قازاقستاندىقتار الەۋمەتتىك جەلىلەردەگى پاراقشالارىنا مەملەكەتتىك تۋدىڭ اياسىنداعى فوتوسۋرەتتەرىن جاريالاپ، ەرەكشە اكتسيا باستادى.

«مەن تۋىمدى ماقتان ەتەمىن» نەمەسە «يا گورجۋس سۆويم فلاگوم» دەگەن جازۋمەن جانە حەشتەگپەن ازاماتتار الەۋمەتتىك جەلىلەردە سۋرەتتەرىن جاريالاپ جاتىر. Facebook, Instagram جەلىلەرىمەن قاتار YouTube جەلىسىندە دە وسى باستاماعا قاتىستى ۆيدەو تاراۋدا. قولدانۋشىلاردىڭ ءبىرى ارنايى ۆيدەو ازىرلەسە، ەندى ءبىرى ولەڭ-جىر ارناپ، ءۇن قوسقان.

«ءمولدىر، بۇلتسىز اشىق اسپان كۇمبەزىڭ،
بەينەلەگەن التىن شاپاق كۇن كوزىن.
ادالدىق پەن پاكتىك كوڭىل نىشانى
كورىپ ءجۇرمىن كوك تۋىمدى كۇندە ءوزىم»، - دەپ جىر ارناعان قولدانۋشىلاردىڭ ءبىرى.

تۇپنۇسقا: قازاقپارات

Abai.kz