«سق-فارماتسيانىڭ» باسقارما توراعاسى ەرحات ەسقاليەۆ ءوزىنىڭ بۇل قىزمەتتە قانشا جالاقى الاتىنىن ايتىپتى. بۇل تۋرالى ول «حابار 24» ارناسىنا بەرگەن سۇحباتىندا مالىمدەدى.

توراعاعا ايىنا 1 ميلليون 300 مىڭ تەڭگە، ونىڭ ورىنباسارىنا 900 مىڭ تەڭگە، باسقارۋشىلارىنا 450-دەن 650 مىڭ تەڭگەگە دەيىن ەڭبەكاقى تولەنەدى ەكەن.

ەسقاليەۆتىڭ ءۇش باسقارۋشىسى مەن ءبىر ورىنباسارى بار. سپيكەر سونىمەن بىرگە كوروناۆيرۋستىڭ ەكىنشى تولقىنىنا دايىندىق تۋرالى بايانداپ، قويمادا ەكى ايعا جەتەتىن ءدارى-دارمەكتىڭ بار ەكەنىن ايتتى.

ەستەرىڭىزگە سالا كەتەيىك، بۇعان دەيىن «سق-فارماتسيانىڭ» ءباسپاسوز قىزمەتى كومپانيا قىزمەتكەرلەرىنىڭ جالاقىسىن جاريا ەتكەن بولاتىن. قازىرگى ۋاقىتتا مەنەدجەر – 200 000 تەڭگە، باس مەنەدجەر – 350 000 تەڭگە، اكىمشىلىك-باسقارۋ پەرسونالى – 450 000 تەڭگە كولەمىندە جالاقى الادى.

Abai.kz