بۇگىن پالاتا سپيكەرى، ماجىلىستەگى «Nur Otan» پارتياسىنىڭ فراكتسيا جەتەكشىسى نۇرلان نىعماتۋليننىڭ توراعالىعىمەن فراكتسيانىڭ كەڭەيتىلگەن وتىرىسى ءوتتى. وندا  پارتيانىڭ  «قازاقستان 2021: بىرلىك. تۇراقتىلىق. جاسامپازدىق» اتتى سايلاۋالدى باعدارلاماسىنىڭ ورىندالۋى تۋرالى ۇكىمەتتىڭ ەسەبى تىڭدالدى.

بەينەكونفەنتسيا فورماتىندا وتكەن كەڭەيتىلگەن جيىنعا قازاقستاننىڭ  پرەمەر-ءمينيسترى اسقار مامين، «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك، سونداي-اق، ۇكىمەت مۇشەلەرى قاتىستى.

پارتيانىڭ سايلاۋالدى باعدارلاماسى تۋرالى ايتقان ءماجىلىس توراعاسى نۇرلان نىعماتۋلين، قازاقستاننىڭ تۇڭعىش پرەزيدەنتى – ەلباسى، پارتيا كوشباسشىسى نۇرسۇلتان ءابىشۇلى نازارباەۆ پارلامەنتتىك فراكتسيانىڭ الدىنا «Nur Otan» پارتياسىنىڭ بارلىق سايلاۋالدى مىندەتتەمەلەرىنىڭ ورىندالۋىنا تىكەلەي جانە قاتاڭ باقىلاۋ جاساۋ مىندەتىن قويعانىن اتاپ ءوتتى.

بۇل ءۇشىن ماجىلىستەگى «Nur Otan» فراكتسياسى ۇكىمەتپەن ءوزارا ءىس-قيمىل جاساي وتىرىپ، اپتا سايىن سايلاۋالدى باعدارلامانىڭ ورىندالۋ بارىسىنا مونيتورينگ جۇرگىزىپ، سونداي-اق الىنعان مىندەتتەمەلەردى ورىنداۋ ءۇشىن زاڭنامالىق نەگىز قالىپتاستىرىپ، جۇمىستى جۇيەلى تۇردە جولعا قويدى.

سونىمەن قاتار ءماجىلىس توراعاسى نۇرلان نىعماتۋلين «Nur Otan» فراكتسياسىنا مۇشە دەپۋتاتتار ۇكىمەتتىك زاڭ جوبالارىمەن جۇمىس ىستەۋمەن قاتار،  وزدەرى دە 55 زاڭ جوباسىنا باستاماشى بولعانىنا نازار اۋداردى.

ءوز كەزەگىندە، ۇكىمەت باسشىسى بايانداعانداي پارتيانىڭ سايلاۋ الدىنداعى مىندەتتەمەلەرى نەگىزىنەن ورىندالدى.

پرەمەر-ءمينيسترى اسقار ءماميننىڭ ايتۋىنشا، ءىرى ينفراقۇرىلىمدىق جوبالاردى ىسكە اسىرۋ، اۆتو جانە تەمىر جولداردى، زاماناۋي لوگيستيكالىق جوبالاردى جاڭعىرتۋ ناتيجەسىندە 559 مىڭ جۇمىس ورنى قۇرىلدى. مەكتەپتەر مەن بالاباقشالاردىڭ قۇرىلىسى ەرەكشە باقىلاۋدا. 4 جىل ىشىندە 3 مىڭنان استام مەكتەپكە دەيىنگى بالالار مەكەمەسى سالىندى. ءۇش اۋىسىمدى جانە اپاتتى مەكتەپتەردى جويۋ ءۇشىن 417 مەكتەپ پايدالانۋعا بەرىلدى. بيىل-تاعى 56.

اسقار مامين اتاپ وتكەندەي، اگروونەركاسىپتى قارقىندى دامىتۋ جونىندەگى مىندەت دايەكتى جانە جۇيەلى تۇردە شەشىلۋدە. اۋىل شارۋاشىلىعى ينفراقۇرىلىمىنىڭ 400-دەن استام جاڭا نىسانى ىسكە قوسىلدى.

ۇكىمەت قولايلى ىسكەرلىك احۋال قالىپتاستىرۋعا ەرەكشە كوڭىل بولۋدە. بيزنەستى جۇرگىزۋ شارتتارىن جاقسارتۋ ءۇشىن رەتتەۋشى ورتا ۇنەمى جەتىلدىرىلىپ، كەدەندىك اكىمشىلەندىرۋ جاقسارتىلۋدا. «Doing Business» بيزنەستى جۇرگىزۋ جەڭىلدىگى حالىقارالىق رەيتينگىندە قازاقستان الەمنىڭ 190 ەلىنىڭ اراسىندا 25-ورىندى يەلەندى.

«جاڭا الەۋمەتتىك ساياسات» باعدارلاماسىنىڭ باعىتى شەڭبەرىندە اتاۋلى الەۋمەتتىك كومەكتىڭ جاڭا مودەلى ەنگىزىلدى. رەفورمالانعان جۇمىسپەن قامتۋ ورتالىقتارى امبەباپ قىزمەتتەردىڭ كەڭ جۇيەسىن ۇسىنادى. كەدەيلىك شەگى ەڭ تومەنگى كۇنكورىس دەڭگەيىنىڭ 40% - ىنان 70% - عا دەيىن ءوستى، بۇل مۇقتاج ازاماتتاردىڭ ۇلكەن سانىنا الەۋمەتتىك كومەك كورسەتۋگە مۇمكىندىك بەرەدى. شاعىن بيزنەسكە شاعىن نەسيە بەرۋ كولەمى 31 ملرد. تەڭگەدەن 83 ملرد. تەڭگەگە دەيىن ۇلعايتىلدى.

مەديتسينالىق قىزمەتتەردىڭ قولجەتىمدىلىگىن، ساپاسى مەن تيىمدىلىگىن ارتتىرۋ ءۇشىن 2020 جىلدىڭ قاڭتارىنان باستاپ مىندەتتى الەۋمەتتىك مەديتسينالىق ساقتاندىرۋ جۇيەسى كەزەڭ-كەزەڭىمەن ەنگىزىلەدى.

«قاۋىپسىزدىك جانە تۇراقتىلىق» باعىتى شەڭبەرىندە ۇكىمەت ەلباسى مەن مەملەكەت باسشىسىنىڭ حالىقارالىق باستامالارىن ىلگەرىلەتۋ جونىندەگى ءىس-شارالاردى دايەكتى تۇردە ىسكە اسىردى.

ءماجىلىس سپيكەرى نۇرلان نىعماتۋلين بىرلەسكەن جۇمىس ناتيجەلەرى تۋرالى ايتا كەلىپ، بۇعان ەڭ الدىمەن، تاۋەلسىزدىك جىلدارى ەلباسى، پارتيا كوشباسشىسى نۇرسۇلتان ءابىشۇلى نازارباەۆتىڭ ستراتەگيالىق باعىتىنىڭ ارقاسىندا ەلدە تۇراقتى ەكونوميكا قۇرىلىپ، التىن-ۆاليۋتا رەزەرۆتەرىنىڭ ۇلكەن كولەمى جيناقتالعانىن، بۇل سىرتقى سىن-قاتەرلەرگە جاۋاپ بەرۋگە مۇمكىندىك بەرەتىنىن اتاپ ءوتتى.

سونىمەن قاتار پالاتا سپيكەرى ۇكىمەت مەملەكەتتىك جانە سالالىق باعدارلامالاردى ىسكە اسىرۋ ارقىلى سايلاۋالدى باعدارلامانى ورىنداۋ ءۇشىن بارلىعىن جاساعانىن العا تارتا كەلىپ، وسى جىلدار ىشىندە دەپۋتاتتىق كورپۋس بارلىق قاجەتتى زاڭنامالىق بازانى قالىپتاستىرعانىن ايتتى.

وسى ورايدا نۇرلان نىعماتۋلين:

• «Nur Otan» پارتياسى ەلىمىزدەگى نەگىزگى جانە جەتەكشى ساياسي ۇيىم بولىپ تابىلادى. سول ءۇشىن پارتيامىزدىڭ توراعاسى، ەلباسىمىز نۇرسۇلتان ءابىشۇلى نازارباەۆ پارتيا الدىنداعى بارلىق مىندەتتەردى، سونىڭ ىشىندە، سايلاۋ باعدارلاماسىن ورىنداۋ تۋرالى ارقاشاندا تاپسىرما بەرىپ كەلەدى. سەبەبى، «Nur Otan» پارتياسىنىڭ سايلاۋ باعدارلاماسى ول – ەلباسىمىز ايتقانداي، ەلدى ساقتاۋ، تاۋەلسىزدىكتى نىعايتۋ جانە ۇلتتىڭ بولاشاققا باراتىن جولى. سونىمەن بىرگە، ول – ساياسي، ەكونوميكالىق، الەۋمەتتىك باستامالاردى جۇزەگە اسىرۋدىڭ كەپىلى، – دەدى.

نۇرلان نىعماتۋلينننىڭ ايتۋىنشا، VI شاقىرىلىم بارىسىندا «Nur Otan» فراكتسياسى دەپۋتاتتارىنىڭ سايلاۋ الدىنداعى مىندەتتەمەلەرىن قارجىلىق قامتاماسىز ەتۋ جونىندەگى ۇسىنىستارى رەسپۋبليكالىق بيۋدجەتتەن جالپى 138, 3 ملرد. تەڭگە سوماسىندا قولداۋ تاپتى. بيۋدجەت شىعىستارى ءبىلىم بەرۋ، دەنساۋلىق ساقتاۋ سالالارىن دامىتۋعا، سۋمەن جابدىقتاۋ، سۋ بۇرۋ، اۋىلدىق ەلدى مەكەندەردى گازبەن جابدىقتاۋ، جالعا بەرىلەتىن تۇرعىن ءۇي سالۋ جانە ت. ب. ماسەلەلەردى شەشۋگە ۇلعايتىلدى.

• وسىنىڭ بارلىعى ەلدىڭ تۇراقتى دامۋى مەن قازاقستاندىقتاردىڭ ءومىر ءسۇرۋ ساپاسىن جاقسارتۋ جونىندەگى مىندەتتەردى شەشۋگە مۇمكىندىك بەردى. پارتيامىزدىڭ كوشباسشىسى نۇرسۇلتان ءابىشۇلى نازارباەۆ جانە مەملەكەت باسشىسى قاسىم-جومارت توقاەۆ وسىنداي مىندەتتەر جۇكتەدى، – دەدى ءماجىلىس توراعاسى.

سونىمەن قاتار، جيىن بارىسىندا بىرقاتار ماسەلەلەر بەلگىلى سەبەپتەر بويىنشا تولىق كولەمدە ورىندالماعانى اتاپ ءوتىلدى. ەڭ الدىمەن، ولار نارىقتى وتاندىق ازىق-تۇلىك ونىمدەرىمەن، سانى 250 ادامنان اساتىن بارلىق ەلدى مەكەندەردى جوعارى جىلدامدىقتى ينتەرنەتپەن قامتۋ، مەملەكەتتىك جانە كۆازيمەملەكەتتىك سەكتوردىڭ ءىرى كومپانيالارىن جەكەشەلەندىرۋ.

وتىرىس بارىسىندا، نۇرلان نىعماتۋلين:

– كوروناۆيرۋستىق پاندەميا، الەمدىك نارىقتارداعى تۇراقسىزدىق - بۇل ەسكەرۋسىز قالدىرمايتىن نارسە ەكەنى تۇسىنىكتى. ءبىز ۇكىمەتتىڭ وسى ماسەلەلەردى شەشۋدە ناقتى جولدارى بار ەكەنىن كورىپ وتىرمىز، – دەدى.

ءماجىلىس توراعاسى وسى باعىتتا قويىلعان ماقساتتارعا جەتۋ ءۇشىن ۇكىمەت بارلىق قاجەتتى شارالاردى قولداناتىنا سەنىم ءبىلدىرىپ، پارلامەنت تاراپىنان باقىلاۋدى قامتاماسىز ەتۋدى جالعاستىراتىنىن جەتكىزدى.

كەڭەيتىلگەن جيىن بارىسىندا «Nur Otan» فراكتسياسىنىڭ دەپۋتاتتارى قازاقستاندىقتار ءۇشىن وزەكتى ماسەلەلەرگە نازار اۋداردى. ءبىرىنشى كەزەكتە، ول ەلىمىز بويىنشا اسىرەسە، اۋىلدىق جەرلەردە جالعا بەرىلەتىن تۇرعىن ۇيلەرمەن قامتاماسىز ەتۋ.  سونداي-اق دەپۋتاتتار قارجىلاندىرۋ مەن قۇرىلىس كولەمىن، ونىڭ ىشىندە جەرگىلىكتى بيۋدجەت قاراجاتى ەسەبىنەن ۇلعايتۋ قاجەت دەپ سانايدى. جيىندا سسى ماقساتتارعا بولىنەتىن بيۋدجەت قاراجاتىن ءتيىمدى پايدالانۋعا جانە سالىنىپ جاتقان ۇيلەردىڭ ساپاسىنا باقىلاۋدى قاتاڭداتۋ سياقتى باسقا دا ماسەلەلەر قامتىلدى.

ءماجىلىس دەپۋتاتتارىنىڭ پىكىرىنشە، حالىقتى ەڭبەكپەن قامتۋدىڭ بەلسەندى شارالارىنا تارتۋدى ودان ءارى  جالعاستىرىپ، وسى باعىتتا  قابىلدانعان مەملەكەتتAbai.kzىك باعدارلامالاردى ۇيلەستىرۋدى كۇشەيتىپ، ول تۋرالى حالىقتى تۇراقتى اقپاراتتاندىرىپ تۇرۋ قاجەت.

Abai.kz