قر ۇكىمەتى «قازاقستان كوممۋنيستىك پارتياسى» فراكتسياسىنىڭ زەينەتكەرلىك جاستى تومەندەتۋدى ۇسىنعان ءتيىستى دەپۋتاتتىق ساۋالىنا جاۋاپ بەردى.

ۇكىمەت تاراتقان مالىمەت بويىنشا، قازىر زەينەتكەرلىك جاستى كوتەرۋ تۋرالى ماسەلە قاراستىرىلىپ جاتقان جوق.

«قازاقستان كوممۋنيستىك پارتياسى» فراكتسياسىنىڭ زەينەتكەرلىك جاستى تومەندەتۋدى ۇسىنعان ءتيىستى دەپۋتاتتىق ساۋالىنا جاۋاپ رەتىندە 2018 جىلدان باستاپ كۇشىنە ەنگەن وزگەرىستەرمەن بىرگە قازاقستان رەسپۋبليكاسىندا قولدانىستاعى زەينەتاقى جۇيەسى تۋرالى تۇسىنىكتەمە بەرىلدى.

سونىمەن قاتار، ەڭبەك نارىعىندا پايدا بولعان الەمدىك تەندەنتسيالار مەن  ءار ءتۇرلى ەلدەردەگى دەموگرافيالىق ۇردىستەر نەگىزگە الىنعان.

پرەمەر-ءمينيستردىڭ جاۋابىندا «قازاقستاندا زەينەتكەرلىك جاستى ودان ءارى ۇلعايتۋ تۋرالى ەشتەڭە ايتىلماعان، ويتكەنى مۇنداي ماسەلە بۇگىنگى كۇن تارتىبىندە جوق»،- دەلىنگەن.

سونىمەن، كەيبىر باق-تاردا «قازاقستاندا زەينەتكەرلىك جاستى ۇلعايتۋ جوسپارلانىپ وتىر» دەگەن اقپارات شىندىققا سايكەس كەلمەيدى.

Abai.kz