بەيسەنبى, 28 ناۋرىز 2024
3209 2 پىكىر 30 قازان, 2020 ساعات 11:33

فرانتسيادا تەررورلىق قاۋىپتىڭ قىزىل دەڭگەيى جاريالاندى

فرانتسيادا نيتستسا مەن اۆينوندا ادامدارعا پىشاقپەن شابۋىل جاسالعاننان كەيىن، تەررورلىق قاۋىپتىڭ قىزىل دەڭگەيى جاريالاندى. بۇل جونىندە ەل پرەمەر-ءمينيسترى جان كاستەكس مالىمدەدى.

پوليتسيا مەن ارميا قاۋىپسىزدىكتى قامتاماسىز ەتۋ ءۇشىن جۇمىلدىرىلىپ جاتىر. جۇما كۇنى قورعانىس جونىندە كەڭەستىڭ وتىرىسى وتەدى.

كاستەكستىڭ سوزىنشە، فرانتسيا "ۆارۆارلار مەن قورقاقتاردىڭ" شابۋىلىنا تاپ بولىپ، بۇكىل ەلگە قايعى اكەلىپ وتىر. وسىلاي دەپ Le Figaro گازەتى حابارلايدى.

بەيسەنبى كۇنى ەر ادام نيتستسادا نوتر-دام شىركەۋىنە كىرىپ، ەكى ادامعا شابۋىل جاساعان.

نيتستسا مەرى كريستيان ەستروزي شابۋىلداعان ادام بىرنەشە رەت "اللاحۋ اكبار" دەپ ايعايلاعانىن ايتتى.

فرانتسيا پرەزيدەنتى ەممانۋەل ماكرون نيتستساعا ۇشىپ باردى.

ول ەلىنىڭ كەزەكتى رەت "يسلامشىلاردىڭ شابۋىلىنا" تاپ بولعانىن مالىمدەدى. "بىزگە تاعى شابۋىل جاساعانى، بۇل ءبىزدىڭ قۇندىلىعىمىز ءۇشىن، ءسوز بوستاندىعىن قۇرمەتتەيتىنىمىز ءۇشىن جانە تەررورلىق ارەكەتكە بەرىلمەگەنىمىز ءۇشىن", – دەدى فرانتسيا پرەزيدەنتى.

ساۋد ارابيادا جيدداداعى فرانتسيا كونسۋلدىعىنىڭ كۇزەتشىسىنە شابۋىل جاساعان جەرگىلىكتى تۇرعىن ۇستالدى. كۇزەتشى جەڭىل جاراقات العان.

فرانتسيا پرەزيدەنتى قاۋىپسىزدىكتى قامتاماسىز ەتۋگە 7 مىڭعا جۋىق اسكەر جۇمىلدىراتىنىن جەتكىزدى.

وسى جەكسەنبى، 1 قاراشادا كاتوليكتەر مارقۇمداردى ەسكە الاتىن قاسيەتتى حريستيان مەرەكەسىن اتاپ وتەدى.

مۇسىلماندار 29 قازاندا مۇحاممەد پايعامباردىڭ تۋعان كۇنىن اتاپ وتكەن.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3499