قاراعاندى وبلىسىندا جارتىلاي بەتپەردە ساتىپ الۋعا 13,6 ملن تەڭگە جۇمسالعان. بۇل تۋرالى Zertteu Research Institute مالىمدەدى.

بەتپەردەنىڭ ءبىر داناسى 68 مىڭ تەڭگە. بارلىعى 200 دانا العان.

تاپسىرىس بەرۋشى قاراعاندى وبلىسى دەنساۋلىق ساقتاۋ باسقارماسىنىڭ "وبلىستىق ارنايى مەديتسينالىق جابدىقتاۋ بازاسى" كمم.

ءونىم بەرۋشى "GoldenStag" جشس-مەن كەلىسىم-شارت 2020 جىلدىڭ 1 ساۋىرىندە جاسالعان.

تەحنيكالىق ەرەكشەلىگىندە تاۋارعا تولىق سيپاتتاما بەرىلمەگەن:

«اەروزولدەن قورعايتىن ءفيلترى بار 3م جارتىلايبەتپەردەلەرى. قاتتى بولشەكتەردىڭ اۋاداعى ۇلەسى شامادان تىس كوپ بولۋى مەن بۋلانۋى قيىن سۇيىق بولشەكتەردەن جۇمىسشىلاردىڭ تىنىس الۋ ورگاندارى زيان شەگەتىن جاعدايدا، سولاردان جاقسى قورعانۋ ماقساتىندا قولدانىلادى. كومىر شاڭدارىنان قورعايتىن سۇزگىسى بار».

Abai.kz