چەمودانوۆا تەلەگرام-كانالىنداعى مالىمدەمەسىندە بۇعان جودينو جانە سوليگورسك قالالارىنداعى مەملەكەتتىك عيماراتتارعا ءورت قويۋ ارەكەتتەرى مىسال ەكەنىن ايتتى.
"كەشەگى نارازىلىقتار تەررورلىق قاۋىپكە اينالدى. قۇقىق قورعاۋ ورگاندارىنىڭ قىزمەتكەرلەرى بىرەۋىن دە ءجاي قالدىرمايدى، قىلمىستىڭ بەتىن اشۋ ءۇشىن بارلىق شارالاردى قولدانادى", - دەدى ءىىم رەسمي وكىلى.
ءبىر كۇن بۇرىن جودينو قالاسىندا جەرگىلىكتى پروكۋراتۋرا عيماراتى ەسىگىن ورتەگەن 31 جاستاعى تۇرعىن قامالدى. ءىىم جاريالاعان ۆيدەودا ول 8 قازانعا قاراعان ءتۇنى "عيماراتتىڭ كىرە بەرىسىندە بەنزين قۇيىلعان بوتەلكەگە وت قويعانىن" ايتقان.
"مۇنداي ارەكەتكە راديكالدانۋعا شاقىرىپ جاتقان تەلەگرام-كانالداردى وقىپ الىپ باردىم. ويلانباي ارەكەت ەتتىم، قازىر وكىنەمىن. ادامدارعا ويلانباستان مۇنداي ارەكەتكە بارماڭدار، جاقىندارىڭدى ويلاڭدار دەپ ايتقىم كەلەدى", - دەدى ول.
پوليتسيا مالىمەتىنە قاراعاندا، 21 قازاندا سوليگورسك قالاسىندا اۋداندىق پروكۋراتۋرا عيماراتىنىڭ الدىندا توقتاپ تۇرعان ءتورت كولىك ورتەنگەن. ەلدىڭ تەرگەۋ كوميتەتى بۇل فاكتى بويىنشا قىلمىستىق ءىس قوزعادى.
بەلارۋستا 9 تامىزدا وتكەن پرەزيدەنت سايلاۋىنان كەيىن التىنشى رەت الەكساندر لۋكاشەنكو جەڭىسكە جەتكەنى جاريالانعاننان كەيىن نارازىلىق اكتسيالار جالعاسىپ جاتىر.
Abai.kz
