يتاليالىق ۆوكاليست جانە وڭدەۋشى فابيو كاسالە ديماشتىڭ ورىنداۋىنداعى «سامال تاۋ» ءانىن قازاق تىلىندە شىرقادى. بۇل تۋرالى Dimashnews.com جازدى.
فابيو كازالە يتاليانىڭ استاناسى ريمدە دۇنيەگە كەلگەن. ەس بىلگەننەن ول ونەرگە جاقىن ءوسىپ، ءان ايتتى. بۇل قالىپتى جاعداي، ويتكەنى ونىڭ ەلى مۋزىكالىق ونەردىڭ بەسىگى سانالادى. بارلىق يتالياندىقتاردىڭ تابيعاتىندا مۋزىكاعا قۇمارلىق پەن بەيىمدىلىك بار.
فابيو گيتارانىڭ بىرنەشە ءتۇرى، باسس پەن فورتەپيانودا وينايدى. مۋزىكانت دەۆيد بوۋي، فرەددي مەركيۋري سەكىلدى ۇلى ورىنداۋشىلاردان شابىت الاتىن. ال جاقىندا ول «S.O.S»انىن تىڭداپ، ديماشتىڭ شىعارماشىلىعىمەن تانىستى.
ديماشتىڭ ەڭ جوعارى جانە وتە تومەن نوتالاردى ەركىن الۋ قابىلەتى فابيونى تاڭعالدىردى. قازاق ۇلىنىڭ ونەرىنە ءتانتى بولعان ول كاۆەر جاساۋدى ويعا الدى.
فابيو قازاق ءتىلىن بىلمەيدى. الايدا ءاندى ەكپىنسىز قالاي ورىندادى دەگەن ساۋالعا، ول ءماتىندى تالداۋعا كوپ ۋاقىت جۇمسايتىنىن ايتتى.
«سامال تاۋعا» كاۆەر جاساۋ وتە قيىن بولدى، ويتكەنى مەن قازاق ءتىلىن مۇلدەم بىلمەيمىن. ءار ءماتىننىڭ مازمۇنىنا مۇقيات نازار اۋدارىپ، ماعىناسىن ءتۇسىنىپ، تىڭداۋ ارقىلى تۇسىنۋگە تۋرا كەلدى», – دەيدى فابيو.
فابيونىڭ ارمانى ديماشپەن بىرگە ءان سالۋ. بولاشاقتا بىرلەسكەن كومپوزيتسيا جازۋدى دا ويعا الىپ ءجۇر. جاقىندا ول قازاقستاندىق انشىگە «Angelo senza confine» (شەكاراسىز پەرىشتە) اتتى ءانىن ارنادى. وندا ديماشقا ايتقىسى كەلگەن ويىن مۋزىكا ارقىلى جەتكىزگەن.
قازىر فابيو Dear-لار ءۇشىن تاعى بىرنەشە توسىن سىي دايىنداۋدا. «سامال تاۋدان» باسقا، ول ديماشتىڭ انىنە تاعى ءبىر كاۆەر شىعارۋدى جوسپارلاپ وتىر. ودان سوڭ ءوز اندەرىن جازۋدى باستاماقشى.
ايتا كەتەيىك، «سامال تاۋ» ءانى 1916 جىلعى كوتەرىلىس جايلى. وندا II نيكولاي پاتشانىڭ تىل جۇمىسىنا «بۇراتانا» حالىقتاردى تارتۋ جايلى جارلىعىنا قارسى حالىقتىڭ كوڭىل-كۇيى سيپاتتالعان.
Abai.kz
