جۇما, 29 ناۋرىز 2024
بيلىك 2295 1 پىكىر 20 قاراشا, 2020 ساعات 12:06

ماجىلىستە بيۋرو وتىرىسى ءوتتى

بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن وتكەن پالاتانىڭ بيۋرو وتىرىسىندا الداعى سارسەنبىدە قارالاتىن وزەكتى ماسەلەلەر توپتاماسى تالقىلاۋدان ءوتتى.

ايتا كەتۋ كەرەك، جالپى وتىرىستىڭ كۇن تارتىبىندە 20-عا جۋىق ماسەلە قامتىلىپ وتىر.

اتاپ ايتار بولساق، دەپۋتاتتار نازارىنا ۆەتەريناريا،  ماقتا سالاسىن دامىتۋعا قاتىستى ماسەلەلەر ءبىرىنشى وقىلىمدا ۇسىنىلادى.

سونىمەن بىرگە،  «استىق تۋرالى» زاڭعا تولىقتىرۋلار ەنگىزىلمەك.

ال، ەكىنشى وقىلىمدا قارالاتىن زاڭ جوبالارى قاتارىندا  «قازاقستان رەسپۋبليكاسىنىڭ ۇكىمەتى تۋرالى» كونستيتۋتسيالىق زاڭ جوباسىن، مەملەكەت باسشىسىنىڭ 2020 جىلعى 1 قىركۇيەكتەگى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىنىڭ جەكەلەگەن ەرەجەلەرىن ىسكە اسىرۋ،  «قازاقستان رەسپۋبليكاسىنىڭ قىلمىستىق جانە قىلمىستىق-پروتسەستىك كودەكستەرىنە قىلمىستىق پروتسەستە ازاماتتاردىڭ قۇقىقتارىن قورعاۋدى كۇشەيتۋ،  جىلجىمايتىن مۇلىككە قۇقىقتاردى جانە زاڭدى تۇلعالاردى مەملەكەتتىك تىركەۋ،  ەكونوميكالىق ءوسۋدى قالپىنا كەلتىرۋ،  ورتالىق جانە جەرگىلىكتى مەملەكەتتىك ورگاندار اراسىندا اۋىزسۋمەن جابدىقتاۋدى سۋبسيديالاۋ جونىندەگى وكىلەتتىكتەردىڭ اراجىگىن اجىراتۋ ماسەلەلەرىن ايرىقشا اتاپ وتۋگە بولادى.

راتيفيكاتسيالىق قۇجاتتار قاتارىندا ازيا دامۋ بانكىمەن قارىز تۋرالى كەلىسىمدى (جاي وپەراتسيالار) (COVID-19-عا قارسى كۇرەس جونىندەگى بەلسەندى شارالار مەن شىعىستاردى قولداۋ باعدارلاماسى، ازيا ينفراقۇرىلىمدىق ينۆەستيتسيالار  بانكىمەن قارىز تۋرالى كەلىسىمدى                     (COVID-19-عا قارسى كۇرەس جونىندەگى بەلسەندى شارالار مەن شىعىستاردى قولداۋ باعدارلاماسى),  «1999 جىلعى 8 قازانداعى ەركىن ساۋدا ايماعىن قۇرۋ تۋرالى كەلىسىمگە قاتىسۋشى مەملەكەتتەردىڭ اراسىندا تاسىمالداناتىن   تاۋارلاردى كەدەندىك  رەسىمدەۋدىڭ  جانە   كەدەندىك   باقىلاۋدىڭ   ءتارتىبى   تۋرالى كەلىسىمگە بايلانىستى زاڭ جوبالارى بار.

سونداي-اق الداعى جالپى وتىرىستىڭ كۇن تارتىبىنە بالانىڭ قۇقىقتارىن قورعاۋ بويىنشا زاڭ جوباسىمەن جۇمىستى جالعاستىرۋ،  «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسكە (سالىق كودەكسى) جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكستى (سالىق كودەكسى) قولدانىسقا ەنگىزۋ تۋرالى» زاڭ جوباسىنا سەنات ەنگىزگەن وزگەرىستەرگە قاتىستى ماسەلەلەر ەنگىزىلگەن.

تاعى ءبىر ماسەلە ءولىم جازاسىنىڭ كۇشىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىگە ەكىنشى فاكۋلتاتيۆتىك حاتتامانى راتيفيكاتسيالاۋ تۋرالى قورىتىندى ازىرلەۋ جونىندە بولماق.

 (قر پارلامەنتى ءماجىلىسى اپپاراتىنىڭ ءباسپاسوز قىزمەتى)

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558