەۋنىكتەر گالستۋگتى موينىنا ەمەس، جەلكەسىنە تاعىپ، ارقاسىنا قاراي جىبەرەدى. الدىنا جىبەرسە، جەرگە سۇيرەتىلىپ، شاڭ-توپىراق بولىپ كەتەدى عوي...

جەر بەتىندە ءبارىمىز ەڭبەكتەپ ءجۇرمىز. سالەمدەسكەندە، باستارىمىزدى سوعىستىرامىز. ءبىر جامان جەرى، سپورتتىڭ  باسكەتبول، فۋتبول دەگەن ويىندارىن ويناي المايمىز.  ەڭبەكتەگەن ادامدار... اسىرەسە، ايەلدەرگە وبال... كويلەكتەرى جەرگە ءتيىپ، جىرىم-جىرىم بولىپ... دەپ ويلايسىزدار عوي. جوق، ولاي ەمەس، قۇداي ولاردى سەكەڭدەتىپ قويعان. قانشا دەگەنمەن، وسەك ايتۋلارى، قىدىرۋلارى كەرەك دەگەندەي، سەكەڭدەپ جۇرەدى... قوس اياق سەكىلدى... الدىڭعى قولدارى قىپ-قىسقا... سەكەڭ-سەكەڭ...

- ءولا،  ءتۋفليىمنىڭ وكشەسى سىنىپ قالىپتى.-دەيدى ايەلى.

- قاتتى سەكەڭدەمە دەدىم عوي ساعان!

- سەكەڭدەگەن سايىن ءىشىم اۋىرادى...

- اياعىڭ اۋىر. بالاڭ ءتۇسىپ قالادى.

- سەن دە ابايلاپ ەڭبەكتەسەڭشى. ءىشىپ الىپ، ارقاڭمەن جۇرەسىڭ بە، ءبىر قىرىڭمەن جۇرەسىڭ بە، جىنىمدى كەلتىرەسىڭ!

- سەندەردى قۇداي نەگە سەكەڭدەتىپ قويدى ەكەن؟-دەپ كۇرسىندى كۇيەۋى.

- نەگە ولاي دەيسىڭ، جانىم؟

- كەيدە قۇتىرىپ كەتەسىڭ. سوندايدى ۇرىپ الايىن دەسەم، سەكەڭ-سەكەڭ ەتىپ، ءۇي اينالا قاشاسىڭ. ەڭبەكتەپ ەكى كۇندە  جەتە الماپپىن دا ساعان!

ادامدار ەڭبەكتەپ بارادى...  ءبارى بىردەي... قۇداي بولىپ جۇرگەن قۇدايسىزدار جوق... ءبارىمىز ەڭبەكتەپ ءجۇرمىز، جەر يىسكەپ... ايتپاقشى، قولىڭىزعا ءتوفلي تاپتىڭىز با؟

«اباي-اقپارات»