دوستار، مەن ءارى ويلاپ، بەرى ويلاپ، ادامداردىڭ پىكىرلەرىن تىڭداپ، اسسامبلەيانىڭ ۇلتتى تاڭداۋ جونىندە مىنانداي قورىتىندىعا كەلدىم.

1. ۇلت دەگەنىمىز ويىنشىق-تاڭداۋ ەمەس، ول تۋعاننان قانمەن كەلەتىن دۇنيە. ۇلتتى ازاماتتىعىمەن شاتاستىرۋعا بولمايدى. ادامنىڭ ازاماتتىعىن ايىرباسۋعا قۇقىعى جانە مۇمكىندىگى البەتتە بار بولۋى ءجون. ال ۇلتتى ادام ءوزى تاڭداي المايدى، ول تۋعاننان بەرىلەتىن زات. ۇلتتى ادامنىڭ ءوز تاڭداۋىمەن وزگەرتۋ - ەشبىر ەلدە جوق نارسە.

2. ەكىنشىدەن، قازاق ۇلتىن تاڭداۋعا جول اشاتىن بولساق، ەرتەڭ قىتايلار بولسىن، باسقالار بولسىن كەلىپ "مەن دە قازاقپىن" دەپ شىعا كەلسە، بۇل جەر مەنىكى دەپ ايتسا نە ىستەيمىز؟ قۇجات بويىنشا ول دا قازاق بولادى عوي!

3. ەرتەڭ ەلدە ساناق ناۋقانى باستالادى، سوندا قازاقستاندا قازاقتاردىڭ، باسقالاردىڭ سانى قانشا قايدان بىلەمىز؟ قازاق ۇلتى ءوز بىرتەكتىلىگىن جوعالتسا - ۇلتتىق مەملەكەتتى قالاي قۇراتىن بولامىز؟

نەگىزى، وسى اسسامبلەيانىڭ ۇسىنىستارىنا ءبىز كۇدىكپەن قاراۋىمىز ءجون. بۇل ۇيىمنىڭ قازاق ۇلتىنا پايدالى، ءتيىمدى ءبىر ۇسىنىسىن ومىردە كورگەن ەمەسپىن. ەستەرىڭىزدە بولسا 2009 جىلى "كازاحستانسكايا ناتسيا", ودان كەيىن ء"ۇش تۇعىرلى ءتىل" دەگەن يدەيالارىنان باستاپ - بارلىعى قازاق ۇلتى ءۇشىن ءوز زيانىن كورسەتتى.

بۇل جولى دا ء"وز ۇلتىن ادام ءوزى تاڭداسىن" دەگەن اسسامبلەيانىڭ ۇسىنىسىنا ءبىز تۇبەگەيلى قارسى بولۋىمىز قاجەت! ال نەگىزى اسسامبلەيا تاراتىلۋ كەرەك، مۇلدەم پايداسىز ۇيىم.

مۇحتار تايجاننىڭ جازباسى

Abai.kz